Openbaring 3:15 - Die Bybel 2020-vertaling

¹⁵ “ ‘Ek ken jou dade, dat jy nóg koud, nóg warm is. Was jy nou maar koud of warm!

Bybel vir almal

¹⁵ Ek weet alles wat jy doen. Jy is soos lou water, jy is nie koud nie en jy is ook nie warm nie. Ek wens jy was koud of jy was warm.

Afrikaans 1933-1953

¹⁵ Ek ken jou werke, dat jy nie koud is en ook nie warm nie. Was jy tog maar koud of warm!

Afrikaans 1983

¹⁵ Ek weet alles wat julle doen. Ek weet dat julle nie koud is nie, en ook nie warm nie. As julle tog maar koud of warm was!

Contemporary Afrikaans Bible 2023

¹⁵ Ek ken jou werke, dat jy nie koud of warm is nie; ek sou jy koud of warm was.

Die Boodskap

¹⁵ Julle kan niks vir My wegsteek nie. Ek weet wat julle doen en Ek is glad nie tevrede nie. Julle is nie koud nie, maar ook nie warm nie. Was julle tog maar een van die twee!

Nuwe Lewende Vertaling

¹⁵ Ek ken jou handel en wandel. Ek weet dat jy nie koud of warm is nie. Was jy tog maar net koud of warm.

Openbaring 3:15 Kruisverwysings

1 Konings 18:21

Elia het nader gegaan na die hele volk en gesê: “Hoe lank gaan julle nog op twee krukke bly hink? As die Here God is, volg Hom; as dit Baäl is, volg hom. ” Maar die volk het hom nie met 'n enkele woord geantwoord nie.

Spreuke 23:26

Gee my jou hart, my seun, en laat jou oë vreugde vind in my paaie.

Hosea 10:2

Hulle harte is vals – nou sal hulle boet. Die Here self gaan hulle altare afbreek, hulle gedenkstene verwoes.

Hosea 7:8

“Efraim is onder die nasies, hy word self geknie. Efraim het geword soos 'n roosterkoek wat nie omgedraai is nie.

Matteus 10:37

“Wie sy vader of moeder bo My liefhet, is My nie waardig nie, en wie sy seun of dogter bo My liefhet, is My nie waardig nie.

Matteus 24:12

En omdat die wetteloosheid sal toeneem, sal baie se liefde afkoel.

Matteus 6:24

“Niemand kan twee base dien nie. Want hy sal óf die een haat en die ander een liefhê, óf hy sal aan die een lojaal wees en die ander een verag. Julle kan nie God én Mammon dien nie.

Romeine 12:11

Moenie traag wees in julle toewyding nie; bly geesdriftig; hou vol om die Here te dien.

1 Korinthiërs 16:22

As iemand die Here nie liefhet nie, laat hom vervloek wees. Marana ta!

2 Korinthiërs 12:20

Ek is bevrees dat as ek kom, ek julle miskien nie sal vind soos ek graag wil nie, en ek deur julle bevind sal word soos julle graag wil nie; dat daar miskien onenigheid, jaloesie, woede-uitbarstings, selfsug, kwaadpratery, geskinder, verwaandheid en wanordelikheid sal wees;

Deuteronomium 5:29

Was hulle gesindheid maar so dat hulle ontsag vir My gehad en al my gebooie al die jare nagekom het, sodat dit altyd met hulle en hulle kinders goed kan gaan!

Filippense 1:9

Ek bid juis dat julle liefde al hoe meer sal toeneem in kennis en insig,

2 Thessalonisense 1:3

Soos dit gepas is, moet ons God altyd oor julle dank, broers, omdat julle geloof uitermate groei, en een en almal van julle se liefde vir mekaar toeneem.

Jakobus 1:8

Hy is 'n dubbelhartige mens, onstandvastig in alles wat hy doen.

1 Petrus 1:22

Omdat julle julle innerlike, in gehoorsaamheid aan die waarheid, tot ongeveinsde broederliefde gereinig het, moet julle mekaar innig met rein harte liefhê.

Openbaring 2:2

“ ‘Ek ken jou dade, jou inspanning en volharding, en weet dat jy slegte mense nie kan verdra nie. Daarom het jy daardie mense wat sê dat hulle •apostels is, maar nie is nie, getoets, en hulle as leuenaars uitgewys.

Openbaring 2:4

Maar Ek hou dit teen jou dat jy jou eerste liefde versaak het.

Openbaring 3:1

“Skryf ook aan die boodskapper van die •gemeente in Sardis: “Dit sê Hy wat die sewe Geeste van God en die sewe sterre het, “ ‘Ek ken jou dade – jy staan daarvoor bekend dat jy lewe, maar jy is dood.

Openbaring 3:16

Maar omdat jy louwarm is – nóg warm, nóg koud – gaan Ek jou uit my mond spoeg.