Numeri 4:34 - Die Bybel 2020-vertaling

³⁴ Moses en Aäron en die leiers van die volksvergadering het die nageslag van Kehat ingeskryf volgens hulle familiegroepe en families,

Bybel vir almal

³⁴ Moses en Aäron en die leiers van die volksvergadering het die Kehat-familie getel en hulle het opgeskryf van wie se nageslag elkeen is en aan watter familie hy behoort.

Afrikaans 1933-1953

³⁴ En Moses en Aäron en die owerstes van die vergadering het die seuns van die Kehatiete getel volgens hulle geslagte en volgens hulle families;

Afrikaans 1983

^34-45 Moses, Aäron en die volksleiers het die drie Levitiese families Kehat, Gerson en Merari getel. Hulle het dit gedoen volgens afstamming en familie soos die Here vir Moses beveel het. Hulle het al die manlike persone van tussen dertig en vyftig jaar opgeskryf, almal wat geskik was vir diens en wat die werk in die tent van ontmoeting kon verrig. Die getalle was soos volg: Kehat twee duisend sewe honderd en vyftig, Gerson twee duisend ses honderd en dertig, Merari drie duisend twee honderd.

Contemporary Afrikaans Bible 2023

³⁴ En Moses en Aäron en die owerstes van die vergadering het die seuns van die Kehatiete getel volgens hulle geslagte en volgens die huis van hulle vaders,

Die Boodskap

^34-48 Soos die Here beveel het, het Moses, Aäron en die leiers van die volk die drie Levitiese families, Kehat, Gerson en Merari, getel. Hulle het dit gedoen volgens al die families. Hulle het toe al die mans tussen 30 en 50 jaar oud wat diens kon doen in die tent waar God gedien word, opgeskryf. Die getalle was soos volg: Kehat 2 750, Gerson 2 630 en Merari 3 200. Die groottotaal van al die mans tussen 30 en 50 was 8 580.

Numeri 4:34 Kruisverwysings

1 Kronieke 23:24

Dit was die seuns van Levi volgens hulle families met die familiehoofde, soos wat hulle kop vir kop ingeskryf is met die getal name – hulle wat die dienswerk vir die huis van die Here moes doen, van twintig jaar en ouer.

Numeri 1:4

Saam met julle moet daar iemand wees, 'n man uit elke stam, iemand wat die hoof is van sy familie.

Numeri 3:27

By Kehat hoort die familiegroep wat van Amram afstam, die familiegroep wat van Jishar afstam, die familiegroep wat van Hebron afstam en die familiegroep wat van Ussiël afstam. Hulle was die familiegroepe wat van Kehat afstam.

Numeri 4:33

Dit is die taak van die familiegroepe uit die nageslag van Merari. Al hulle take by die Tent van Ontmoeting staan onder die beheer van Itamar, seun van die priester Aäron.”

Numeri 4:35

van dertig jaar en ouer, tot vyftig jaar oud, elkeen wat ingaan vir 'n diens om 'n taak te verrig in die Tent van Ontmoeting.