Openbaring 16:16 - Die Bybel 2020-vertaling

¹⁶ Die geeste het die konings byeengebring by die plek wat in Hebreeus Armageddon genoem word.

Bybel vir almal

¹⁶ Die drie onrein geeste het die konings bymekaargebring by die plek Armageddon. Armageddon is 'n Hebreeuse naam.

Afrikaans 1933-1953

¹⁶ En hulle het hul versamel op die plek wat in Hebreeus genoem word Armagéddon.

Afrikaans 1983

¹⁶ Die geeste het die konings byeengebring op die plek wat in Hebreeus Armageddon genoem word.

Contemporary Afrikaans Bible 2023

¹⁶ En hy het hulle bymekaar laat kom op 'n plek wat in die Hebreeuse taal Armageddon genoem word.

Die Boodskap

¹⁶ Die duiwel en sy helpers het al die leiers van die wêreld saamgetrek by ’n plek wat in Hebreeus Armageddon genoem word.

Nuwe Lewende Vertaling

¹⁶ Die geeste het die konings bymekaargemaak op die plek wat in Hebreeus Armageddon genoem word.

Openbaring 16:16 Kruisverwysings

2 Kronieke 35:22

Josia het egter nie van hom weggedraai nie, maar vir die geveg met hom het hy homself vermom. Hy het nie geluister na die woorde van Nego uit die mond van God nie. Hy het in die vlakte van Megiddo aangekom om te veg.

Sagaria 12:11

“Op daardie dag sal die rouseremonie in Jerusalem net so groot wees soos die rouseremonie oor Hadad-Rimmon in die Megiddovlakte.

Johannes 19:13

Toe Pilatus hierdie woorde hoor, het hy Jesus na buite gebring, en op die regbank gaan sit op die plek wat Klipplaveisel genoem word – in Hebreeus Gabbata.

Johannes 19:17

Jesus het self die kruis gedra, en het uitgegaan na die sogenaamde ‘Kopbeenplek’, in Hebreeus Golgota genoem.

Johannes 5:2

By die Skaappoort in Jerusalem is daar 'n bad, in Hebreeus Betsata genoem, met vyf pilaargange.

Handelinge 26:14

Toe ons almal op die grond neerval, hoor ek 'n stem wat vir my in die Hebreeuse taal sê, ‘Saul, Saul, waarom vervolg jy My? Dit is vir jou swaar om teen die prikkels te skop.’

Openbaring 17:14

Hulle sal teen die Lam oorlog voer, maar die Lam sal hulle oorwin, omdat Hy die Heerser van die heersers en die Koning van die konings is, en saam met Hom is die geroepenes, uitverkorenes en getroues.”

Openbaring 9:11

Die engel van die onpeilbare diepte was hulle koning. In Hebreeus is sy naam Abaddon, en in Grieks Apollion.

Rigters 4:7

dan sal Ek vir Sisera, die bevelvoerder van Jabin se leër, met sy strydwaens en troepe na jou lok, na die Kisonspruit. Ek gee hom in jou hand.’ ”

Rigters 5:19

“Konings het gekom, hulle het geveg; toe het die konings van Kanaän geveg by Taänag, langs die water van Megiddo; maar nie 'n enkele stuk silwer kon hulle buit nie.