Openbaring 20:9 - Die Bybel 2020-vertaling

⁹ Hulle het van oor die breedte van die aarde opgeruk, en die laer van die •heiliges en die geliefde stad omsingel. Toe het daar vuur uit die hemel neergedaal en hulle verteer.

Bybel vir almal

⁹ Hulle het gekom om oorlog te maak. Daar was baie soldate, hulle was daar so ver soos 'n mens kan sien. Hulle het rondom die kamp van God se mense gegaan en ook rondom die stad van God. God was lief vir hierdie stad. God het vuur uit die hemel laat kom en die vuur het sy vyande doodgebrand.

Afrikaans 1933-1953

⁹ En hulle het opgekom oor die breedte van die aarde en die laer van die heiliges en die geliefde stad omsingel, en vuur het van God uit die hemel neergedaal en hulle verslind.

Afrikaans 1983

⁹ Hulle het oor die hele oppervlakte van die aarde aangekom en die laer van die gelowiges en die geliefde stad omsingel. Toe het daar vuur van die hemel af gekom en hulle verteer.

Contemporary Afrikaans Bible 2023

⁹ En hulle het opgetrek oor die breedte van die aarde en die laer van die heiliges en die geliefde stad omsingel, en vuur het van God uit die hemel neergedaal en hulle verteer.

Die Boodskap

⁹ Daar sal miljoene van hulle wees, so baie soos die sand van die see. Hulle sal oor ’n wye gebied optrek en die woonplek van God se mense, asook die stad wat God liefhet, omsingel. Maar daar sal vuur uit die hemel op hulle neerbrand en hulle verbrand.

Nuwe Lewende Vertaling

⁹ Hulle het toe van oor die hele breedte van die aarde af opgetrek en die laer van hulle wat aan God toegewy is, en die geliefde stad omsingel. Daar het egter vuur van die hemel af op hulle afgekom en hulle verteer.

Openbaring 20:9 Kruisverwysings

Genesis 19:24

Die Here het op Sodom en Gomorra swael en vuur laat reën wat van die Here af uit die hemelruim kom.

2 Konings 6:15

Toe die dienaar van die man van God vroeg opstaan en uitgaan, was daar sowaar 'n leërmag met perde en strydwaens om die dorp! Sy dienaar sê toe vir hom: “Ag, my heer, wat moet ons doen?”

Job 38:18

Het jy al ag geslaan op die uitgestrektheid van die aarde? Vertel, as jy dit alles weet!

Psalms 106:18

'n Vuur het onder hulle bende uitgebreek, vlamme het die goddeloses verskroei.

Psalms 87:2

Die Here het die poorte van Sion liewer as al die wonings van Jakob.

Psalms 97:3

Vuur gaan voor Hom uit en rondom Hom verbrand dit sy teenstanders.

Jesaja 30:33

Ja, 'n brandstapel is lankal reeds gepak; dit is ook vir die koning gereedgemaak – diep en wyd – 'n stapel, met vuur en hout in oorvloed; die asem van die Here brand soos 'n stroom swawel daarin.

Jesaja 37:36

Die •engel van die Here het uitgetrek en in die kamp van die Assiriërs honderd vyf-en-tagtigduisend neergevel. Toe die mense van Jerusalem vroeg die oggend opstaan, was hulle morsdood, almal lyke!

Esegiël 38:16

Jy sal optrek teen my volk Israel, soos 'n wolkmassa, om die land te bedek. Aan die einde van die dae sal dit gebeur. Ek sal jou op my land laat toesak, sodat die nasies My kan leer ken wanneer Ek Myself voor hulle oë deur jou, Gog, as die Heilige betoon. ”

Esegiël 38:22

Ek sal met hom die saak bereg deur pessiekte en bloedvergieting. Geweldige stortreën, groot haelstene, vuur en swael sal Ek op hom, op sy troepe en op baie volke wat by hom is, laat neerreën.

Esegiël 38:9

Jy sal optrek; soos 'n stormwind wat losbreek, sal jy aankom, soos 'n wolkmassa om die land te bedek sal jy wees – jy en al jou troepe en die baie volke by jou.”

Esegiël 39:6

“ ‘ “ Ek sal vuur slinger in Magog, en onder hulle wat veilig woon in die eilande. Hulle sal besef dat Ek die Here is.

Miga 2:13

“ Die een wat deurbreek, gaan voor hulle uit. Hulle breek deur en gaan deur 'n poort; hulle gaan daardeur uit! Hulle Koning gaan voor hulle uit, die Here is op die voorpunt!”

Habakuk 1:6

Ja, kyk, Ek gaan die Galdeërs laat optrek – die verbitterde en voortvarende nasie – wat oor die breedte van die aarde gaan om woonplekke in besit te neem wat nie aan hulle behoort nie.

Numeri 11:1

Die volk het erg begin kla in die ore van die Here. Toe die Here dit hoor, het sy toorn ontbrand. Die vuur van die Here het teen hulle ontbrand, en dit het die rand van die kamp verteer.

Numeri 16:35

'n Vuur het van die Here af uitgegaan en die tweehonderd-en-vyftig man verteer wat die reukwerk nadergebring het.

Lukas 17:29

maar op die dag dat Lot uit Sodom weggetrek het, het daar vuur en swael uit die hemel gereën en almal vernietig.

Lukas 19:43

Want daar sal dae vir jou aanbreek wanneer jou vyande skanse teen jou oprig, jou omsingel en jou van alle kante af beleër.

Lukas 21:20

“Wanneer julle sien dat Jerusalem deur leërs omsingel is, moet julle weet dat haar verwoesting naby is.

Lukas 9:54

Toe die dissipels Jakobus en Johannes dit sien, sê hulle: “Here, wil U hê ons moet vuur uit die hemel laat neerkom om hulle te vernietig? ”

Deuteronomium 23:14

Die Here jou God is immers saam met jou daar in jou kamp om jou uit te red en jou vyande aan jou oor te gee. Jou kamp moet daarom heilig wees, sodat Hy nie iets onbehoorliks by jou sien en jou die rug toekeer nie.

2 Thessalonisense 1:8

in 'n vuurvlam, terwyl Hy wraak uitoefen op hulle wat God nie erken, en die evangelie van ons Here Jesus nie gehoorsaam nie.

Hebreërs 13:13

Laat ons dus uitgaan na Hom buite die laer, en sy smaad verduur.

Openbaring 11:5

As iemand hulle kwaad wil aandoen, vlam daar vuur uit hulle monde wat hulle vyande verteer; en as iemand hulle kwaad wil aandoen, moet hy ook so doodgemaak word.

Openbaring 13:13

Hy doen ook indrukwekkende tekens; so laat hy voor die mense vuur van die hemel af op die aarde neerkom.