Numeri 22:4 - Die Bybel 2020-vertaling

⁴ Toe sê Moab vir die oudstes van Midian: “Nou gaan hierdie horde alles rondom ons opeet, soos beeste die groen gras in die veld opvreet.” Balak, seun van Sippor, was koning van Moab in daardie tyd.

Bybel vir almal

⁴ en hulle het vir die leiers van die Midianiete gesê: “Hierdie klomp mense sal alles rondom ons op-eet soos 'n bees die groen gras in die veld opvreet.” Balak seun van Sippor was in daardie tyd koning van die Moabiete.

Afrikaans 1933-1953

⁴ Toe sê Moab vir die oudstes van Mídian: Nou sal hierdie menigte opeet alles wat rondom ons is, soos 'n bees die groenigheid van die veld opeet. En Balak, die seun van Sippor, was dié tyd koning van Moab.

Afrikaans 1983

⁴ en het vir die leiers van Midian gesê: “Hierdie horde gaan alles rondom ons opvreet soos beeste die gras in die veld opvreet.” Balak seun van Sippor was destyds koning van Moab

Contemporary Afrikaans Bible 2023

⁴ Toe sê Moab aan die oudstes van Mídian: Nou sal hierdie menigte almal wat rondom ons is, oplek soos 'n bees die gras van die veld opeet. En Balak, die seun van Sippor, was in dié tyd koning van die Moabiete.

Die Boodskap

⁴ het hulle vir die leiers van Midian die volgende boodskap gestuur: “Hierdie horde mense gaan alles rondom hulle kaalstroop, soos ’n bees die gras rondom hom kaalvreet.” Koning Balak van Moab

Nuwe Lewende Vertaling

⁴ Balak, koning van die Moabiete, het vir die leiers van die Midianiete gesê: “Hulle sal alles rondom ons verteer soos ’n bees die gras in die veld wegvreet.”

Numeri 22:4 Kruisverwysings

1 Konings 11:18

Hulle het uit Midian vertrek en Paran bereik. Hulle het toe manne uit Paran met hulle saamgeneem en in Egipte aangekom by die farao, die koning van Egipte. Dié het vir hom 'n huis gegee, kosvoorraad aan hom toegesê en ook 'n stuk land vir hom gegee.

Eksodus 15:15

Dan raak die stamhoofde van Edom beangs, bewing pak die leiers van Moab beet; al die inwoners van Kanaän sidder.

Jeremia 48:38

Op al die dakke van Moab en op sy dorpspleine is daar net roubeklag. Want Ek het Moab gebreek soos 'n kruik wat niemand meer wil hê nie,” is die uitspraak van die Here.

Numeri 22:2

Balak, seun van Sippor, het alles gesien wat Israel aan die •Amoriete gedoen het.

Numeri 22:7

Die oudstes van Moab en Midian het toe vertrek met die betaling vir waarsêery by hulle. Toe hulle by Bileam kom, het hulle Balak se woorde aan hom oorgedra.

Numeri 24:17

‘ Ek sien hom, maar dit is nie nou nie, ek neem hom waar, maar hy is nie naby nie. 'n Ster uit Jakob tree na vore, 'n heerserstaf uit Israel verskyn; hy verbrysel die slape van Moab, en vernietig al die kinders van Set.

Numeri 25:6

Juis toe kom 'n Israelitiese man en bring 'n Midianitiese vrou na sy volksgenote – en dit voor die oë van Moses en die hele volksvergadering van die Israeliete, terwyl hulle by die ingang van die •Tent van Ontmoeting staan en huil.

Numeri 31:1

Die Here het met Moses gepraat en gesê:

Numeri 31:8

Hulle het selfs die konings van Midian doodgemaak. Onder die gesneuweldes was Ewi, Rekem, Sur, Gur en Reba, die vyf konings van Midian. Ook Bileam, seun van Beor, het hulle met die swaard doodgemaak.

Rigters 11:25

Is jy dan nou soveel beter as Balak, seun van Sippor, die koning van Moab? Het hy ooit met Israel getwis of ooit teen hulle geveg?

Rigters 6:1

Die Israeliete het gedoen wat verkeerd is in die oë van die Here, en Hy het hulle sewe jaar lank oorgegee in die hand van die Midianiete.