Openbaring 19:17 - Die Bybel 2020-vertaling

¹⁷ En ek het een engel in die son sien staan. Hy het met 'n kragtige stem uitgeroep, en aan al die voëls wat hoog in die lug rondvlieg, gesê: “Kom hierheen, trek saam na die groot feesmaal van God,

Bybel vir almal

¹⁷ Toe sien ek 'n engel wat op die son staan. Hy het hard geroep en hy het vir al die voëls wat hoog in die lug vlieg, geskree: “Julle almal moet hiernatoe kom, want God sal vir julle baie kos gee om te eet!

Afrikaans 1933-1953

¹⁷ En ek het een engel sien staan in die son; en hy het met 'n groot stem uitgeroep en vir al die voëls gesê wat in die middel van die lug vlieg: Kom hierheen en versamel julle tot die maaltyd van die grote God,

Afrikaans 1983

¹⁷ Toe het ek 'n engel by die son sien staan. Hy het met 'n harde stem uitgeroep en vir al die roofvoëls, wat hoog in die lug vlieg, gesê: “Kom, kom bymekaar vir die groot feesmaal wat God gereed maak!

Contemporary Afrikaans Bible 2023

¹⁷ En ek het 'n engel in die son sien staan; en hy het met 'n groot stem uitgeroep en aan al die voëls wat in die middel van die hemel vlieg, gesê: Kom en vergader julle na die maaltyd van die grote God;

Die Boodskap

¹⁷ My oog val toe op ’n engel wat so helder soos die son is. Hy het oorverdowend hard geskree. Hy het al die voëls geroep wat tussen die bome en wolke rondvlieg: “Kom hier!

Nuwe Lewende Vertaling

¹⁷ Toe het ek ’n engel by die son sien staan. Hy het met ’n kragtige stem uitgeroep, en aan al die voëls wat in die middel van die hemel vlieg, gesê: “Kom, kom bymekaar vir die groot feesmaaltyd van God!

Openbaring 19:17 Kruisverwysings

Jesaja 29:2

Maar Ek sal Ariël in benoudheid bring, sodat daar verdriet en droefheid sal wees. Dan sal sy vir My soos 'n vuurherd wees.

Jesaja 56:9

Al julle wilde diere van die veld, kom om te verslind! Ja, kom, al julle wild in die bos!

Jeremia 12:9

My persoonlike eiendom is 'n boerplek van hiënas, omring deur roofvoëls! Gaan maak al die wilde diere bymekaar, laat hulle kom om te verslind!

Esegiël 31:13

Op sy omgevalle stam was al die voëls van die hemel tuis, en op sy takke al die wilde diere.

Openbaring 14:6

Toe het ek 'n ander engel gesien wat hoog in die lug vlieg. Hy het 'n ewige evangelie ontvang, om dit te gaan verkondig aan die aardbewoners, aan elke nasie en stam en taal en volk.

Openbaring 19:21

Die res van die mense is doodgemaak met die swaard wat gekom het uit die mond van die Een wat op die perd sit. En al die voëls het hulle versadig gevreet aan hulle vleis.

Openbaring 8:13

En ek het gesien, en ek het 'n engel wat hoog in die lug vlieg, met 'n skril stem hoor roep: “Wee, wee, wee die bewoners van die aarde, wanneer die ander drie engele binnekort met 'n geskal op hulle trompette blaas.”

1 Samuel 17:44

Verder sê die Filistyn vir Dawid: “Kom na my toe, sodat ek jou vleis vir die voëls van die hemel en die diere in die veld kan gee.”