Openbaring 18:20 - Die Bybel 2020-vertaling

²⁰ Juig oor haar, hemel, •heiliges, •apostels en profete! God het julle oordeel oor haar voltrek.”

Bybel vir almal

²⁰ Ja, die hemel moet juig! En al die mense wat aan God behoort, moet juig! En die apostels en die profete moet juig! Want Babilon het vir júlle gestraf, maar nou het God háár gestraf!

Afrikaans 1933-1953

²⁰ Verbly jou oor haar, o hemel, en o heilige apostels en profete, omdat God julle oordeel aan haar voltrek het!

Afrikaans 1983

²⁰ Verheug jou daaroor, hemel, en julle, gelowiges, apostels en profete! God het die oordeel waarmee sy julle getref het, oor haar voltrek.

Contemporary Afrikaans Bible 2023

²⁰ Verheug jou oor haar, o hemel, en o heilige apostels en profete! want God het jou op haar gewreek.

Die Boodskap

²⁰ In die hemel moet almal bly wees oor wat met die stad gebeur. Al God se mense, die mense wat Hy uitgestuur het om vir Hom te werk, hulle wat sy Woord moet verkondig, moet net so bly wees. God het haar immers gestraf oor wat sy aan hulle gedoen het.

Nuwe Lewende Vertaling

²⁰ Wees uitgelate oor haar val, hemel, en julle wat aan God gewy is, apostels en profete! God het die oordeel wat julle uitgespreek het, inderdaad oor haar gebring.

Openbaring 18:20 Kruisverwysings

Psalms 107:42

Opregtes sien dit en is verheug; maar almal wat onreg doen, hou hulle monde toe.

Psalms 109:28

Hulle kan maar vervloek, maar U, U sal seën. Sou hulle teen my opstaan, sal hulle beskaam word; u dienskneg sal bly wees.

Psalms 18:47

Die Here leef! Lofwaardig is my rots; die God wat my verlos, is verhewe!

Psalms 48:11

Soos u Naam, o God, so strek u lof tot aan die eindes van die aarde, u regterhand is vol •geregtigheid.

Psalms 58:10

Voordat hulle dit besef, is hulle soos dorings, soos steekdorings wat uitgeroei word, soos bossies wat die stormwind wegwaai.

Psalms 94:1

O God wat vergeld, Here, God wat vergeld, laat u lig skyn.

Spreuke 11:10

Oor die voorspoed van regverdiges is 'n dorp verheug, en wanneer goddeloses ten gronde gaan, is daar jubelkrete.

Jesaja 26:21

Want kyk, die Here gaan uit sy woonplek kom om van die bewoners van die aarde rekenskap te eis oor sondeskuld. Die grond sal die bloed daarop onthul, en nie langer hulle wat daarop gedood is, bedek nie.

Jesaja 44:23

Jubel, hemel, want die Here het opgetree! Juig, dieptes van die aarde! Breek uit in jubelkrete, berge, bosse en elke boom daarin; want die Here het Jakob losgekoop, in Israel sy heerlikheid getoon!

Jesaja 49:13

Jubel, hemel, en juig, aarde! Breek uit in jubelkrete, berge! Want die Here het sy volk getroos, Hom oor sy magteloses ontferm.

Sefanja 3:15

Die Here het die oordele oor jou afgewend, jou vyande uit die weg geruim. Die Koning van Israel, die Here, is in jou midde; jy sal geen onheil meer vrees nie.

Efesiërs 2:20

gebou op die fondament van die •apostels en profete, met •Christus Jesus self as hoeksteen.

Efesiërs 3:5

Die geheimenis is nie aan vorige geslagte onder die mensdom bekend gemaak, soos dit tans deur die Gees aan sy heilige •apostels en profete geopenbaar is nie,

Efesiërs 4:11

En Hy het sommige as •apostels, ander as profete, ander as evangeliste, en ander as herders en leraars gegee,

Deuteronomium 32:42

Ek gaan my pyle dronk maak van bloed – my swaard sal vleis verslind – van die bloed van gesneuweldes en gevangenes, van die vyand se leiers met die los hare. ” ’

2 Petrus 3:2

sodat julle die woorde kan onthou wat voorheen deur die heilige profete uitgespreek is, en ook die opdrag van ons Here en Verlosser wat julle •apostels deurgegee het.

Judas 1:17

Maar julle, geliefdes, onthou wat die •apostels van ons Here Jesus •Christus reeds vroeër gesê het.

Openbaring 12:12

Daarom, juig hemel en diegene wat in die hemel woon! Wee julle, aarde en see, want die Duiwel het met groot woede na julle neergedaal, omdat hy weet dat hy min tyd oor het.”

Openbaring 18:6

Vergeld haar soos sy julle dit laat ontgeld het, vergeld haar dubbeld, ooreenkomstig haar dade. In die beker waarin sy vir julle gemeng het, moet julle vir haar twee keer soveel meng.

Openbaring 6:10

Hulle het met 'n harde stem geroep: “Tot wanneer, heilige en ware Here, gaan U uitstel om u oordeel te voltrek, en ons bloed op die aardbewoners te wreek? ”

Rigters 5:31

“So moet al u vyande omkom, Here! Maar hulle wat Hom liefhet, is soos die son wat opkom in sy krag! ” Daarna het die land veertig jaar lank rus gehad.