Openbaring 14:8 - Die Bybel 2020-vertaling

⁸ Ná hom het 'n ander engel, 'n tweede een, gekom en uitgeroep: “Geval, geval het Babilon, die magtige, sy wat al die nasies van die wyn van die wellus van haar hoerery laat drink het. ”

Bybel vir almal

⁸ 'n Tweede engel het gekom. Hy het geskree en gesê: “ Babilon, die groot stad, is afgebreek en verwoes! Ja, dit is plat! Babilon was soos 'n vrou wat onsedelik lewe, dit was vir haar baie lekker om so te lewe. En sy het vir die mense van die ander volke geleer om onsedelik te lewe.”

Afrikaans 1933-1953

⁸ En 'n ander engel het gevolg en gesê: Geval, geval het Babilon, die groot stad, omdat sy al die nasies laat drink het van die wyn van die grimmigheid van haar hoerery.

Afrikaans 1983

⁸ 'n Tweede engel het agter die eerste aan gevlieg en uitgeroep: “Geval, geval het die grote Babilon wat al die nasies van die dwelmdrank van haar onsedelikheid laat drink het.”

Contemporary Afrikaans Bible 2023

⁸ En 'n ander engel het gevolg en gesê: Geval, geval het Babilon, die groot stad, omdat sy al die nasies laat drink het van die wyn van die toorn van haar hoerery.

Die Boodskap

⁸ Dit was skaars verby of ’n tweede engel was daar: “Dit is klaarpraat met Babilon, die stad vol sondige mense; ja, die grote Babilon is verby! Sy wou mos al die mense forseer om soos sy te leef asof God nie bestaan nie. So, sonder God, het hulle geleef soos mense wat hulle dronk drink.”

Nuwe Lewende Vertaling

⁸ ’n Ander engel, ’n tweede, het gevolg en uitgeroep: “Die magtige Babilon het geval, ja, geval! Babilon het al die nasies bedwelm met die wyn van haar passie vir seksuele sonde.”

Openbaring 14:8 Kruisverwysings

Jesaja 13:1

'n Profesie oor Babel, wat aan Jesaja, seun van Amos, geopenbaar is.

Jesaja 21:9

Kyk daar! 'n Man op 'n strydwa met 'n span perde is op pad!” Hy begin toe praat en sê: “Geval, geval het Babel, en al die beelde van sy gode lê stukkend op die grond! ”

Jeremia 50:1

Dit is die woord wat die Here deur die profeet Jeremia gespreek het oor Babel, oor die land van die Galdeërs:

Jeremia 51:64

en sê, ‘Só sal Babel sink en nie weer opkom nie, vanweë die onheil wat Ek oor haar bring.’ ” “Hulle het hulle afgesloof.” Tot daar was dit die woorde van Jeremia.

Daniël 4:30

Die koning het toe begin praat en gesê: “Is dit nie die grote Babel wat ek tot 'n koninklike verblyf opgebou het deur die krag van my vermoë en tot verheerliking van my majesteit nie?”

Nahum 3:19

Daar is geen herstel vir jou ineenstorting nie. Jou wond is ongeneeslik. Almal wat die nuus oor jou hoor, sal daaroor hande klap, want wie het nie voortdurend onder jou wreedheid deurgeloop nie?

Openbaring 11:8

Dan sal hulle lyke langs die hoofstraat van die groot stad lê, daardie stad wat, figuurlik gesproke, Sodom en Egipte genoem word, en waar ook hulle Here gekruisig is.

Openbaring 16:19

Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.

Openbaring 17:18

Die vrou wat jy gesien het, is die groot stad wat heerskappy oor die konings van die aarde het.”

Openbaring 19:2

Waar en regverdig is sy oordele, want Hy het die groot prostituut veroordeel, sy wat die aarde met haar hoerery verlei het, en Hy het die bloed van sy diensknegte wat deur haar hand omgekom het, gewreek. ”