Numeri 3:9 - Die Bybel 2020-vertaling

⁹ “ Jy moet die Leviete tot beskikking stel van Aäron en sy seuns. Hulle is volledig tot sy beskikking namens die Israeliete.

Bybel vir almal

⁹ Jy moet die Leviete vir Aäron en sy seuns gee. Die Israeliete gee die Leviete sodat hulle vir Aäron en sy seuns kan werk.

Afrikaans 1933-1953

⁹ En jy moet die Leviete aan Aäron en sy seuns gee; hulle is heeltemal aan hom gegee uit die kinders van Israel.

Afrikaans 1983

⁹ Jy moet die Leviete tot beskikking van Aäron en sy seuns stel; uit die volk Israel is hulle die mense wat volkome aan Aäron se diens gewy is.

Contemporary Afrikaans Bible 2023

⁹ En jy moet die Leviete aan Aäron en sy seuns gee; hulle is geheel en al aan hom gegee uit die kinders van Israel.

Die Boodskap

⁹ Die Leviete se verantwoordelikheid is om vir Aäron en sy seuns te help.

Nuwe Lewende Vertaling

⁹ Stel nou die Leviete aan as Aäron en sy seuns se helpers. Uit die Israeliete sal hulle hom voltyds bystaan.

Numeri 3:9 Kruisverwysings

1 Kronieke 15:2

Toe sê Dawid: “Niemand mag die ark van God dra nie, behalwe die Leviete. Want dit is hulle wat deur die Here uitgekies is om die ark van die Here te dra en Hom vir altyd te dien.”

1 Kronieke 6:33

Hier volg hulle wat dienswerk verrig het, asook hulle nageslagte: Uit die nageslag van Kehat was daar Heman, die tempelsanger, seun van Joël, seun van Samuel,

Esra 2:43

Die tempeldienaars was: Die afstammelinge van Siga, Gasufa Tabbaot;

Esra 6:18

Hulle het die priesters in hulle afdelings en die Leviete in hulle groepe opgestel vir die diens van God wat in Jerusalem is, soos dit in die boekrol van Moses geskryf staan.

Esra 8:20

en van die tempeldienaars wat Dawid en die •hoë amptenare gegee het om die Leviete by te staan, 220 manne, almal by die naam aangewys.

Numeri 16:9

Is dit nie vir julle genoeg nie dat die God van Israel julle afgesonder het van die volksvergadering van Israel om julle na Hom te laat nader kom om tabernakeldiens vir die Here te doen, en om diensbaar te wees aan die volksvergadering deur hulle by te staan?

Numeri 18:2

Laat ook jou broers, die stam van Levi, die stam van jou vader, saam met jou nader kom, sodat hulle by jou kan aansluit en jou kan bystaan waar jy en jou seuns saam met jou voor die tent met die Getuienis is.

Numeri 3:8

Hulle moet toesig hou oor al die toerusting van die Tent van Ontmoeting, en die verpligtinge van die Israeliete help nakom deur diens te doen in die tabernakel.

Numeri 8:14

So moet jy die Leviete van die Israeliete afsonder; die Leviete moet aan My behoort.

Numeri 8:16

Onder die Israeliete is hulle immers ten volle aan My afgestaan. In die plek van die eersteling van elke moederskoot, van elke •eersgeborene tussen die Israeliete, het Ek hulle vir my geneem.

Numeri 8:18

Ek het die Leviete in die plek van al die eersgeborenes onder die Israeliete geneem.

Numeri 8:19

Die Leviete, wat uit die geledere van die Israeliete tot beskikking van Aäron en sy seuns is, stel Ek beskikbaar om die dienswerk van die Israeliete in die Tent van Ontmoeting te verrig en om vir die Israeliete versoening te doen, sodat 'n plaag nie die Israeliete tref wanneer hulle die heiligdom nader nie.”

Efesiërs 4:11

En Hy het sommige as •apostels, ander as profete, ander as evangeliste, en ander as herders en leraars gegee,

Efesiërs 4:8

Daarom staan daar: “Toe Hy opgevaar het na bo, het Hy krygsgevangenes weggevoer; Hy het gawes aan die mense gegee.”