Numeri 7:3 - Die Bybel 2020-vertaling

³ Hulle het hulle offergawes gebring na die Here se teenwoordigheid: ses waens met seile oor en twaalf beeste, 'n wa namens twee leiers en 'n bees namens elkeen. Hulle het dit aangebied voor die tabernakel.

Bybel vir almal

³ Die leiers het hulle presente vir die Here gebring. Dit was ses tentwaens en twaalf beeste, 'n tentwa vir elke twee leiers en 'n bees vir elke leier. Hulle het dit na die tempel-tent gebring,

Afrikaans 1933-1953

³ hulle het hul offer voor die aangesig van die Here gebring: ses tentwaens en twaalf beeste; 'n wa vir twee owerstes en 'n bees vir elkeen; en hulle het dit voor die tabernakel gebring.

Afrikaans 1983

³ Hulle het as offergawes ses tentwaens en twaalf osse gebring, 'n wa namens elke twee leiers, en 'n os namens elkeen afsonderlik. Hulle het dit na die tabernakel toe gebring.

Contemporary Afrikaans Bible 2023

³ En hulle het hul offer voor die aangesig van die HERE gebring, ses bedekte waens en twaalf osse; 'n wa vir twee van die vorste, en vir elkeen 'n bees; en hulle het dit voor die tabernakel gebring.

Die Boodskap

³ Hulle het ses waens met seile bo-oor en twaalf osse na die tabernakel toe gebring, een wa vir elke twee leiers en ’n os vir elke leier.

Nuwe Lewende Vertaling

³ Hulle het hulle offers vir die Here gebring. Dit was ses waens met twaalf osse. Daar was ’n wa vir elke twee leiers en ’n os vir elkeen. Hulle het dit vir die Here by die tabernakel aangebied.

Numeri 7:3 Kruisverwysings

Genesis 45:19

En jy self het die opdrag om vir hulle te sê, ‘Dit moet julle doen: Neem vir julle waens uit Egipteland vir julle kinders en vroue, en gaan haal julle vader en kom!

Genesis 45:21

Die seuns van Israel het toe so gemaak. Josef het hulle, volgens die opdrag van die farao, van waens voorsien. Hy het ook vir hulle padkos vir die reis gegee.

Esra 2:68

Toe hulle by die huis van die Here wat in Jerusalem is, aankom, het party van die familiehoofde vrywillige bydraes gegee om die huis van God op sy plek te herbou.

Eksodus 25:2

“Praat met die Israeliete, sodat hulle vir My 'n •wydingsgeskenk bring. Van elkeen wie se hart hom daartoe aanspoor, moet julle vir My 'n wydingsgeskenk aanvaar.

Jesaja 66:20

Hulle sal al julle volksgenote uit al die nasies, as die Here se geskenk, op perde en strydwaens, op waens, muile en kamele, na my heilige berg, Jerusalem, bring,” sê die Here, “net soos die Israeliete die graanoffer in rein houers na die huis van die Here bring.

Amos 2:13

Kyk, Ek bring julle tot stilstand waar julle is; net soos 'n wa oorvol van gesnyde graan tot stilstand kom.

Numeri 7:4

Die Here het vir Moses gesê: