Openbaring 10:3 - Die Bybel 2020-vertaling

³ en met 'n harde stem, soos die brul van 'n leeu, uitgeroep. Nadat hy uitgeroep het, het die sewe donderslae hulle dreunings laat klink.

Bybel vir almal

³ Hy het baie hard geskree, so hard soos 'n leeu wat brul. Toe die engel roep, het die donderweer sewe maal geraas.

Afrikaans 1933-1953

³ en hy het met 'n groot stem uitgeroep soos 'n leeu wat brul, en toe hy uitgeroep het, het die sewe donderslae hulle stemme laat hoor.

Afrikaans 1983

³ en met 'n harde stem uitgeroep soos 'n leeu wat brul. Toe hy uitroep, het sewe donderslae geantwoord.

Contemporary Afrikaans Bible 2023

³ En hy het met 'n groot stem geroep soos wanneer 'n leeu brul; en toe hy geroep het, het sewe donderslae hulle stemme laat hoor.

Die Boodskap

³ en skreeu kliphard. Dit het geklink soos ’n leeu wat brul.

Nuwe Lewende Vertaling

³ Toe het hy met ’n kragtige stem uitgeskreeu soos ’n leeu wat brul. Nadat hy so uitgeskreeu het, het sewe donderslae hulle eie dreunings laat weergalm.

Openbaring 10:3 Kruisverwysings

Psalms 29:3

Die stem van die Here is oor die waters, die God van heerlikheid laat dit dreun, die Here is bo die magtige waters,

Spreuke 19:12

'n Gebrul soos dié van 'n jong leeu, so is die onbeheersde woede van 'n koning; maar soos dou op die gras is sy welwillendheid.

Jesaja 31:4

Ja, so het die Here vir my gesê: “Soos 'n leeu grom, 'n jong leeu by sy prooi – al word 'n hele groep herders teen hom saamgeroep, vir hulle geskreeu word hy nie bang nie, en vir hulle geraas krimp hy nie ineen nie – so sal die Here, Heerser oor alle magte, neerdaal om te veg op die berg Sion, op die Sionsheuwel.

Jesaja 42:13

Die Here, soos 'n held trek Hy uit, soos 'n krygsman wakker Hy die krygslus aan. Hy roep die strydkreet, ja, Hy skreeu die oorlogskreet uit; aan sy vyande betoon Hy Homself as die magtige.

Jesaja 5:29

Sy brul is soos dié van 'n leeu. Hy brul soos jong leeus, hy grom en gryp prooi; hy sleep weg, en daar is niemand wat kan red nie.

Jeremia 25:30

“En jy, jy moet al hierdie woorde teen hulle profeteer. Jy moet vir hulle sê, ‘Die Here, uit die hoogte sal Hy brul, uit sy heilige woning sal Hy sy stem laat hoor. Hy brul geweldig teen sy blyplek. 'n Kreet soos van druiwetrappers hef Hy aan teen al die bewoners van die aarde.

Esegiël 10:5

Die geluid van die gerubs se vlerke kon tot in die buitenste voorhof gehoor word. Dit was soos die stem van God, die Almagtige, wanneer Hy praat.

Hosea 11:10

Hulle sal die Here volg. Soos 'n leeu sal Hy brul; wanneer Hy brul, sal kinders bewend van die see af kom.

Joël 3:16

En die Here, uit Sion brul Hy, uit Jerusalem verhef Hy sy stem, sodat hemel en aarde bewe. Maar die Here is 'n toevlugsoord vir sy volk, 'n skuilplek vir die Israeliete.

Amos 1:2

Hy het gesê: “Die Here brul uit Sion, uit Jerusalem laat Hy sy stem hoor. Die weivelde van die herders verdroog, die top van Karmel verdor.”

Amos 3:8

'n Leeu het gebrul – wie sal nie bang wees nie? My Heer, die Here, het gepraat – wie sal nie profeteer nie?

Openbaring 14:2

En ek het 'n geluid uit die hemel gehoor, soos die gedruis van baie waters en die gerammel van swaar donderweer. Die geluid wat ek gehoor het, het geklink soos dié van lierspelers wat hulle liere bespeel.

Openbaring 15:1

Toe het ek in die hemel 'n ander groot en wonderbaarlike teken gesien, naamlik sewe engele met die sewe laaste plae, omdat die toorn van God daarmee tot 'n einde gekom het.

Openbaring 15:7

Een van die vier lewende wesens het toe aan die sewe engele sewe goue bakke gegee, gevul met die toorn van God, van Hom wat vir ewig en ewig leef.

Openbaring 4:5

Vanuit die troon het daar weerligstrale, dreunings en donderslae gekom. En voor die troon het sewe vuurfakkels gebrand – die sewe Geeste van God.

Openbaring 8:5

Die engel het toe die wierookbak geneem, dit met vuur van die altaar af gevul, en dit op die aarde uitgegooi. En daar was donderslae, dreunings, weerligstrale en 'n aardbewing.