Openbaring 3:11 - Die Bybel 2020-vertaling

¹¹ Ek kom gou; hou vas aan wat jy het, sodat niemand jou oorwinnaarskrans wegneem nie.

Bybel vir almal

¹¹ Ek sal gou kom! Jy moet aanhou glo soos jy nou glo! Dan sal niemand jou kan keer nie, jy sal oorwin.

Afrikaans 1933-1953

¹¹ Kyk, Ek kom gou! Hou vas wat jy het, sodat niemand jou kroon kan neem nie.

Afrikaans 1983

¹¹ Ek kom gou. Hou vas wat julle het, sodat niemand julle kroon wegvat nie.

Contemporary Afrikaans Bible 2023

¹¹ Kyk, Ek kom gou; hou vas wat jy het, dat niemand jou kroon neem nie.

Die Boodskap

¹¹ Ek kom een van die dae na julle toe.

Nuwe Lewende Vertaling

¹¹ Ek kom gou; hou vas wat jy het sodat niemand jou kroon wegneem nie.

Openbaring 3:11 Kruisverwysings

Sefanja 1:14

“ Naby is die groot dag van die Here, naby en baie vinnig aan die kom. Luister! Die dag van die Here! Dan skreeu die held bitterlik!

1 Korinthiërs 9:25

Almal wat deelneem, pas in alle opsigte dissipline toe – hulle nogal om 'n verganklike oorwinningskrans te ontvang, maar ons 'n onverganklike.

Filippense 4:5

Laat julle vriendelikheid aan alle mense bekend word. Die Here is naby.

2 Timoteus 2:5

Verder word 'n atleet wat aan 'n wedloop deelneem, nie bekroon as hy nie volgens die reëls meeding nie.

2 Timoteus 4:8

Nou wag die oorwinningskrans van •geregtigheid op my, wat die Here, die regverdige Regter, op daardie dag vir my sal gee – en nie net vir my nie, maar ook vir almal wat sy koms liefhet.

Jakobus 1:12

Gelukkig is die man wat versoeking deurstaan, want as hy die toets slaag, sal hy die oorwinningskrans van die lewe ontvang, wat God beloof het aan hulle wat Hom liefhet.

Jakobus 5:9

Moenie oor mekaar kla nie, broers, sodat julle nie geoordeel word nie. Kyk, die Regter staan voor die deur.

Openbaring 1:3

Gelukkig is die een wat dit voorlees, en ook hulle wat die woorde van dié profesie hoor, en vashou aan dit wat daarin geskryf staan, want die bestemde tyd is naby.

Openbaring 16:15

“Kyk, Ek kom soos 'n dief! Gelukkig is die een wat wakker bly en sy klere byderhand hou, sodat hy nie naak loop, en die mense sy skaamte sien nie.”

Openbaring 2:10

Moenie vir enigiets wat jy nog gaan ly, bang wees nie. Kyk, die Duiwel gaan sommige van julle in die tronk laat gooi, sodat julle getoets kan word. Tien dae lank sal julle verdruk word. Wees getrou tot die dood toe, en Ek sal aan jou die oorwinnaarskrans van die lewe gee.

Openbaring 2:13

“ ‘Ek weet waar jy woon, daar waar die troon van Satan is. Jy hou egter aan my Naam vas. Jy het selfs nie jou geloof in My verloën nie, in die dae toe Antipas, my betroubare getuie, doodgemaak is daar by julle, waar die Satan woon.

Openbaring 2:25

behalwe net om vas te hou aan wat julle het, totdat Ek kom.

Openbaring 22:12

“Kyk, Ek kom gou! En die beloning is by My, om elkeen volgens sy optrede te beloon.

Openbaring 22:20

Hy wat hierdie dinge getuig, sê: “Ja, Ek kom gou! ” •Amen! Kom, Here Jesus!

Openbaring 22:7

“Kyk, Ek kom gou! Gelukkig is dié wat vashou aan die woorde van die profesie van hierdie boekrol. ”

Openbaring 3:3

Onthou dan hoe jy die boodskap ontvang, en daarna geluister het. Bewaar dit, en bekeer jou! As jy egter nie wakker skrik nie, sal Ek soos 'n dief opdaag, en jy sal nie weet op watter tydstip Ek by jou aankom nie.

Openbaring 4:10

val die vier-en-twintig ouderlinge in aanbidding neer voor Hom wat op die troon sit. Hulle aanbid Hom wat vir ewig en ewig leef, en sit dan hulle krone voor die troon neer, terwyl hulle sê:

Openbaring 4:4

Rondom die troon was daar vier-en-twintig trone, en op die trone het vier-en-twintig ouderlinge gesit. Hulle het wit klere gedra, met goue krone op hulle koppe.