Openbaring 15:3 - Die Bybel 2020-vertaling

³ Hulle sing toe die lied van Moses, die dienskneg van God. Dit is ook die lied van die Lam, wat so lui: “Groots en wonderbaarlik is u dade, Here God, Almagtige. Regverdig en betroubaar is u paaie, o Koning van die nasies.

Bybel vir almal

³ Toe sing hulle die lied van Moses, die dienaar van God. Dit is ook die lied van die Lam. Hulle het gesing: “Here God, Almagtige! Die dinge wat U doen, is groot en wonderlik! U doen altyd wat reg en waar is! U is die Koning van die volke!

Afrikaans 1933-1953

³ En hulle het die lied gesing van Moses, die dienskneg van God, en die lied van die Lam, en gesê: Groot en wonderlik is u werke, Here God, Almagtige; regverdig en waaragtig is u weë, o Koning van die heiliges!

Afrikaans 1983

³ Hulle sing die lied van Moses, die dienaar van God. Dit is ook die lied van die Lam: “Groot en wonderbaarlik is u dade, Here God, Almagtige. Reg en betroubaar is u optrede, Koning van die nasies.

Contemporary Afrikaans Bible 2023

³ En hulle het die lied gesing van Moses, die kneg van God, en die lied van die Lam en gesê: Groot en wonderbaar is u werke, Here God, Almagtige! reg en waar is u weë, o Koning van die heiliges.

Die Boodskap

³ Hulle het Moses se lied gesing. Moses het God mos gedien. Hierdie lied is ook die lied van die Lam: “Here God, die dinge wat U alles doen, is so groot dat dit ons asem heeltemal wegslaan. Here, U is die sterkste en kragtigste van almal! Wat U doen, is altyd reg en regverdig. U doen dinge soos dit hoort. U heers oor al die mense van die wêreld en hulle sal dit moet erken.

Nuwe Lewende Vertaling

³ Hulle sing die lied van Moses, die dienskneg van God. Dit is ook die lied van die Lam, wat só lui: “Groot en uitsonderlik is u dade, Here God, die Almagtige. Regverdig en betroubaar is u paaie, Koning van die nasies.

Openbaring 15:3 Kruisverwysings

Genesis 17:1

Toe Abram nege-en-negentig jaar oud was, het die Here aan Abram verskyn en vir hom gesê: “Ek is God, die Almagtige. Leef voor My, en wees onberispelik!

1 Kronieke 6:49

maar Aäron en sy nageslag, wat die offers op die brandofferaltaar en op die altaar vir die reukwerk verbrand het, is aangestel vir al die werk met die allerheiligste voorwerpe, en om vir Israel versoening te doen net soos Moses, die dienskneg van God, beveel het.

2 Kronieke 24:6

Die koning ontbied toe die hoëpriester Jojada, en sê vir hom: “Waarom het jy nie by die Leviete daarop aangedring om uit Juda en Jerusalem die heffing vir die tent met die Getuienis in te vorder nie, soos ingestel deur Moses, die dienskneg van die Here, en deur die geloofsgemeenskap van Israel?

Nehemia 9:14

U heilige Sabbat het U aan hulle bekend gestel; gebooie, vaste voorskrifte en 'n wet het U hulle opgelê by monde van Moses, u dienskneg.

Job 36:24

“Onthou dat jy sy werk, wat deur mense besing word, moet verheerlik.

Job 5:9

aan Hom wat groot en ondeurgrondelike dinge, ontelbare wonders, doen –

Psalms 100:5

Want die Here is goed, vir ewig duur sy troue liefde, van geslag tot geslag sy trou.

Psalms 105:5

Roep die wonders wat Hy gedoen het in herinnering, sy tekens en die oordele van sy mond –

Psalms 111:2

Indrukwekkend is die werke van die Here, 'n bron van nadenke vir almal wat vreugde daarin vind.

Psalms 111:7

Die werk van sy hande is betroubaar en reg. Betroubaar is al sy opdragte,

Psalms 139:14

Ek prys U omdat ek op 'n ontsagwekkende, wonderbaarlike wyse gemaak is. Wonderbaarlik is u werke en ek besef dit maar te goed.

Psalms 145:17

Regverdig is die Here in al sy weë, en trou aan alles wat Hy gemaak het.

Psalms 145:6

Oor die krag van u ontsagwekkende dade praat mense; van u grootheid wil ek vertel.

Psalms 18:30

Ja, met U hardloop ek 'n bende tegemoet, met my God spring ek oor 'n muur.

Psalms 78:12

Voor die oë van hulle voorouers het Hy wonders gedoen in Egipteland, op die vlakte van Soan.

Psalms 92:5

Want U maak my bly met u werk, Here, oor u handewerk jubel ek.

Psalms 99:4

en die krag van die Koning, Hy wat die reg liefhet. Dit is U wat billikheid, reg en geregtigheid gevestig het in Jakob; U het dit gedoen.

