Openbaring 3:17 - Die Bybel 2020-vertaling

¹⁷ Omdat jy sê, “Ek is ryk, ek het skatryk geword, en het aan niks gebrek nie,” en nie besef dat jy ellendig en bejammerenswaardig, brandarm, blind en naak is nie,

Bybel vir almal

¹⁷ Jy dink jy is ryk, baie ryk, jy dink jy het niks nodig nie. Maar jy is verkeerd, jy weet nie dat dit baie sleg gaan met jou nie. Mense moet jammer wees vir jou, jy is soos iemand wat arm en blind is en wat nie klere het nie.

Afrikaans 1933-1953

¹⁷ Want jy sê: Ek is ryk en het verryk geword en het aan niks gebrek nie; en jy weet nie dat dit jy is wat ellendig en beklaenswaardig en arm en blind en naak is nie.

Afrikaans 1983

¹⁷ Julle sê: “Ons is ryk, skatryk, en ons het niks meer nodig nie,” en julle weet nie dat julle ellendig en beklaenswaardig is nie, arm, blind en kaal.

Contemporary Afrikaans Bible 2023

¹⁷ Omdat jy sê: Ek is ryk en het vermeerder met goed en het aan niks gebrek nie; en jy weet nie dat jy ellendig en ellendig en arm en blind en naak is nie.

Die Boodskap

¹⁷ Julle is nogal die mense wat dit waag om te spog. “Kyk hoe ryk is ons,” sê julle. “Kyk hoe gaan ons vooruit. Ons het niks van iemand nodig nie, want kyk net wat het ons alles!” Ai, al hierdie gespog maak dat julle heeltemal blind is vir hoe pateties dit regtig met julle gaan. ’n Mens wil eintlik sommer oor julle aan die huil gaan. Kyk net hoe lyk julle: julle is geestelik brandarm en bankrot. Boonop besef julle dit nie eens nie, want julle is soos blindes.

Nuwe Lewende Vertaling

¹⁷ Jy sê: “Ek is ryk; ek het skatryk geword en het aan niks behoefte nie.” Jy besef nie dat jy ellendig en bejammerenswaardig is nie, armlastig, blind en kaal.

Openbaring 3:17 Kruisverwysings

Genesis 3:7

Al twee se oë het oopgegaan en hulle het besef dat hulle naak is. Hulle het vyeblare aaneengeryg en vir hulle lendeskorte gemaak.

Eksodus 32:35

Die Here het die volk met 'n plaag getref oor die kalf wat hulle gemaak het, die kalf wat Aäron gemaak het.

Spreuke 13:7

Daar is iemand wat hom ryk voordoen, maar heeltemal niks het nie, en iemand wat hom arm voordoen, maar baie besittings het.

Spreuke 30:9

sodat ek nie oorversadig raak en U misken en sê, “Wie is die Here?” nie, of verarm en steel, en die naam van my God geweld aandoen nie.

Jesaja 42:19

Wie is blind, behalwe my dienskneg, en doof, soos my boodskapper wat Ek stuur? Wie is blind soos die een wat vergelding ontvang het, en blind soos die dienskneg van die Here?

Jeremia 2:31

Julle is daardie geslag. Slaan ag op die woord van die Here! “Het Ek 'n woestyn geword vir Israel of 'n land van digte duisternis? Waarom sê my volk, ‘Ons loop vry rond; ons sal nie weer na U gaan nie?’

Hosea 12:8

“ Kanaän – in sy hand is daar 'n vals weegskaal; hy hou daarvan om uit te buit.

Sagaria 11:5

Hulle kopers maak hulle dood sonder om daarvoor te boet, en hulle verkopers sê, ‘Prys die Here, ek word ryk!’ Hulle herders het nie medelye met hulle nie.

Matteus 5:3

“Gelukkig is die armes van gees, want aan hulle behoort die •koninkryk van die hemele.

Matteus 9:12

Toe Jesus dit hoor, het Hy gesê: “Gesonde mense het nie 'n dokter nodig nie, maar wel die siekes.

Lukas 1:53

Hongeriges versadig Hy met goeie gawes, en rykes stuur Hy met leë hande weg.

Lukas 6:24

“Maar wee julle wat ryk is, want julle het reeds julle troos weg.

Romeine 11:20

Goed en wel. Dit is deur hulle ongeloof dat hulle uitgebreek is. Maar jy is daar deur jou geloof. Moenie hooghartig wees nie , maar wees vol ontsag.

Romeine 11:25

Om te voorkom dat julle eiewys sal wees, broers, wil ek nie hê dat julle onkundig moet wees oor hierdie misterie nie: Daar het gedeeltelik 'n verharding oor Israel gekom, totdat die volle getal van die heidene ingekom het.

Romeine 12:3

Deur die genade wat aan my gegee is, sê ek vir elkeen van julle dat jy nie meer van jouself moet dink as wat jy behoort nie, maar dat jy jou gedagtes daarop moet instel om verstandig te wees, volgens die maat van geloof wat God aan elkeen toebedeel het.

Romeine 7:24

Ellendige mens wat ek is! Wie sal my tog red uit hierdie doodsbestaan?

2 Petrus 1:9

Want die een by wie hierdie dinge ontbreek, is blind en kortsigtig, en het vergeet dat hy van sy vorige sondes gereinig is.

Openbaring 16:15

“Kyk, Ek kom soos 'n dief! Gelukkig is die een wat wakker bly en sy klere byderhand hou, sodat hy nie naak loop, en die mense sy skaamte sien nie.”

Openbaring 2:9

“ ‘Ek ken jou verdrukking en jou armoede, maar tog is jy ryk. Ek weet ook van die lastering deur diegene wat beweer dat hulle Jode is, en dit nie regtig is nie, maar 'n sinagoge van Satan.

Openbaring 3:16

Maar omdat jy louwarm is – nóg warm, nóg koud – gaan Ek jou uit my mond spoeg.