Nehemia 9:23 - Die Bybel 2020-vertaling

²³ Hulle kinders het U so talryk gemaak soos die sterre aan die hemelruim. U het hulle gebring na die land wat U aan hulle voorouers beloof het om daar in te gaan, om dit in besit te neem.

Bybel vir almal

²³ U het vir hulle so baie kinders gegee soos die sterre in die lug. U het vir hulle voorvaders gesê hulle kinders sal die land vir hulle kom vat,

Afrikaans 1933-1953

²³ En U het hulle kinders vermenigvuldig soos die sterre aan die hemel en hulle in die land ingebring waarvan U aan hulle vaders gesê het dat hulle sou ingaan om dit in besit te neem.

Afrikaans 1983

²³ U het hulle nageslag so baie laat word soos die sterre aan die hemel. U het hulle gebring na die land waarvan U aan hulle voorvaders gesê het dat hulle dit in besit sal kom neem.

Contemporary Afrikaans Bible 2023

²³ Ook het U hulle kinders vermeerder soos die sterre van die hemel en hulle ingebring in die land waaroor U aan hulle vaders beloof het dat hulle sou ingaan om dit in besit te neem.

Die Boodskap

²³ U het hulle net soveel kinders gegee as wat daar sterre aan die hemel is. U het die land wat U aan hulle ouers belowe het, vir hulle gegee om in te bly.

Nuwe Lewende Vertaling

²³ U het hulle kinders so baie gemaak soos die sterre in die hemel. U het hulle gebring in die land wat U gesê het hulle voorouers moet in besit neem.

Nehemia 9:23 Kruisverwysings

Genesis 12:7

Die Here verskyn toe aan Abram en sê: “Aan jou nageslag gee Ek hierdie land.” Hy het toe daar 'n altaar gebou vir die Here wat aan hom verskyn het.

Genesis 15:18

Op daardie dag het die Here met Abram 'n verbond gesluit: “Aan jou nageslag gee Ek hierdie land, van die rivier van Egipte af tot by die groot rivier, die Eufraatrivier –

Genesis 15:5

Toe neem Hy Abram na buite en sê: “Kyk maar op na die hemel en tel die sterre – as jy in staat is om hulle te tel!” En Hy sê vir hom: “So sal jou nageslag wees.”

Genesis 17:8

Ek gee aan jou en jou nageslag ná jou die land van jou vreemdelingskap, die hele land Kanaän, as eiendom vir altyd, en Ek sal vir hulle 'n God wees.”

Genesis 22:17

sal Ek jou ryklik seën, en jou nageslag so geweldig vermeerder soos die sterre aan die hemelruim en soos die sand wat langs die seestrand is. Jou nageslag sal die stadspoorte van hulle vyande in besit neem.

Genesis 26:3

Woon as •vreemdeling in hierdie land, en Ek sal met jou wees en jou seën; want aan jou en jou nageslag gee Ek al hierdie lande, en Ek sal die eed wat Ek vir jou vader Abraham afgelê het, gestand doen.

1 Kronieke 27:23

Dawid het die getal van dié wat twintig jaar en jonger was nie in 'n lys opgeneem nie, want die Here het gesê dat Hy Israel so baie soos die sterre in die hemelruim sou maak.

Eksodus 1:12

Maar hoe meer hulle die Israeliete onderdruk het, hoe meer het die Israeliete vermeerder en hoe meer het hulle versprei. Die Egiptenare het vreesbevange geraak vir die Israeliete

Eksodus 1:7

Maar die Israeliete was vrugbaar en het vermenigvuldig; hulle het vermeerder en besonder talryk begin word. Die land was vol van hulle.

Deuteronomium 28:62

“In plaas daarvan dat julle so baie soos die sterre aan die hemelruim is, sal daar min van julle oorbly, omdat jy nie na die stem van die Here jou God geluister het nie.