Numeri 21:8 - Die Bybel 2020-vertaling

⁸ Die Here het vir Moses gesê: “Maak vir jou 'n slang en sit dit op 'n paal, dan sal elkeen wat gepik is en daarna kyk, bly leef.”

Bybel vir almal

⁸ en die Here het vir hom gesê: “Jy moet 'n slang maak wat vlerke het en jy moet die slang vasmaak aan 'n vlagpaal. As 'n slang iemand gepik het, dan moet daardie persoon na die slang op die paal kyk, en dan sal die persoon nie sterf nie.”

Afrikaans 1933-1953

⁸ Daarop sê die Here aan Moses: Maak vir jou 'n giftige slang en sit dit op 'n paal; dan sal elkeen wat gebyt is en daarna kyk, lewe.

Afrikaans 1983

⁸ en die Here het vir Moses gesê: “Maak 'n beeld van 'n giftige slang en sit dit op 'n paal. Elkeen wat gepik is en daarna opkyk, sal lewe.”

Contemporary Afrikaans Bible 2023

⁸ Toe sê die HERE vir Moses: Maak vir jou 'n vurige slang en sit dit op 'n paal; en elkeen wat gebyt word, sal lewe as hy daarna kyk.

Die Boodskap

⁸ Hierop het die Here vir hom gesê: “Maak ’n afbeelding uit koper van so ’n giftige slang en sit dit bo-op ’n paal en laat die paal regop staan. As iemand deur ’n slang gepik word en opkyk na daardie koperslang, sal hy bly leef.”

Nuwe Lewende Vertaling

⁸ Die Here het vir Moses gesê: “Maak vir jou ’n afbeelding van ’n giftige slang en sit dit bo-op ’n paal. Elkeen wat gepik is en daarna kyk, sal bly leef.”

Numeri 21:8 Kruisverwysings

2 Konings 18:4

Hy is die een wat die offerhoogtes verwyder het, die gedenkstene stukkend gebreek en die asjera afgekap het. Hy het die koperslang wat Moses gemaak het, verbrysel, want tot in daardie tyd het die Israeliete daarvoor offers verbrand. Die mense het dit Negustan genoem.

Psalms 145:8

Genadig en barmhartig is die Here, geduldig en groot in troue liefde.

Jesaja 14:29

“Jy, ganse Filistea, moet jou nie verheug dat die stok wat jou geslaan het, gebreek is nie! Want uit die wortel van 'n slang sal 'n kobra voortkom; en dié lewer weer 'n vlieënde vurige slang.

Jesaja 30:6

'n Profesie oor die diere van die Negev. In 'n land van benoudheid en angs, met leeuwyfies en leeumannetjies, met adders en vlieënde vurige slange, vervoer hulle op die rûe van donkiehingste hulle rykdom, en op die boggels van kamele hulle skatte, na 'n volk wat van geen nut is nie.

Jesaja 45:22

“ Wend julle tot My, en word verlos, almal van die uithoeke van die aarde! Want Ek is God, en daar is geen ander nie.

Johannes 3:14

En net soos Moses die slang in die woestyn verhoog het, so moet die Seun van die Mens verhoog word,