Numeri 22:9 - Die Bybel 2020-vertaling

⁹ God het na Bileam gekom en gevra: “Wie is die manne hier by jou?”

Bybel vir almal

⁹ God het na Bileam toe gekom en vir hom gevra: “Wie is hierdie mans by jou?”

Afrikaans 1933-1953

⁹ En God het na Bíleam gekom en gesê: Wie is die manne daar by jou?

Afrikaans 1983

⁹ God het aan Bileam verskyn en gevra: “Wie is die manne hier by jou?”

Contemporary Afrikaans Bible 2023

⁹ En God het na Bíleam gekom en gesê: Watter manne is hierdie by jou?

Die Boodskap

⁹ Dié nag het God na Bileam toe gekom en vir hom gevra: “Wie is die mans wat in jou huis is?”

Numeri 22:9 Kruisverwysings

Genesis 16:8

Hy het vir haar gesê: “Hagar, slavin van Sarai, waarvandaan kom jy en waarheen gaan jy?” Sy het geantwoord: “Ek is aan die vlug, weg van my meesteres Sarai af.”

Genesis 20:3

Maar God het in 'n nagtelike droom na Abimeleg gekom en vir hom gesê: “Kyk, jy gaan sterf oor die vrou wat jy geneem het, want sy behoort aan 'n man.”

Genesis 31:24

God het egter in 'n droom in die nag na Laban, die Arameër, gekom en vir hom gesê: “Pasop dat jy nie in enige woordewisseling met Jakob betrokke raak nie. ”

Genesis 4:9

Die Here het vir Kain gevra: “Waar is Abel, jou broer?” Hy het geantwoord: “Ek weet nie; is ek dan my broer se oppasser?”

Genesis 41:25

Josef sê toe vir die farao: “Die drome van die farao – dit is maar een droom. Dit wat God gaan doen, het Hy aan die farao bekend gemaak.

Eksodus 4:2

Die Here sê toe vir hom: “Wat het jy daar in jou hand?” Hy antwoord: “'n Staf.”

Daniël 2:45

U het daarom gesien dat 'n klip uit die berg vanself losbreek, nie deur die toedoen van mensehande nie, en dat dit die yster, koper, klei, silwer en goud verpletter. 'n Groot God het aan die koning bekend gemaak wat hierna gaan gebeur. Die droom is waar en die uitleg daarvan is betroubaar.”

Numeri 22:10

Bileam het God geantwoord: “Balak, seun van Sippor, die koning van Moab het 'n boodskap vir my gestuur,

Numeri 22:20

God het toe in die nag na Bileam gekom en vir hom gesê: “As die manne gekom het om jou te ontbied, maak jou gereed en gaan saam met hulle; maar slegs dit wat Ek vir jou sê, moet jy doen.”

Numeri 22:8

Hy het vir hulle gesê: “Bly vannag hier oor, dan gee ek vir julle die antwoord wat die Here my sal meedeel.” Die •hoë amptenare van Moab het toe by Bileam oorgebly.

Matteus 24:24

Want vals christusse en vals profete sal na vore tree, en hulle sal groot tekens en wonders doen om, indien moontlik, selfs die uitverkorenes te mislei.

Matteus 7:22

Baie sal op daardie dag vir My sê, ‘Here, Here, het ons nie in u Naam geprofeteer en in u Naam demone uitgedryf en in u Naam baie kragtige dade verrig nie?’

Johannes 11:51

En dit het hy nie uit sy eie gesê nie, maar, omdat hy daardie jaar hoëpriester was, het hy geprofeteer dat Jesus vir die volk sou sterf –