Numeri 3:41 - Die Bybel 2020-vertaling

⁴¹ Neem die Leviete vir My – Ek is die Here – in die plek van al die eersgeborenes van die Israeliete; en neem die diere van die Leviete in die plek van al die eersgeborenes onder die diere van die Israeliete.”

Bybel vir almal

⁴¹ Maar jy moet die Leviete vir My neem in die plek van al die oudste seuns van die Israeliete, en jy moet die diere van die Leviete neem in die plek van al die eerste lammers en kalwers van die Israeliete.”

Afrikaans 1933-1953

⁴¹ En jy moet vir My — Ek is die Here — die Leviete neem in die plek van al die eersgeborenes onder die kinders van Israel, en die vee van die Leviete in die plek van al die eersgeborenes onder die vee van die kinders van Israel.

Afrikaans 1983

⁴¹ In die plek van al die eersgeborenes uit Israel moet jy die Leviete vir my diens beskikbaar stel, en ook die Leviete se vee in die plek van al die eerstelinge onder die vee van die Israeliete. Ek is die Here.”

Contemporary Afrikaans Bible 2023

⁴¹ En jy moet die Leviete vir My, Ek is die HERE, neem in die plek van al die eersgeborenes onder die kinders van Israel; en die vee van die Leviete in die plek van al die eersgeborenes onder die vee van die kinders van Israel.

Die Boodskap

⁴¹ Die Leviete moet die plaasvervangers wees vir die kinders in Israel wat eerste gebore is. Net so moet die Leviete se vee die plaasvervangers wees vir die eerstelinge van die volk se vee. So sê Ek; Ek, die Here!”

Numeri 3:41 Kruisverwysings

Numeri 18:15

Elke eersteling van die moederskoot, elke lewende wese wat vir die Here gebring word, kom jou toe, of dit nou mense of diere is. Onthou net, jy moet beslis die eersgeborenes van mense laat loskoop, en die eersgeborenes van •onrein diere mag jy laat loskoop.

Numeri 3:12

“ Wat My betref, kyk, Ek het die Leviete tussen die Israeliete uitgehaal in die plek van al die eersgeborenes, die eerstelinge van die moederskoot, onder die Israeliete. Die Leviete behoort aan My

Numeri 3:13

omdat al die eersgeborenes aan My behoort. Toe Ek al die eersgeborenes in Egipteland getref het, het Ek al die eersgeborenes in Israel vir My geheilig: Die eersgeborenes van mense sowel as diere behoort aan My. Ek is die Here.”

Numeri 3:42

Moses het toe, soos die Here hom beveel het, al die eersgeborenes onder die Israeliete ingeskryf.

Numeri 3:45

“ Neem die Leviete in die plek van al die eersgeborenes onder die Israeliete, en ook die Leviete se vee in die plek van hulle vee. Die Leviete behoort aan My. Ek is die Here.

Numeri 8:16

Onder die Israeliete is hulle immers ten volle aan My afgestaan. In die plek van die eersteling van elke moederskoot, van elke •eersgeborene tussen die Israeliete, het Ek hulle vir my geneem.

Matteus 20:28

Net so het die •Seun van die Mens nie gekom om gedien te word nie, maar om te dien en sy lewe as losprys vir baie te gee. ”

1 Timoteus 2:6

wat Homself as losprys vir almal gegee het, tot getuienis op die bestemde tyd.