Numeri 1:16 - Die Bybel 2020-vertaling

¹⁶ Hierdie manne is deur die volksvergadering na vore geroep as leiers van die stamme van hulle voorvaders; hulle is die stamhoofde van Israel.

Bybel vir almal

¹⁶ “Ek het hierdie stamhoofde uit die volksvergadering gekies. Hulle is die hoofde van die groepe in die leër van Israel.”

Afrikaans 1933-1953

¹⁶ Dit was hulle wat uit die vergadering opgeroep was, die owerstes van hulle voorvaderlike stamme, die stamhoofde van Israel.

Afrikaans 1983

¹⁶ Hulle was die manne wat uit die vergadering aangewys is, leiers van die stamme van hulle voorvaders en stamhoofde van Israel.

Contemporary Afrikaans Bible 2023

¹⁶ Dit was die bekendes van die vergadering, vorste van die stamme van hulle vaders, hoofde van duisende in Israel.

Die Boodskap

¹⁶ Hierdie stamhoofde, wat almal leiers in hulle eie families is, is die mense wat toe deur die volksvergadering aangewys is.

Numeri 1:16 Kruisverwysings

Eksodus 18:21

Maar wees jy op die uitkyk na bekwame manne onder die hele volk, betroubare manne wat ontsag het vir God, wat 'n weersin het in oneerlike wins. Stel hulle oor die volk aan as •aanvoerders oor duisend, oor honderd, oor vyftig en oor tien.

Eksodus 18:25

Moses het onder die hele Israel bekwame manne uitgesoek, en hulle as hoofde oor die volk aangestel, as aanvoerders oor duisend, oor honderd, oor vyftig en oor tien.

Miga 5:2

Dit is waarom die Here hulle sal oorgee tot die tyd aanbreek vir 'n swanger vrou om geboorte te skenk. Dan sal die res van sy volksgenote terugkeer saam met die Israeliete.

Numeri 1:15

Agira, seun van Enan, vir Naftali.”

Numeri 1:17

Moses en Aäron het hierdie manne wat by die naam aangewys is, geneem

Numeri 1:4

Saam met julle moet daar iemand wees, 'n man uit elke stam, iemand wat die hoof is van sy familie.

Numeri 10:4

Maar as daar net op een geblaas word, moet die leiers, die stamhoofde van Israel, by jou bymekaarkom.

Numeri 11:17

Ek sal afkom en daar met jou praat. Ek sal 'n deel van die Gees wat op jou rus, wegneem en op hulle plaas. Hulle sal dan saam met jou die las van die volk dra sodat jy dit nie alleen hoef te dra nie.

Numeri 16:2

Hulle en tweehonderd-en-vyftig mans van die Israeliete, leiers van die volksvergadering wat vir die geleentheid opgeroep is, manne van aansien, het voor Moses gaan staan.

Numeri 26:9

en die seuns van Eliab was Nemuel, Datan en Abiram. Dit is dieselfde Datan en Abiram wat na die volksvergadering opgeroep is, en wat hulle teen Moses en Aäron verset het as deel van die bende van Korag toe dié hulle teen die Here verset het.

Numeri 30:1

Moses het met die stamhoofde van die Israeliete gepraat en gesê: “Dit is wat die Here beveel het:

Numeri 7:2

het die leiers van Israel, die hoofde van hulle families – dit is die leiers van die stamme, hulle wat met die inskrywing bystand verleen het – offergawes aangebied.

Deuteronomium 1:15

Ek het toe julle stamhoofde geneem, verstandige manne met ervaring, en hulle as hoofde oor julle aangestel: •aanvoerders oor duisend, oor honderd, oor vyftig en oor tien, as opsieners oor julle stamme.

Rigters 6:15

Maar hy het Hom geantwoord: “Asseblief, my Heer! Hoe kan ek Israel verlos? Kyk, my familiegroep is die onbenulligste in Manasse, en ek is die jongste in my familie.”

1 Samuel 22:7

Saul sê toe vir sy amptenare wat by hom staan: “Luister, Benjaminiete! Gaan die seun van Isai ook vir julle almal landerye en wingerde gee, julle almal aanstel as aanvoerders van duisend en aanvoerders van honderd?

1 Samuel 23:23

Gaan kyk, en maak seker van al die plekke waar hy wegkruip, en kom dan terug na my toe met betroubare inligting. Ek sal dan met julle saamgaan, en as hy wel in die landstreek is, sal ek hom opspoor tussen al die familiegroepe van Juda.”