Numeri 11:1 - Die Bybel 2020-vertaling

¹ Die volk het erg begin kla in die ore van die Here. Toe die Here dit hoor, het sy toorn ontbrand. Die vuur van die Here het teen hulle ontbrand, en dit het die rand van die kamp verteer.

Bybel vir almal

¹ Eendag het die Israeliete gekla dat dit sleg gaan met hulle, en die Here het gehoor dat hulle kla. Hy het kwaad geword en Hy het vuur tussen hulle laat brand. Die buitenste deel van die kamp het verbrand.

Afrikaans 1933-1953

¹ EN die volk het hulle voor die ore van die Here beklaag dat dit sleg gaan. En toe die Here dit hoor, het sy toorn ontvlam, en die vuur van die Here het onder hulle gebrand en het gewoed aan die kant van die laer.

Afrikaans 1983

¹ Dit het sleg gegaan met die volk, en hulle het die Here daaroor verwyt. Toe die Here dit hoor, het Hy kwaad geword en vuur onder hulle in gestuur. Dit het 'n deel van die kamp verbrand.

Contemporary Afrikaans Bible 2023

¹ En as die volk gekla het, was dit verkeerd in die oë van die HERE, en die HERE het dit gehoor; en sy toorn het ontvlam; en die vuur van die HERE het onder hulle gebrand en die wat in die uithoeke van die laer was, verteer.

Die Boodskap

¹ Dit was nie lank nie of die volk het by die Here oor alles begin kla. Toe Hy dit hoor, was Hy baie kwaad. In sy woede het Hy ’n deel van die kamp aan die brand laat slaan en dit tot op die grond laat afbrand.

Nuwe Lewende Vertaling

¹ Die volk het by die Here begin kla oor hulle swaarkry. Toe Hy dit hoor, het die Here kwaad geword. Vuur wat van die Here af kom, het onder hulle uitgebreek. Dit het tot op die kant van die kamp gebrand.

Numeri 11:1 Kruisverwysings

Genesis 38:10

Wat hy gedoen het, was verkeerd in die oë van die Here, en Hy het ook hom laat sterf.

2 Samuel 11:27

Nadat die routyd verby was, het Dawid haar laat haal en in sy paleis ontvang. Sy het sy vrou geword en vir hom 'n seun in die wêreld gebring. Maar dit wat Dawid gedoen het, was verkeerd in die oë van die Here.

2 Konings 1:12

Elia het geantwoord en vir hulle gesê: “As ek 'n man van God is, mag daar vuur uit die hemel afkom en jou en jou vyftig man verteer!” Daar kom toe vuur van God uit die hemel af en verteer hom en sy vyftig man.

Job 1:16

Terwyl dié een nog besig is om te praat, kom 'n ander een daar aan en sê: “Die vuur van God het uit die hemel geval en die kleinvee en werkers verbrand en verteer. Net ek alleen het vrygekom om dit aan u te kom vertel.”

Psalms 106:18

'n Vuur het onder hulle bende uitgebreek, vlamme het die goddeloses verskroei.

Psalms 78:21

Daarom, toe die Here dit hoor, het Hy woedend geword, en 'n vuur het uitgebreek teen Jakob. Ook het sy toorn opgevlam teen Israel,

Psalms 78:63

Hulle jong manne is deur vuur verteer, en hulle jongmeisies is nie met liedere geprys nie.

Eksodus 16:7

en môreoggend sal julle die heerlikheid van die Here beleef, omdat Hy julle gemor teen die Here gehoor het. Wie is ons, dat julle teen ons mor? ”

Eksodus 16:9

Moses sê toe vir Aäron: “Sê vir die hele volksvergadering van die Israeliete, ‘Kom nader voor die Here, want Hy het julle gemor gehoor.’ ”

Jesaja 10:17

Die Lig van Israel sal 'n vuur word, en sy Heilige 'n vlam. Die vlam sal brand en hulle onkruid en doringstruike op een dag verteer.

Jesaja 30:33

Ja, 'n brandstapel is lankal reeds gepak; dit is ook vir die koning gereedgemaak – diep en wyd – 'n stapel, met vuur en hout in oorvloed; die asem van die Here brand soos 'n stroom swawel daarin.

Jesaja 33:14

In Sion sidder sondaars van angs; bewing pak hulle beet, hulle wat vervreemd is van God: “Wie van ons kan by 'n verterende vuur vertoef? Wie van ons kan by 'n ewig brandende vuurherd vertoef?”