Jesaja 33:22

Ja, die Here is ons Regter, die Here is ons Regeerder, die Here is ons Koning – Hy sal ons verlos.

Jesaja 45:21

Stel die saak en bring die bewyse! Beraadslaag ook saam! Wie het hierdie saak lankal reeds bekend gestel, dit tevore al aangekondig? Is dit nie Ek, die Here, nie? Daar is geen ander God buiten My nie – 'n regverdige God, en Een wat verlos – geeneen behalwe Ek nie.

Daniël 6:20

In die oggend, teen die eerste lig, het die koning opgestaan en haastig na die leeukuil gegaan.

Daniël 9:11

en omdat die hele Israel u wet oortree en afgewyk het deur nie te luister na u stem nie, het die vloek en die eed wat geskryf staan in die Wet van Moses, die dienaar van God, teen ons losgebreek. Ja, ons het teen Hom gesondig,

Hosea 14:9

“Efraim, watter ooreenkoms is daar nog tussen My en die afgode? Ek is die Een wat hom antwoord, en Ek hou hom in die oog. Ek is soos 'n immergroen sipres – by My word jou vrugbaarheid gevind.”

Miga 7:20

U sal aan Jakob trou bewys, aan Abraham die troue liefde wat U aan ons voorouers met 'n eed beloof het in die voortyd.

Sefanja 3:5

Die Here is regverdig in die stad, Hy doen geen onreg nie. Oggend na oggend gee Hy sy beslissings as die lig, dit ontbreek nooit nie; maar die boosdoener ken geen skaamte nie.

Sagaria 9:9

Juig, dogter van Sion! Jubel, dogter van Jerusalem! Kyk, jou koning kom na jou toe: hy is regverdig en die oorwinnaar; hy is nederig en ry op 'n donkie, op die hingsvul van 'n donkiemerrie.

Johannes 1:17

Want die wet is deur Moses gegee; die genade en die waarheid het deur Jesus Christus gekom.

Deuteronomium 31:30

Moses het, ten aanhore van die hele geloofsgemeenskap van Israel, die woorde van hierdie lied tot die einde voorgedra.

Deuteronomium 32:3

Ja, die Naam van die Here roep ek uit, Erken die grootheid van ons God,

Deuteronomium 34:5

Toe het Moses, die dienskneg van die Here, daar in die land Moab op bevel van die Here gesterf.

1 Timoteus 1:17

Aan die Koning van die eeue, die onsterflike, onsienlike, enigste God kom toe eer en heerlikheid vir ewig en ewig. •Amen.

Hebreërs 3:5

Moses was wel as tempeldienaar getrou in God se hele huis, tot 'n getuienis van wat verkondig sou word,

Josua 22:5

Kom net die opdragte en die wet nougeset na wat Moses, die dienskneg van die Here, julle beveel het, naamlik om die Here julle God lief te hê, al sy paaie te volg, sy gebooie na te kom, aan Hom vas te hou, en Hom te dien met julle hele hart en julle hele wese. ”

Openbaring 1:8

“Ek is die Alfa en die Omega, die Een wat is en wat was en wat kom,” sê die Here God, die Almagtige.

Openbaring 11:17

met die woorde: “Ons dank U, Here God, Almagtig, U wat is en wat was, omdat U u groot mag opgeneem het, en as koning heers.

Openbaring 14:3

Hulle het 'n nuwe lied voor die troon en in die teenwoordigheid van die vier lewende wesens en die ouderlinge gesing. Niemand kon egter dié lied leer nie, behalwe die honderd vier-en-veertigduisend mense wat van die aarde losgekoop is.

Openbaring 14:8

Ná hom het 'n ander engel, 'n tweede een, gekom en uitgeroep: “Geval, geval het Babilon, die magtige, sy wat al die nasies van die wyn van die wellus van haar hoerery laat drink het. ”

Openbaring 17:14

Hulle sal teen die Lam oorlog voer, maar die Lam sal hulle oorwin, omdat Hy die Heerser van die heersers en die Koning van die konings is, en saam met Hom is die geroepenes, uitverkorenes en getroues.”

Openbaring 19:16

Op sy klere, by sy heup, is 'n Naam geskryf: “Koning van die konings, en Heerser van die heersers”.

Openbaring 19:2

Waar en regverdig is sy oordele, want Hy het die groot prostituut veroordeel, sy wat die aarde met haar hoerery verlei het, en Hy het die bloed van sy diensknegte wat deur haar hand omgekom het, gewreek. ”

Openbaring 4:8

Die vier lewende wesens het elkeen ses vlerke, wat reg rondom en aan die binnekant vol oë is. Sonder om te rus, herhaal hulle dag en nag: “Heilig, heilig, heilig is die Here God, die Almagtige, Hy wat was en wat is en wat kom. ”