Numeri 7:9 - Die Bybel 2020-vertaling

⁹ Maar vir die nageslag van Kehat het hy niks gegee nie, want die hantering van die heilige voorwerpe was hulle verantwoordelikheid. Hulle moes dit op hulle skouers dra.

Bybel vir almal

⁹ Moses het nie vir die Kehat-familie waens en beeste gegee nie, want hulle moes werk met die gewyde dinge, hulle moes dit op hulle skouers dra.

Afrikaans 1933-1953

⁹ Maar aan die seuns van Kehat het hy niks gegee nie; want die diens van die heiligdom het op hulle gerus: hulle moes dit op die skouers dra.

Afrikaans 1983

⁹ Moses het nie waens en osse aan die Kehatgroep gegee nie, want hulle moes die gewyde voorwerpe op hulle skouers dra.

Contemporary Afrikaans Bible 2023

⁹ Maar aan die seuns van Kehat het hy niks gegee nie, want die diens van die heiligdom wat aan hulle behoort het, was dat hulle op hul skouers moes dra.

Die Boodskap

⁹ Moses het nie vir die Kehatgroep enige waens en osse gegee nie omdat hulle volgens die Here se opdrag die heilige voorwerpe op hulle skouers moes dra.

Nuwe Lewende Vertaling

⁹ Hy het nie vir die Kehatiete enigiets gegee nie, want dit was hulle werk om die heilige dinge op hulle eie skouers te dra.

Numeri 7:9 Kruisverwysings

2 Samuel 6:13

Wanneer die draers van die ark van die Here ses treë gestap het, het hy 'n bul en 'n vetgemaakte kalf geoffer.

2 Samuel 6:3

Hulle het die ark van God op 'n nuwe wa gelaai, nadat hulle dit uit die huis van Abinadab, wat op die heuwel is, gedra het. Ussa en Agjo, seuns van Abinadab, het die nuwe wa begelei,

2 Samuel 6:6

Toe hulle by die dorsvloer van Nagon kom, het Ussa sy hand uitgesteek na die ark van God en dit vasgegryp, want die osse het gestruikel.

1 Konings 8:3

Toe al die oudstes van Israel aangekom het, het die priesters die ark opgetel.

1 Kronieke 15:13

want die eerste keer was dit nie julle wat dit gedoen het nie. Die Here ons God het ons uitmekaar geslaan, omdat ons Hom nie geraadpleeg het soos dit hoort nie.”

1 Kronieke 15:3

Dawid het toe die hele Israel in Jerusalem byeen laat kom om die ark van die Here boontoe te neem na die plek wat hy daarvoor gereedgemaak het.

1 Kronieke 23:26

en ook wat die Leviete betref: “Die tabernakel en al die toebehore vir sy diens moet nie meer gedra word nie.”

Numeri 3:31

Hulle verpligtinge was al die werk verbonde aan die ark, die tafel, die menora, die altare en die toebehore van die heiligdom waarmee hulle take verrig, asook die afskorting.