Openbaring 17:4 - Die Bybel 2020-vertaling

⁴ Die vrou het purperrooi en helderrooi klere gedra, en was versier met goud, edelstene en pêrels. In haar hand het sy 'n goue beker gehou, vol afskuwelikhede, en die onrein dinge van haar hoerery.

Bybel vir almal

⁴ Die vrou het klere gehad wat pers en baie rooi was. Sy het baie goud en juwele en pêrels gedra. In haar hand was 'n goue beker. Die goue beker was vol slegte en onrein dinge, dit was vol onsedelike dinge.

Afrikaans 1933-1953

⁴ En die vrou was bekleed met purper en skarlaken en versierd met goud en kosbare stene en pêrels, en sy het in haar hand 'n goue beker gehad, vol gruwels en die onreinheid van haar hoerery;

Afrikaans 1983

⁴ Die vrou was uitgedos in pers en helderrooi klere en opgetooi met goud, edelstene en pêrels. In haar hand het sy 'n goue beker vol losbandigheid gehad, die onreinheid van haar onsedelikheid.

Contemporary Afrikaans Bible 2023

⁴ En die vrou was bekleed met purperrooi en bloedrooi kleur en versier met goud en edelgesteentes en pêrels, met 'n goue beker in haar hand vol gruwels en die vuilheid van haar hoerery;

Die Boodskap

⁴ Die vrou was in pers en rooi klere uitgedos. Sy het ook pragtige juwele gedra: dit was alles van goud, pêrels en ander duur edelstene. Geld en rykdom was al wat vir haar belangrik was. In haar hand het sy ’n goue beker vasgehou. Die beker was propvol van haar vieslikhede en vuil onsedelikheid. Vir God was dit walglik.

Nuwe Lewende Vertaling

⁴ Die vrou het pers en bloedrooi klere aangehad en was getooi met goud, kosbare stene en pêrels. In haar hand het sy ’n goue beker gevul met vieslikhede en die onrein dinge van haar seksuele wanpraktyke vasgehou.

Openbaring 17:4 Kruisverwysings

1 Konings 14:24

Daar was selfs manlike tempelprostitute in die land. Die mense het al die afstootlike dade van die nasies wat die Here voor die Israeliete uit verdryf het, nagedoen.

2 Konings 21:2

Hy het gedoen wat verkeerd is in die oë van die Here. In ooreenstemming met die afstootlike gebruike van die nasies wat die Here voor die Israeliete uit verdryf het,

Esra 9:11

wat U by monde van u dienaars, die profete, beveel het, ‘Die land waar julle ingaan met die doel om dit in besit te neem, is 'n besoedelde land. Dit is deur die nasies in daardie streke besoedel met hulle afstootlike gebruike. Hulle het dit van hoek tot kant gevul met hulle •onreinheid.

Jesaja 66:3

“ Iemand slag 'n bul, en vel 'n mens neer; bring 'n lam as maaltydoffer, en breek die nek van 'n hond; bring 'n •graanoffer, en ook die bloed van varke; bring wierook as simboliese offer, en prys 'n valse god aan. Aangesien hierdie mense hulle eie paaie gekies het, en hulle sielsgelukkig is met hulle verfoeilike afgode,

Jeremia 51:7

Babel was 'n goue beker in die hand van die Here, 'n beker wat die hele wêreld dronk gemaak het. Van haar wyn het die nasies gedrink; daarom het die nasies waansinnig geraak.

Klaagliedere 1:9

Tot aan haar klere kleef haar onreinheid. Sy het nie gedink aan wat van haar sou word nie. Haar ondergang was verskriklik; daar is niemand wat haar troos nie. Here, kyk tog na my nood, want die vyand is vermetel.

Esegiël 20:30

“Daarom, sê vir die huis van Israel, ‘So sê my Heer, die Here: “Wil julle julleself op dieselfde wyse as julle voorouers verontreinig en agter hulle verfoeilike afgode aan hoereer

Esegiël 24:11

Laat die pot leeg staan op die kole, sodat dit warm kan word, die brons daarvan kan gloei, die •onreinheid daarin kan smelt, die roes daarvan kan wegbrand!

Esegiël 24:13

Jou onreinheid is 'n skandelike daad. Omdat Ek jou wou reinig, maar jy nie van jou onreinheid wil afsien nie, sal jy nie weer rein wees totdat Ek my woede teen jou tot bedaring gebring het nie.

Esegiël 28:13

In Eden, die tuin van God, daar was jy. Jy was bedek met alle soorte edelstene: •karneool, •topaas, •akwamaryn, •chrisoliet, •oniks, •jaspis, •lasuursteen, •malagiet en •smarag. Van goud was die insetsels en graverings aan jou bedekking. Die dag toe jy geskep is, was dit gereed

Esegiël 36:25

Ek sal rein water oor julle sprinkel, en julle sal rein wees. Van al julle onreinhede en van al julle afgodsbeelde sal Ek julle reinig.

Daniël 11:38

In plaas van aan hulle, sal hy aan die god van vestings eer bewys. Aan die god wat sy voorouers nie geken het nie, sal hy eer bewys met goud, silwer, edelstene en ander kosbaarhede.

Hosea 9:10

“ Soos druiwe in die woestyn het Ek Israel gevind. Soos die voorvye aan 'n vyeboom in sy eerste drag het Ek julle voorouers gesien. Maar hulle het by Baäl-Peor aangekom, hulleself aan die skandelike afgod gewy, en net so walglik geword soos dit waarvoor hulle lief is.

Deuteronomium 29:17

julle hulle walglike beelde, hulle afgode, gesien het – die hout en klip, silwer en goud wat by hulle was.

Openbaring 14:8

Ná hom het 'n ander engel, 'n tweede een, gekom en uitgeroep: “Geval, geval het Babilon, die magtige, sy wat al die nasies van die wyn van die wellus van haar hoerery laat drink het. ”

Openbaring 18:12

skeepsvragte goud en silwer, edelstene en pêrels, fyn linne, purper materiaal, sy en helderrooi materiaal, elke geurige houtsoort, elke voorwerp van ivoor, elke voorwerp van kosbare hout, van koper, van yster en van marmer,

Openbaring 18:16

terwyl hulle sê: “Wee, wee jou, groot stad, uitgedos in fyn linneklere, purperrooi en helderrooi, en opgesmuk met goud en edelstene en pêrels!

Openbaring 19:2

Waar en regverdig is sy oordele, want Hy het die groot prostituut veroordeel, sy wat die aarde met haar hoerery verlei het, en Hy het die bloed van sy diensknegte wat deur haar hand omgekom het, gewreek. ”

Openbaring 21:21

En die twaalf poorte is twaalf pêrels. Elkeen van die poorte is uit een pêrel gemaak. Die hoofstraat van die stad is van suiwer goud, so blink soos deurskynende glas.

Openbaring 9:21

Hulle het hulle dus nie bekeer van hulle moorde, towery, onsedelikheid of stelery nie.