Openbaring 6:17 - Die Bybel 2020-vertaling

¹⁷ want die groot dag van hulle toorn het aangebreek, en wie kan staande bly?”

Bybel vir almal

¹⁷ Want die tyd is nou hier wanneer Hulle ons sal straf, en ons sal nie aanhou lewe nie!”

Afrikaans 1933-1953

¹⁷ want die groot dag van sy toorn het gekom, en wie kan bestaan?

Afrikaans 1983

¹⁷ Die groot dag waarop Hulle die oordeel sal voltrek, het aangebreek, en wie sal staande kan bly?”

Contemporary Afrikaans Bible 2023

¹⁷ Want die groot dag van sy toorn het gekom; en wie sal staande kan bly?

Die Boodskap

¹⁷ Die dag waarop hulle finaal deur God veroordeel gaan word, lê voor die deur. Nie ’n enkele een sal kan ontsnap nie.

Nuwe Lewende Vertaling

¹⁷ Die belangrike dag van hulle wraak het aangebreek en wie kan staande bly?

Openbaring 6:17 Kruisverwysings

Psalms 110:5

My Heer, die een aan u regterhand verpletter konings op die dag van sy toorn.

Psalms 2:12

Soen die seun, sodat Hy nie toornig word en julle op pad omkom nie, want sy toorn vlam maklik op. Gelukkig is almal wat by Hom skuil.

Psalms 76:7

Vanweë u dreiging, o God van Jakob, het die bemanning van strydwaens en die perde in 'n beswyming geraak.

Jesaja 63:4

Want Ek het 'n dag van wraak in gedagte gehad; die jaar van my bloedwraak het aangebreek.

Jeremia 30:7

Helaas, want daardie dag is groot en sonder gelyke! Dit is 'n tyd van benoudheid vir Jakob, maar hy sal daaruit verlos word.

Joël 1:15

Ag, daardie dag! Ja, die dag van die Here is naby en dit kom as verwoesting van die Almagtige af.

Joël 2:1

Blaas die •ramshoring op Sion, maak alarm op my heilige berg! Al die inwoners van die land moet bewe, want die dag van die Here is aan die kom, ja, dit is naby!

Joël 2:11

En die Here self verhef sy stem voor sy leërmag uit, want geweldig groot is sy leër, ja, magtig is hulle wat sy bevel uitvoer. Voorwaar, die dag van die Here is groot, uitermate verskriklik – wie kan dit verduur?

Joël 2:31

Die son sal verander word in donkerte, en die maan in bloed, voordat die groot en verskriklike dag van die Here kom.

Nahum 1:6

Wie kan staande bly voor sy verontwaardiging, wie kan sy brandende toorn weerstaan? Wanneer sy woede uitbars soos vuur, spat rotse voor Hom uiteen.

Maleagi 3:2

Wie kan die dag van sy koms verduur, wie kan staande bly wanneer hy verskyn? Ja, daardie dag is soos die vuur van die smelter en soos die loog van wassers.

Lukas 21:36

Wees te alle tye waaksaam , en bid dat julle in staat sal wees om al hierdie dinge wat gaan gebeur, te ontvlug, en voor die •Seun van die Mens te kan staan. ”

Romeine 2:5

Deur jou hardkoppigheid en onbekeerlike hart is jy besig om toorn teen jouself op te stapel op die dag van toorn, wanneer die regverdige oordeel van God geopenbaar sal word.

Judas 1:6

en dat Hy die engele wat hulle nie aan hulle magsgebied gehou het nie, maar hulle woonplek verlaat het, met ewige boeie in die duisternis in bewaring hou, vir die oordeel van die groot dag.

Openbaring 11:18

Die nasies was woedend, maar u toorn het ontvlam, en die bestemde tyd het aangebreek om u oordeel oor die dooies te vel, en om u diensknegte, die profete, en die •heiliges, en hulle wat ontsag het vir u Naam, klein en groot, te beloon, en om die vernietigers van die aarde te vernietig.”

Openbaring 16:14

Hulle is demoniese geeste wat tekens doen, en wat na die konings van die hele bewoonde wêreld gaan, om hulle byeen te bring vir die oorlog op die groot dag van God, die Almagtige.

1 Samuel 6:20

Die manne van Bet-Semes sê toe: “Wie kan voor hierdie heilige God, die Here, staande bly? Na wie toe kan die ark van ons af gaan?”