Nehemia 9:32 - Die Bybel 2020-vertaling

³² “ Daarom, ons God, groot, magtige en ontsagwekkende God, U wat bly by die verbond en u troue liefde, laat dit tog nie gering wees voor U nie, al die swaarkry wat ons ervaar het – ons konings en leiers, ons priesters en profete, ons voorouers en u hele volk – vanaf die dae van die konings van Assirië tot vandag toe.

Bybel vir almal

³² “En nou, ons God, almal is bang vir U, U wat die groot en sterk God is. U hou aan om te doen wat U in u verbond belowe het. U moet kyk hoe swaar ons gekry het. Ons konings, ons amptenare, ons priesters, ons profete, ons voorvaders, u hele volk het swaargekry, van die tyd van die konings van Assirië af tot vandag toe.

Afrikaans 1933-1953

³² Onse God, groot, magtige en gedugte God, wat die verbond en die goedertierenheid hou, laat dan nou al die moeilikheid nie gering wees voor u aangesig nie wat ons, ons konings, ons owerstes en ons priesters en ons profete en ons vaders en u hele volk oorgekom het van die dae van die konings van Assur af tot vandag toe.

Afrikaans 1983

³² En nou, ons God, grote God, magtig en ontsagwekkend, U wat die verbond en die troue liefde in stand hou, moet tog nie al dié ellende gering ag nie, die ellende wat ons, ons konings, ons amptenare, ons priesters, ons profete, ons voorvaders, u hele volk, getref het van die tyd van die Assiriese konings af tot vandag toe.

Contemporary Afrikaans Bible 2023

³² Nou dan, onse God, die grote, die magtige en die vreeslike God, wat verbond en barmhartigheid hou, laat al die moeilikheid nie gering wees voor U wat oor ons gekom het, oor ons konings, oor ons vorste en oor ons priesters en oor ons profete en oor ons vaders en oor u hele volk, van die tyd van die konings van Assirië af tot vandag toe.

Die Boodskap

³² Ons God, hoe groot is U! U is ongelooflik sterk; almal het groot respek vir U. Omdat U vir ons omgee, hou U elke belofte van die ooreenkoms wat U gemaak het. Moet tog nie by ons verbykyk in ons ellende nie. Van die tyd van die Assiriese konings af tot vandag toe het ons almal, ons konings, ons leiers, ons priesters, ons profete, ons voorouers, ja, die hele volk, al baie swaargekry.

Nehemia 9:32 Kruisverwysings

1 Konings 8:23

en gesê: “Here, God van Israel, daar is geen god soos U in die hemel daar bo of op die aarde hier onder nie; U wat die verbond en troue liefde in stand hou vir u diensknegte wat met hulle hele hart voor U leef;

2 Konings 15:19

Pul, die koning van Assirië, het die land binnegeval. Menahem het aan Pul duisend kikkar silwer gegee, sodat hy hom sou ondersteun om sy beheer oor die koningskap te versterk.

2 Konings 15:29

In die tyd van Peka, die koning van Israel, het Tiglat-Pileser, die koning van Assirië, gekom en Ijon, Abel-Bet-Maäga, Janoag, Kedes, Gasor, Gilead en Galilea, die hele gebied van Naftali, verower, en die inwoners weggevoer na Assirië.

2 Konings 17:23

totdat die Here Israel uit sy teenwoordigheid verwyder het, soos wat Hy by monde van al sy diensknegte, die profete, gespreek het. Israel is van sy grond af weggevoer na Assirië; dit is vandag nog so.

2 Konings 17:3

Dit is hy teen wie Salmaneser, die koning van Assirië, opgetrek het. Hosea het sy onderdaan geword en was aan hom skatpligtig.

2 Konings 17:6

In die negende regeringsjaar van Hosea het die koning van Assirië Samaria ingeneem en Israel weggevoer na Assirië. Hy het hulle in Galag en aan die Gabor, 'n rivier in Gosan, en ook in dorpe van Medië, laat woon.

2 Konings 23:29

In sy tyd het farao Nego, koning van Egipte, teen die koning van Assirië opgetrek na die Eufraatrivier. Koning Josia het hom tegemoetgetrek, maar Nego het hom by Megiddo doodgemaak toe hy hom teëkom.

