Numeri 6:4 - Die Bybel 2020-vertaling

⁴ Vir die volle tydperk van sy toewyding mag hy niks eet wat van die druiwestok verkry word nie, van pit tot skil.

Bybel vir almal

⁴ In die tyd terwyl hy 'n nasireër is, mag hy niks eet wat van 'n wingerdstok kom nie, ook nie die pitte of die skille nie.

Afrikaans 1933-1953

⁴ Al die dae van sy nasireërskap mag hy niks eet van alles wat van die wynstok gemaak is nie, selfs nie van die pitte en doppe nie.

Afrikaans 1983

⁴ Die hele tydperk van sy wyding mag hy hoegenaamd niks eet wat die wingerdstok voortbring nie, selfs nie druiwepitte of -doppe nie.

Contemporary Afrikaans Bible 2023

⁴ Al die dae van sy skeiding mag hy niks eet wat van die wingerdboom gemaak is nie, van die pitte tot die doppe.

Die Boodskap

⁴ Vir so lank as wat die persoon aan die Here se diens afgesonder is, mag hy of sy niks eet wat van ’n wingerd af kom nie, nie eers die pitte of die doppe van die druiwe nie.

Numeri 6:4 Kruisverwysings

Numeri 6:21

“ ‘Dit is die voorskrifte vir die nasireër wat hy, op grond van sy toewyding, as 'n offer aan die Here moet beloof, naas dit wat hy verder kan bekostig. Bo en behalwe die voorskrifte wat geld vir sy toewyding, moet hy presies handel volgens sy gelofte wat hy aflê.’ ”

Numeri 6:3

moet hy hom van wyn en sterk drank weerhou. Druiweasyn en asyn van sterk drank mag so iemand nie drink nie. Geen druiwesap mag hy drink nie, en druiwe, vars of droog, mag hy nie eet nie.

Numeri 6:5

“ ‘Vir die volle tydperk wat sy gelofte van toewyding geld, mag 'n skeermes nie oor sy kop gaan nie. Totdat die tydperk waarin hy hom aan die Here toewy, verby is, moet hy heilig wees en die onversorgde hare op sy kop lank laat word.

Rigters 13:14

Enigiets wat van die wingerdstok af kom, mag sy nie eet nie. Wyn en sterk drank moet sy nie drink nie. Enigiets wat onrein is, moet sy nie eet nie. Alles wat Ek haar beveel, moet sy nakom.”