Openbaring 16:11 - Die Bybel 2020-vertaling

¹¹ Hulle het ook die God van die hemel gelaster, as gevolg van hulle pyne en hulle swere. Nogtans het hulle nie tot bekering van hulle dade gekom nie.

Bybel vir almal

¹¹ Hulle was kwaad omdat hulle pyn en sere gehad het, en hulle het vir God gelaster, die God van die hemel. Maar hulle het nie begin lewe soos God wil hê nie, hulle het gedoen wat hulle altyd doen.

Afrikaans 1933-1953

¹¹ en hulle het die God van die hemel gelaster oor hulle pyne en oor hulle swere, en het hulle nie bekeer van hul werke nie.

Afrikaans 1983

¹¹ en het die God van die hemel gelaster oor die pyn wat hulle moet verduur, en oor die swere. En hulle het hulle nie bekeer van hulle verkeerde praktyke nie.

Contemporary Afrikaans Bible 2023

¹¹ en die God van die hemel gelaster oor hulle pyne en hulle swere, en nie berou gehad oor hulle dade nie.

Die Boodskap

¹¹ Hulle het die God van die hemel gevloek en sleggesê oor hulle pyn en hulle sere. Tog wou hulle nie ophou om verkeerde dinge te doen nie. Hulle wou nie reg begin lewe soos God dit wil hê nie.

Nuwe Lewende Vertaling

¹¹ en het die God van die hemel gevloek oor hulle pyne en sere. Hulle het hulle egter nie bekeer van hulle verkeerde dade nie.

Openbaring 16:11 Kruisverwysings

2 Kronieke 28:22

In die tyd toe hy in die noute was, was hy, koning Agas, selfs meer ontrou aan die Here.

2 Kronieke 36:23

“So sê Kores, koning van Persië, ‘Al die koninkryke op aarde het die Here, die God van die hemel, aan my gegee. Hy is die Een wat dit aan my opgedra het om vir Hom 'n huis te bou in Jerusalem wat in Juda is. Enigiemand onder julle uit enige deel van sy volk – die Here sy God is met hom – laat hy optrek!’ ”

Esra 1:2

“ So sê Kores, koning van Persië, ‘Al die koninkryke op aarde het die Here, die God van die hemel, aan my gegee.

Esra 6:10

sodat hulle offers met 'n aangename geur aan die God van die hemel kan bring, en kan bid vir die lewe van die koning en sy seuns.

Esra 7:12

“ Artasasta, koning van die konings, aan Esra, die priester, kenner van die wet van die God van die hemel: “Gegroet!

Esra 7:21

“ Ek, koning Artasasta, het die volgende opdrag gegee aan al die tesouriere in Wes-Eufraat, ‘Alles wat Esra, die priester, kenner van die wet van die God van die hemel, julle vra, moet noukeurig gelewer word,

Esra 7:23

Alles wat in ooreenstemming met die bevel van die God van die hemel is, moet vir die huis van die God van die hemel op die regte manier uitgevoer word; want waarom moet die toorn van God rus op die ryk van die koning en sy seuns?

Nehemia 1:4

Toe ek hierdie woorde hoor, het ek gaan sit en huil; ek het dae lank getreur. Ek het aanhou vas en voor die God van die hemel gebid.

Nehemia 2:4

Toe vra die koning vir my: “Wat is dit wat jy wil hê?” Ek het tot die God van die hemel gebid

Psalms 136:26

Prys die God van die hemel – want vir ewig duur sy troue liefde!

Daniël 2:44

In die tyd van daardie konings sal die God van die hemel 'n koninkryk vestig wat vir ewig nie vernietig sal word of aan 'n ander volk oorgelaat sal word nie. Hierdie koninkryk sal al daardie ander verpletter en tot 'n einde bring, en dit sal standhou vir ewig.

Jona 1:9

Hy het hulle geantwoord: “Ek is 'n Hebreër, en die Here, die God van die hemel wat die see en die droë grond gemaak het, dien ek met ontsag.”

2 Timoteus 3:13

Slegte mense en bedrieërs sal van kwaad tot erger gaan, deurdat hulle ander mislei, en mislei word.

Openbaring 11:13

Op daardie uur het daar 'n groot aardbewing plaasgevind, en 'n tiende van die stad het inmekaar gestort. In die aardbewing het seweduisend mense omgekom, maar die res het vreesbevange geraak, en aan die God van die hemel heerlikheid betoon.

Openbaring 16:2

Die eerste engel het uitgegaan, en sy bak op die aarde uitgegooi. Daar het toe kwaadaardige en bose swere uitgeslaan op die mense wat die merk van die dier dra en sy beeld aanbid.

Openbaring 16:21

Groot haelstene, ongeveer 'n talent swaar, het uit die hemel op die mense neergereën. En die mense het God gelaster oor die haelplaag, omdat dit 'n uitermate groot plaag was.

Openbaring 16:9

Die mense is deur 'n versengende hitte geskroei, en hulle het gelaster teen die Naam van God, wat mag oor hierdie plae het. Nogtans het hulle hulle nie bekeer, en aan Hom heerlikheid bewys nie.

Openbaring 2:21

Ek het haar tyd gegun om tot bekering te kom, maar sy weier om haar te bekeer van haar hoerery.