2 Konings 25:7

Die seuns van Sedekia het hulle voor sy oë tereggestel. Sedekia se oë het hy verblind; hy het hom met bronsboeie geboei en na Babel geneem.

Esra 4:10

en van die ander volke wat die groot en beroemde Asnappar weggevoer en in die stad Samaria laat woon het, en van die res van die mense van Wes-Eufraat.

Esra 4:2

het hulle Serubbabel en die familiehoofde genader met die versoek: “Laat ons julle help bou, want soos julle, streef ons ook die wil van julle God na. Ons bring al aan Hom offers sedert Esarhaddon, koning van Assirië, ons hierheen gebring het.”

Esra 9:13

“ U, ons God, het ons sondeskuld minder geag as wat dit werklik is en van ons, soos ons hier is, laat vry word. Sal ons dan nou werklik, ná alles wat oor ons gekom het deur ons bose dade en ons groot skuld,

Nehemia 1:5

Ek het gesê: “Ag, Here, God van die hemel, groot en ontsagwekkende God, wat die verbond en trou handhaaf vir hulle wat Hom liefhet en sy gebooie nakom,

Psalms 47:2

Al julle volke, klap hande! Juig tot eer van God met jubelkrete!

Psalms 66:3

Sê vir God: “Hoe ontsagwekkend is u dade! Vanweë die grootheid van u krag, veins u vyande onderdanigheid aan U.

Psalms 66:5

Kom kyk na God se werke – ontsagwekkend is sy dade onder die mense.

Eksodus 18:8

Moses het sy skoonvader alles vertel wat die Here aan die farao en aan die Egiptenare gedoen het ter wille van Israel, en van al die moeilikhede wat hulle op pad ondervind het, en hoe die Here hulle uitgered het.

Jesaja 9:6

Vir die uitbreiding van heerskappy en vir vrede sonder einde, sal hy op die troon van Dawid en oor sy koninkryk wees, om dit te vestig en te ondersteun deur reg en geregtigheid, van nou af en vir altyd. Die ywer van die Here, Heerser oor alle magte, sal dit doen.

Daniël 9:4

Ek het gebid tot die Here, my God; ek het bely en gesê: “Ag, my Heer, U is die groot en ontsagwekkende God wat die verbond en verbondstrou in stand hou vir hulle wat Hom liefhet en sy gebooie nakom.

Daniël 9:6

En ons het nie geluister na u diensknegte die profete nie, hulle wat in u Naam gepraat het met ons konings, ons •hoë amptenare, ons voorouers en met die hele volk van die land.

Daniël 9:8

Here, by ons is daar gesigte vol skaamte – by ons konings, ons hoë amptenare en ons voorouers, omdat ons teen U gesondig het;

Levitikus 26:18

“ ‘ En as julle daarna nog nie na My luister nie, sal Ek voortgaan om julle sewe keer te straf vir julle sondes.

Levitikus 26:21

“ ‘En as julle My steeds teengaan en nie bereid is om na My te luister nie, sal Ek oor julle die slae sewe keer vermeerder ooreenkomstig julle sondes.

Levitikus 26:24

sal Ek julle ook teengaan; ja, Ek sal julle sewe keer tref oor julle sondes.

Levitikus 26:28

sal Ek julle met woede teengaan; ja, Ek sal julle dan sewe keer straf oor julle sondes.

Deuteronomium 7:12

As beloning daarvoor dat julle hierdie wette gehoorsaam, dit nakom en dit uitvoer, sal die Here jou God vir jou die verbond en troue liefde in stand hou wat Hy aan jou voorvaders met 'n eed bevestig het.

Deuteronomium 7:13

Hy sal jou liefhê, jou seën en jou laat vermeerder. Hy sal die vrug van jou liggaam, die vrug van jou grond – jou koring, •nuwe wyn en olie – die aanteel van jou beeste en die aanwas van jou kleinvee seën op die grond wat Hy jou voorvaders met 'n eed beloof het om aan jou te gee.

Deuteronomium 7:21

Moenie paniekerig raak oor hulle nie, want die Here jou God is in jou midde, 'n groot en ontsagwekkende God.

Deuteronomium 7:9

Jy moet weet dat die Here jou God inderdaad God is, die betroubare God wat die verbond en troue liefde in stand hou vir duisende geslagte lank, vir hulle wat Hom liefhet en sy gebooie nakom;