Openbaring 12:12 - Die Bybel 2020-vertaling

¹² Daarom, juig hemel en diegene wat in die hemel woon! Wee julle, aarde en see, want die Duiwel het met groot woede na julle neergedaal, omdat hy weet dat hy min tyd oor het.”

Bybel vir almal

¹² Daarom moet die hemel bly wees, almal wat in die hemel woon, moet bly wees! Maar die mense op die aarde sal baie swaar kry, en die see sal baie swaar kry. Want die duiwel het afgekom na julle toe en hy is baie kwaad, want hy weet hy het min tyd.”

Afrikaans 1933-1953

¹² Daarom, wees verheug, o hemele en die wat daarin woon; wee die bewoners van die aarde en die see, want die duiwel het na julle neergedaal met groot woede, omdat hy weet dat hy min tyd het.

Afrikaans 1983

¹² Daarom, hemel en dié wat daarin bly, verheug julle. Maar vir julle, land en see, wag daar ellende omdat die duiwel na julle toe gekom het met groot woede en met die wete dat hy min tyd het.”

Contemporary Afrikaans Bible 2023

¹² Daarom, wees bly, o hemele en wat daarin woon. Wee die bewoners van die aarde en die see! want die duiwel het na julle neergedaal met groot toorn, omdat hy weet dat hy min tyd het.

Die Boodskap

¹² Daarom moet almal wat in die hemel bly van blydskap oorloop. Maar, o genugtig, arme aarde en arme see! Julle gaan swaarkry! Weet julle hoekom? Die duiwel het na julle toe afgekom. Hy is buite homself van woede. Maar sy tydjie is min en hy weet dit!”

Nuwe Lewende Vertaling

¹² Daarom, juig daaroor, hemele en dié wat daarin ’n woonplek het! Hoe vreeslik tog vir die land en die see, omdat die duiwel na julle afgekom het met fel woede en met die besef dat hy net ’n kort tydjie het.”

Openbaring 12:12 Kruisverwysings

Jesaja 44:23

Jubel, hemel, want die Here het opgetree! Juig, dieptes van die aarde! Breek uit in jubelkrete, berge, bosse en elke boom daarin; want die Here het Jakob losgekoop, in Israel sy heerlikheid getoon!

Jesaja 49:13

Jubel, hemel, en juig, aarde! Breek uit in jubelkrete, berge! Want die Here het sy volk getroos, Hom oor sy magteloses ontferm.

Lukas 15:10

So, sê Ek vir julle, is daar blydskap onder God se engele oor een sondaar wat hom bekeer.”

Lukas 2:14

“Eer aan God in die hoogste, en vrede op aarde vir die mense in wie God 'n welbehae het! ”

Hebreërs 10:37

Want nog net “'n baie kort rukkie, en Hy wat kom, sal kom en nie talm nie.

2 Petrus 3:8

Laat hierdie een saak egter nie by julle verbygaan nie, geliefdes: By die Here is een dag soos duisend jaar, en duisend jaar soos een dag.

Openbaring 10:6

en 'n eed gesweer by Hom wat vir ewig en ewig lewe, wat die hemel en wat daarin is, en die aarde en wat daarop is, en die see en wat daarin is, geskape het: “Daar is nie meer tyd oor nie.

Openbaring 11:10

Die aardbewoners sal oor hulle jubel en bly wees, en vir mekaar geskenke stuur, want hierdie twee profete het die aardbewoners gefolter.”

Openbaring 11:14

Die tweede ramp het verbygegaan, en kyk, die derde een kom gou.

Openbaring 12:9

Die groot draak, die slang van weleer, wat Duiwel en Satan genoem word, die verleier van die hele bewoonde wêreld, is toe uitgegooi. Hy is op die aarde neergegooi, en saam met hom ook sy engele.

Openbaring 13:6

Hy het sy mond geopen om God, en ook sy Naam en sy woonplek en hulle wat in die hemel woon, te belaster.

Openbaring 18:20

Juig oor haar, hemel, •heiliges, •apostels en profete! God het julle oordeel oor haar voltrek.”

Openbaring 8:13

En ek het gesien, en ek het 'n engel wat hoog in die lug vlieg, met 'n skril stem hoor roep: “Wee, wee, wee die bewoners van die aarde, wanneer die ander drie engele binnekort met 'n geskal op hulle trompette blaas.”

Openbaring 9:12

Die eerste ramp is verby – kyk, hierna kom daar nog twee!