Openbaring 21:14 - Die Bybel 2020-vertaling

¹⁴ Die stadsmuur het twaalf fondamente, en daarop is ook twaalf name. Dit is die name van die twaalf •apostels van die Lam.

Bybel vir almal

¹⁴ Die muur van die stad het twaalf fondamente gehad. Op die fondamente was die twaalf name van die twaalf apostels van die Lam geskryf.

Afrikaans 1933-1953

¹⁴ En die muur van die stad het twaalf fondamente gehad, en daarop was die name van die twaalf apostels van die Lam.

Afrikaans 1983

¹⁴ Die stad se muur het twaalf fondamente, en daarop is daar ook twaalf name, dié van die twaalf apostels van die Lam.

Contemporary Afrikaans Bible 2023

¹⁴ En die dood en die hel is in die poel van vuur gewerp. Dit is die tweede dood.

Die Boodskap

¹⁴ Die twaalf name van die stamme van Israel is op die poorte aangebring. Die dik stadsmuur is op twaalf fondamente gebou, met die name van die twaalf apostels van die Lam daarop.

Nuwe Lewende Vertaling

¹⁴ Die stadsmuur het twaalf fondamentstene waarop die twaalf name van die twaalf apostels van die Lam geskryf staan.

Openbaring 21:14 Kruisverwysings

Jesaja 54:11

“ Magtelose, stormgeteisterde stad, wat nie getroos is nie – kyk, Ek gaan jou bouklip in blink klei lê, jou fondament met •lasuurstene bou.

Matteus 16:18

En Ek sê vir jou, jy is •Petrus, en op hierdie rots sal Ek my kerk bou; en die poorte van Hades sal dit nie oorweldig nie.

Handelinge 1:26

Toe het hulle geloot, en die lot het op Mattias geval. Hy is daarop by die elftal apostels gevoeg.

Galasiërs 2:9

het Jakobus en Sefas en Johannes, wat as die pilare gereken is, die genade wat aan my gegee is, begryp, en het hulle die regterhand van broederskap na my en Barnabas gereik, sodat ons na die heidene sou gaan, en hulle na die besnedenes.

Efesiërs 2:20

gebou op die fondament van die •apostels en profete, met •Christus Jesus self as hoeksteen.

Efesiërs 3:5

Die geheimenis is nie aan vorige geslagte onder die mensdom bekend gemaak, soos dit tans deur die Gees aan sy heilige •apostels en profete geopenbaar is nie,

Efesiërs 4:11

En Hy het sommige as •apostels, ander as profete, ander as evangeliste, en ander as herders en leraars gegee,

Hebreërs 11:10

Want hy het die stad verwag wat fondamente het, waarvan God die argitek en boumeester is.

Judas 1:17

Maar julle, geliefdes, onthou wat die •apostels van ons Here Jesus •Christus reeds vroeër gesê het.

Openbaring 18:20

Juig oor haar, hemel, •heiliges, •apostels en profete! God het julle oordeel oor haar voltrek.”

Openbaring 21:13

Aan die oostekant is daar drie poorte, aan die noordekant drie, aan die suidekant drie en aan die westekant drie.