Numeri 30:3 - Die Bybel 2020-vertaling

³ “Wanneer 'n vrou 'n gelofte aan die Here aflê en haar in haar jeug aan die onthouding van iets bind terwyl sy in die huis van haar vader is,

Bybel vir almal

^3-4 “Wanneer 'n vrou nog jonk is en sy woon by haar ouers en sy maak 'n gelofte aan die Here, dan moet sy alles doen wat sy belowe het. Sy moet dit ook doen wanneer sy belowe om iets te doen en sy sê die Here moet die getuie wees, en haar pa hoor wat sy belowe het en hy sê niks.

Afrikaans 1933-1953

³ Maar as 'n vrou aan die Here 'n gelofte doen of haarself verbind om haar te onthou, terwyl sy in haar vader se huis is in haar jeug,

Afrikaans 1983

³ “As 'n jong vrou wat nog in haar ouerhuis is, 'n gelofte aan die Here doen of 'n verpligting op haar neem,

Contemporary Afrikaans Bible 2023

³ As 'n vrou ook 'n gelofte aan die HERE beloof en haarself met 'n band verbind terwyl sy in haar vader se huis was in haar jeug;

Die Boodskap

³ “As ’n jongmeisie voor haar troue terwyl sy nog in haar ouerhuis woon, ’n belofte aan die Here maak of iets onder eed belowe,

Numeri 30:3 Kruisverwysings

2 Kronieke 36:13

Selfs teen koning Nebukadnesar, wat hom by God 'n eed laat aflê het, het hy in opstand gekom. Hy was hardnekkig en het sy hart verhard, en nie na die Here, die God van Israel, teruggekeer nie.

Psalms 50:14

Offer dank aan God, betaal jou geloftes aan die Allerhoogste.

Levitikus 27:2

“ Praat met die Israeliete en sê vir hulle, ‘Wanneer iemand 'n buitengewone gelofte aflê, en die loskoopwaarde van persone vir die Here bereken word,

Numeri 30:2

As 'n man aan die Here 'n gelofte aflê, of as hy 'n eed aflê om te hou by 'n onderneming wat hy gegee het, mag hy sy belofte nie verbreek nie. Alles wat oor sy lippe gekom het, moet hy doen.

Numeri 30:4

en haar vader hoor van haar gelofte en die verpligting tot onthouding wat sy op haarself geneem het, maar haar vader bly stil teenoor haar, dan geld al haar geloftes; en elke verbintenis wat sy op haarself geneem het, geld.

Numeri 6:2

“ Praat met die Israeliete en sê vir hulle, ‘Wanneer 'n man of vrou 'n buitengewone gelofte aflê, die gelofte van 'n •nasireër om hulle aan die Here te wy,

1 Korinthiërs 14:34

Laat die vroue in die gemeentes swyg, want hulle word nie toegelaat om te praat nie, maar moet hulleself onderwerp, soos die wet ook sê.

Josua 9:18

Maar die Israeliete het hulle nie aangeval nie, omdat die leiers van die volksvergadering vir hulle voor die Here, die God van Israel, 'n eed afgelê het. Die hele volksvergadering het teenoor die leiers gemor.

Rigters 11:35

Die oomblik toe hy haar sien, skeur hy sy klere en sê: “Ag, my dogter, ek is heeltemal verpletter oor jou! Dat jy nou een van hulle moet wees wat my in die ellende dompel! Ek het met my mond 'n gelofte aan die Here afgelê en ek kan dit nie terugtrek nie.”

1 Samuel 1:11

Sy het 'n gelofte afgelê en gesê: “Here, Heerser oor alle magte, as U tog net die ellende van u slavin wil raaksien en aan my sal dink en u slavin nie sal vergeet nie, en as U aan u slavin 'n manlike nasaat sal gee, dan sal ek hom aan U, Here, teruggee so lank hy leef. 'n Skeermes sal nooit oor sy kop gaan nie. ”