Openbaring 1:15 - Die Bybel 2020-vertaling

¹⁵ Sy voete was net soos gloeiende koper in 'n rooiwarm oond, en sy stem soos die gedruis van baie waterstrome.

Bybel vir almal

¹⁵ Sy voete was soos blink koper wat in 'n oond gesmelt het. Sy stem was soos wanneer baie water raas.

Afrikaans 1933-1953

¹⁵ en sy voete soos blink koper wat gloei soos in 'n oond, en sy stem soos die stem van baie waters.

Afrikaans 1983

¹⁵ Sy voete was soos geelkoper wat in 'n smeltoond gloei, en sy stem soos die gedruis van 'n groot watermassa.

Contemporary Afrikaans Bible 2023

¹⁵ En sy voete soos fyn koper, asof hulle in 'n oond brand; en sy stem soos die geluid van baie waters.

Die Boodskap

¹⁵ Sy voete was soos warm geelkoper wat net uit die oond gekom het. Waar daardie voete trap, bly niks oor nie! Wanneer Hy praat, is dit oorverdowend, soos baie harde reën op ’n sinkdak. Mense se stem verdof eenvoudig.

Nuwe Lewende Vertaling

¹⁵ Sy voete was soos gepoleerde koper wat in ’n smeltoond gloei en sy stem soos die geluid van baie waterstrome.

Openbaring 1:15 Kruisverwysings

Psalms 93:4

Magtiger as die gedreun van baie waters, as die branders van die see, is die Here, magtig in die hoogte.

Jesaja 17:13

Ja, nasies – soos die gedruis van magtige water, druis hulle. Maar Hy berispe hulle, en hulle vlug ver weg. Hulle word voortgedryf op die bulte soos kaf voor die wind, soos tolbosse voor 'n stormwind.

Esegiël 1:24

Ek het die geluid van hulle vlerke gehoor. Wanneer hulle beweeg, was dit soos die geluid van baie water, soos die stem van die Almagtige, die geluid van 'n mensemassa, soos die geluid van 'n leërmag. Wanneer hulle stilstaan, het hulle hulle vlerke laat sak.

Esegiël 1:7

Hulle bene was reguit; hulle hoewe was soos kalfshoewe en het soos gepoleerde brons geskitter.

Esegiël 40:3

Hy het my daarheen geneem, en kyk, daar was 'n man wat gelyk het asof hy van brons was. Daar was 'n toutjie van vlas in sy hand, en ook 'n maatstok. Hy het in die poort gestaan.

Esegiël 43:2

En kyk, die heerlikheid van die God van Israel het uit die ooste gekom! Die geluid daarvan was soos die geluid van baie water, en die aarde het gestraal van sy heerlikheid.

Daniël 10:6

Sy liggaam was soos •chrisoliet en sy gesig het gelyk soos weerlig, terwyl sy oë soos fakkels van vuur was, en sy arms en voete soos gepoleerde brons geskitter het. Die geluid van sy woorde was soos die geluid van 'n menigte.

Openbaring 10:1

En ek het 'n ander sterk engel uit die hemel sien afkom. Hy was met 'n wolk omhul, met 'n reënboog bo sy kop. Sy gesig was soos die son, en sy voete soos vuurpilare.

Openbaring 14:2

En ek het 'n geluid uit die hemel gehoor, soos die gedruis van baie waters en die gerammel van swaar donderweer. Die geluid wat ek gehoor het, het geklink soos dié van lierspelers wat hulle liere bespeel.

Openbaring 19:6

En ek het iets gehoor soos die klank van 'n groot skare, en soos die klank van baie waters, en soos die klank van swaar donderslae wat uitroep: “Halleluja! Die Here, ons God, die Almagtige, het sy koningskap opgeneem.

Openbaring 2:18

“Skryf ook aan die boodskapper van die •gemeente in Tiatira: “Dit sê die •Seun van God, wat oë het soos 'n vlammende vuur, en voete soos gloeiende koper,