Numeri 21:3 - Die Bybel 2020-vertaling

³ Die Here het na die versoek van Israel geluister en die Kanaäniete aan hulle oorgegee. Israel het hulle en hulle stede met die banvloek getref en die plek Gorma genoem.

Bybel vir almal

³ Die Here het gedoen wat die Israeliete gevra het, Hy het hulle laat wen teen die Kanaäniete. Die Israeliete het die Kanaäniete almal doodgemaak en hulle stede heeltemal verwoes. Hulle het daardie plek toe Gorma genoem.

Afrikaans 1933-1953

³ En die Here het gehoor na die stem van Israel en die Kanaäniete oorgegee. En hy het hulle en hul stede met die banvloek getref en die plek Horma genoem.

Afrikaans 1983

³ Die Here het die gebed verhoor en die Kanaäniete in Israel se mag oorgegee. Hulle het toe die Kanaäniete verslaan en hulle stede heeltemal verwoes. Daarom word die plek Gorma genoem.

Contemporary Afrikaans Bible 2023

³ En die HERE het na die stem van Israel geluister en die Kanaäniete oorgegee; en hulle het hulle en hulle stede met die banvloek getref, en hy het die plek Horma genoem.

Die Boodskap

³ Die Here het hulle gebed verhoor en hulle gehelp om die Kanaäniete te verslaan. Soos hulle belowe het, het hulle al die stede heeltemal verwoes en almal doodgemaak wat daarin gebly het. Hulle het toe die plek Gorma, “plek van verwoesting”, genoem.

Nuwe Lewende Vertaling

³ Die Here het Israel se gebed verhoor. Hulle het die stede met die grond gelyk gemaak en die plek Gorma genoem.

Numeri 21:3 Kruisverwysings

Psalms 10:17

U het gehoor wat die verdruktes graag wil hê, Here. U versterk hulle harte, U oor luister aandagtig

Psalms 102:17

wanneer die Here Sion herbou en Hy in sy majesteit verskyn.

Psalms 116:1

Ek het die Here lief, want Hy luister na my stem, my smeekgebed;

Psalms 91:15

Hy sal My aanroep, en Ek sal hom antwoord. Ek sal by hom wees in nood; Ek sal hom red en aan hom eer gee.

Numeri 14:45

Die Amalekiete en Kanaäniete wat op daardie bergland woon, het afgekom. Hulle het die volk verslaan en hulle uitmekaar laat spat tot by Gorma.

Deuteronomium 1:44

Die Amoriete wat in daardie bergland woon, het uitgetrek om teen julle te veg. Hulle het julle gejaag soos 'n swerm bye 'n mens jaag en julle uitmekaar laat spat van Seïr af tot by Gorma.

Deuteronomium 20:16

Uit die stede van hierdie volke wat die Here jou God vir jou as erfdeel gaan gee, mag jy egter niemand wat asemhaal, laat leef nie;

Josua 12:14

die koning van Gorma, een; die koning van Arad, een;

Josua 15:30

Eltolad, Kesil, Gorma,

Rigters 1:17

Juda het saam met sy broer Simeon gegaan, en hulle het die Kanaäniete verslaan wat in Sefat woon. Hulle het die dorp met die banvloek getref. Die dorp is toe Gorma genoem.

1 Samuel 30:30

en aan dié wat in Gorma, in Bor-Asan en in Atag is,