Openbaring 21:17 - Die Bybel 2020-vertaling

¹⁷ Hy het ook die muur van die stad gemeet – honderd vier-en-veertig el hoog in mensemaat, wat ook die engelemaat is.

Bybel vir almal

¹⁷ Hy het die muur ook gemeet. Dit was 144 el hoog. Die engel het gemeet hoeveel el dit was, soos mense altyd 'n el meet.

Afrikaans 1933-1953

¹⁷ En hy het sy muur gemeet op honderd-vier-en-veertig el, volgens 'n mens se maat, wat die maat van 'n engel is.

Afrikaans 1983

¹⁷ Hy het ook die muur om die stad gemeet. Dit is honderd vier en veertig meter hoog. Die engel het die mate van mense gebruik.

Contemporary Afrikaans Bible 2023

¹⁷ Hy het ook die muur om die stad gemeet. Dit is honderd vier en veertig meter hoog. Die engel het die mate van mense gebruik.

Die Boodskap

¹⁷ Hy het ook die hoogte van die muur gemeet. Dit het volgens menslike mate 144 meter hoog gestaan.

Nuwe Lewende Vertaling

¹⁷ Hy het ook die muur van die stad gemeet. Dit is 144 el hoog. (Die engel het volgens ’n aardse maat gemeet.)

Openbaring 21:17 Kruisverwysings

Deuteronomium 3:11

Og, die koning van Basan, was die laaste wat oorgebly het van die Refaïete. Sy slaapbank was sowaar van yster. Is dit nie nog steeds in Rabba, die hoofstad van die Ammoniete nie? Dit is nege el lank en vier el breed, volgens die gewone el.

Openbaring 13:18

Hiervoor is wysheid nodig. Wie insig het, moet die getal van die dier bereken, want dit is die getal van die mens, en sy getal is seshonderd ses-en-sestig.

Openbaring 14:3

Hulle het 'n nuwe lied voor die troon en in die teenwoordigheid van die vier lewende wesens en die ouderlinge gesing. Niemand kon egter dié lied leer nie, behalwe die honderd vier-en-veertigduisend mense wat van die aarde losgekoop is.

Openbaring 21:16

Die stad is vierkantig uitgelê, haar lengte is dieselfde as haar breedte. Hy het toe die stad met die meetstok gemeet, twaalfduisend stadion – die lengte, breedte en die hoogte daarvan is dieselfde.

Openbaring 21:9

Daarop het een van die sewe engele wat die sewe bakke vol van die sewe laaste plae vashou, gekom en met my gepraat en gesê: “Kom hierheen, ek sal jou die bruid wys, die vrou van die Lam.”

Openbaring 7:4

Ek het toe gehoor wat die getal is van hulle wat met die seël gemerk is: honderd vier-en-veertigduisend – uit elke stam van die kinders van Israel: