Openbaring 7:10 - Die Bybel 2020-vertaling

¹⁰ Hulle het met 'n harde stem uitgeroep: “Die verlossing behoort aan ons God, wat op die troon sit, en aan die Lam!”

Bybel vir almal

¹⁰ Hulle het hard geskree en gesê: “Ons God sit op die troon, Hy en die Lam het oorwin!”

Afrikaans 1933-1953

¹⁰ en hulle het met 'n groot stem geroep en gesê: Heil aan onse God wat op die troon sit, en aan die Lam!

Afrikaans 1983

¹⁰ Hulle het hard uitgeroep: “Ons redding kom van ons God, wat op die troon sit, en van die Lam!”

Contemporary Afrikaans Bible 2023

¹⁰ en met 'n groot stem uitgeroep en gesê: Verlossing aan onse God wat op die troon sit, en aan die Lam.

Die Boodskap

¹⁰ Hulle het ook hard geskree sodat almal kon hoor: “Wil jy weet wie jou uit jou sonde kan red? Dit is ons God wat oor alles heers en die Lam wat dit kan doen!”

Nuwe Lewende Vertaling

¹⁰ Met ’n kragtige stem het hulle uitgeroep: “Ons verlossing is te danke aan God wat op die troon sit en aan die Lam!”

Openbaring 7:10 Kruisverwysings

Psalms 115:1

Nie aan ons nie, Here, nie aan ons nie, maar aan u Naam kom die eer toe, oor u troue liefde, oor u bestendigheid.

Psalms 3:8

Staan op, Here, verlos my, my God, want U het al my vyande op die wang geslaan; die tande van die goddeloses het U gebreek.

Psalms 37:39

Regverdiges se verlossing kom van die Here – hulle toevlug in 'n tyd van verdrukking.

Jesaja 43:11

Ek, ja, Ek is die Here, en daar is geen verlosser buiten My nie.

Jesaja 45:15

Waarlik U is God, die Een wat Uself verberg, die God van Israel, die Verlosser.

Jesaja 45:21

Stel die saak en bring die bewyse! Beraadslaag ook saam! Wie het hierdie saak lankal reeds bekend gestel, dit tevore al aangekondig? Is dit nie Ek, die Here, nie? Daar is geen ander God buiten My nie – 'n regverdige God, en Een wat verlos – geeneen behalwe Ek nie.

Jeremia 3:23

Waarlik, die geluide van die heuwels af, die gedreun by die berge, is sinsbedrog. Waarlik, by die Here ons God lê die verlossing van Israel.

Hosea 13:4

“ Ek is die Here jou God – al van Egipteland af. Buiten My het jy geen ander god geken nie, en naas My was daar geen redder nie.

Jona 2:9

Maar ek, met 'n danklied wil ek aan U 'n offer bring, wat ek beloof het, sal ek betaal. Dit is die Here wat redding bring.”

Sagaria 4:7

‘Wie is jy, groot berg? Voor Serubbabel word jy 'n vlakte. Hy sal die sluitsteen naderbring onder uitroepe van, “Genade, genade hiervoor!” ’ ”

Sagaria 9:9

Juig, dogter van Sion! Jubel, dogter van Jerusalem! Kyk, jou koning kom na jou toe: hy is regverdig en die oorwinnaar; hy is nederig en ry op 'n donkie, op die hingsvul van 'n donkiemerrie.

Lukas 3:6

Dan sal alle mense sien hoe God verlossing bring.’ ”

Johannes 1:29

Die volgende dag sien Johannes Jesus na hom toe kom, en hy sê: “Kyk, die Lam van God wat die sonde van die wêreld wegneem!

Johannes 1:36

Toe Jesus verbyloop, het hy stip na Jesus gekyk en gesê: “Kyk, die Lam van God!”

Johannes 4:22

Julle aanbid dit wat julle nie verstaan nie; ons aanbid dit wat ons verstaan, want die verlossing kom uit die Jode.

Efesiërs 2:8

Want uit genade is julle verlos, deur geloof. En juis dit kom nie uit julle self nie; dit is die gawe van God.

Openbaring 12:10

Toe het ek 'n harde stem in die hemel hoor uitroep: “Nou het die verlossing en die krag en die koningsheerskappy van ons God deurgebreek, en ook die volmag van sy •Christus, omdat die aanklaer van ons broers uitgegooi is, hy wat hulle dag en nag voor ons God aangekla het.

Openbaring 19:1

Hierna het ek 'n harde klank gehoor, soos 'n groot skare, wat in die hemel jubel: “Halleluja! Die verlossing, die heerlikheid en die krag behoort aan ons God!

Openbaring 21:5

Hy wat op die troon sit, het gesê: “Kyk, Ek maak alles nuut. ” En Hy het ook gesê: “Skryf neer dat hierdie woorde betroubaar en waar is.”

Openbaring 22:3

Daar sal geen vloek meer wees nie. Die troon van God en die Lam sal in die stad wees, en sy diensknegte sal Hom dien.

Openbaring 4:6

Voor die troon lyk dit soos 'n see van glas, net soos kristal. In die middel van die troon en rondom die troon staan daar vier lewende wesens, vol oë aan die voorkant en agterkant.

Openbaring 5:7

En Hy het nader gegaan, en die boekrol geneem uit die regterhand van Hom wat op die troon sit.