Klaagliedere 3:39

Wat kla 'n mens terwyl hy nog leef, 'n jong man oor die straf op sy sonde?

Esegiël 20:36

Soos Ek julle voorouers in die woestyn van Egipteland voor die gereg gedaag het, so sal Ek julle voor die gereg daag,” is die uitspraak van my Heer, die Here.

Levitikus 10:2

Vuur het van voor die Here uitgegaan en hulle verteer, sodat hulle daar voor die Here gesterf het.

Nahum 1:5

Die berge bewe voor Hom, die heuwels stort ineen. Die aarde lê verwoes voor Hom, ja, die wêreld met al sy bewoners.

Habakuk 3:5

Voor Hom loop pessiektes, op sy spore volg plae.

Numeri 10:33

Hulle het drie dagreise ver van die berg van die Here af getrek met die verbondsark van die Here wat gedurende die drie dagreise voor hulle uit getrek het om vir hulle 'n rusplek te soek.

Numeri 11:18

“ Vir die volk moet jy sê, ‘Heilig julleself teen môre, dan sal julle vleis eet. Want julle het in die ore van die Here gekerm en gesê, “As iemand ons maar net vleis sal gee om te eet! Dit was immers vir ons goed in Egipte.” Die Here sal vir julle vleis gee, en julle sal eet.

Numeri 12:2

Hulle het gesê: “Is dit dan net deur Moses wat die Here gepraat het? Het Hy nie deur ons ook gepraat nie?” Die Here het dit gehoor.

Numeri 14:2

Al die Israeliete het by Moses en Aäron gemor en die hele volksvergadering het vir hulle gesê: “Het ons maar in Egipteland gesterf; of het ons maar in hierdie woestyn gesterf!

Numeri 14:22

niemand van al die manne wat my heerlikheid en my tekens gesien het wat Ek in Egipte en in die woestyn gedoen het, en My nou al tien keer uitgedaag het, en na my stem nie geluister het nie,

Numeri 14:27

“ Hoe lank nog moet Ek hierdie bose volksvergadering verduur wat aanhoudend by My mor? Die gemor waarmee die Israeliete aanhoudend by My aankom, het Ek gehoor.

Numeri 14:28

Sê vir hulle, ‘So seker as wat Ek leef,’ is die uitspraak van die Here, ‘waarlik, wat Ek julle hoor sê het, net so sal Ek met julle maak.

Numeri 16:11

Daarom, jy en jou hele bende is mense wat teen die Here saamspan. Maar Aäron, wie is hy dat julle oor hom mor?”

Numeri 16:35

'n Vuur het van die Here af uitgegaan en die tweehonderd-en-vyftig man verteer wat die reukwerk nadergebring het.

Numeri 17:5

En die man wat ek kies, sy staf sal bot. Ek wil ontslae raak van die gekerm van die Israeliete, wat voortdurend teen julle mor.”

Numeri 21:5

Die volk het teen God en teen Moses uitgevaar: “Waarom het julle ons uit Egipte laat optrek om in die woestyn te sterf? Want daar is geen brood of water nie, en ons walg van die ellendige kos.”

1 Korinthiërs 10:10

En moenie mor, soos sommige van hulle gemor het nie – hulle is deur die vernietiger uitgedelg.

Deuteronomium 25:18

dat hulle jou op die pad oorval het, en almal wat agter jou uitgesak het, neergevel het; en dit terwyl jy moeg en uitgeput was. Hulle het God nie gevrees nie.

Deuteronomium 32:22

Want 'n vuur is aangesteek in my toorn, en dit brand tot in die •doderyk daar onder. Dit verteer die aarde en sy opbrengs, dit laat die fondamente van die berge in vlamme opgaan.

Deuteronomium 9:22

Ook by Tabera en Massa en Kibrot-Taäwa het julle die Here vertoornd gemaak.

Hebreërs 12:29

Want ons God is inderdaad 'n verterende vuur.

Jakobus 5:4

Kyk, die loon wat julle weerhou het van die arbeiders wat julle lande geoes het, roep dit uit, en die geroep van diegene wat oes, het die ore van die Here, Heerser oor alle magte, bereik.

Judas 1:16

Hierdie mense, dit is hulle wat mor, foutvind, en hulle drange uitleef; hulle is grootmond, en vlei mense vir eie gewin.