Nehemia 9:1 - Die Bybel 2020-vertaling

¹ Op die vier-en-twintigste dag van hierdie maand het die Israeliete byeengekom, terwyl hulle vas in rouklere, en met grond op hulle koppe.

Bybel vir almal

¹ Die Israeliete het op die 24ste dag van die sewende maand bymekaargekom. Hulle het gevas en rouklere aangetrek en grond op hulle koppe gegooi.

Afrikaans 1933-1953

¹ EN op die vier-en-twintigste dag van hierdie maand het die kinders van Israel vergader en gevas in rouklere en met grond op hulle hoof.

Afrikaans 1983

¹ Op die vier en twintigste dag van dié maand het die Israeliete vir 'n vasdag bymekaargekom. Hulle het rouklere aangehad en daar was grond op hulle koppe.

Contemporary Afrikaans Bible 2023

¹ En op die vier en twintigste dag van hierdie maand het die kinders van Israel vergader met vas en met rouklere en grond daarop.

Die Boodskap

¹ Op die 24ste dag van dieselfde maand het die Israeliete vir ’n vasdag bymekaargekom. Om hulle hartseer oor hulle sonde te wys het hulle sakke in plaas van klere aangetrek en stof op hulle koppe gegooi om te wys dat hulle sondaars is.

Nuwe Lewende Vertaling

¹ Op 31 Oktober het die Israeliete vir ’n vasdag bymekaargekom. Hulle het klere van sakmateriaal aangetrek en stof op hulle koppe gegooi.

Nehemia 9:1 Kruisverwysings

2 Samuel 1:2

Op die derde dag kom daar onverwags 'n man van Saul af, van die leër af. Sy klere was geskeur en daar was grond op sy kop. Toe hy by Dawid aankom, het hy op die grond neergeval en diep neergebuig.

2 Kronieke 20:3

Josafat was bang, en hy was vasbeslote om die Here te raadpleeg. Hy het 'n vasdag uitgeroep oor die hele Juda.

2 Kronieke 7:10

Op die drie-en-twintigste dag van die sewende maand het hy die volk na hulle woonplekke teruggestuur. Hulle was verheug en met opgeruimde harte oor die goeie dinge wat die Here aan Dawid en Salomo en sy volk Israel gedoen het.

Esra 8:21

By die Ahawarivier het ek toe 'n vastyd uitgeroep. Die bedoeling was dat ons onsself voor ons God sou verootmoedig om van Hom 'n voorspoedige reis te vra vir onsself, ons afhanklikes en al ons besittings,

Esra 8:23

Ons het toe gevas en hieroor ons God se hulp gevra en Hy het ons gebede verhoor.

Nehemia 8:2

Die hele volk het toe soos een man byeengekom op die plein voor die Waterpoort en Esra, die skrifgeleerde, gevra om die •boekrol te bring met die Wet van Moses wat die Here Israel beveel het.

Ester 4:16

“Gaan versamel al die Jode wat hulle in Susan bevind, en vas ter wille van my. Moet drie dae lank, dag en nag, niks eet of drink nie; ook ek en my diensmeisies sal so vas. Daarna sal ek na die koning gaan, al is dit teen die wet. As ek so moet omkom, kom ek so om.”

Ester 4:3

In al die provinsies en streke waar die besluit en die wet van die koning bekend geword het, was daar groot droefheid onder die Jode. Hulle het gevas en gehuil en gerou, en baie het in sak en as gaan lê.

Job 2:12

Toe hulle van ver af opkyk en hom nie eens herken nie, het hulle hardop gehuil. Hulle het elkeen sy mantel geskeur, en hulle het stof in die lug op gegooi, oor hulle koppe.

Jesaja 22:12

My Heer, die Here, Heerser oor alle magte, het op daardie dag 'n oproep gedoen tot 'n gehuil, tot roubeklag, tot die kaal skeer van koppe en die aangord van rouklere.

Joël 2:12

“Maar selfs nou, keer terug na My met julle hele hart, vas en huil en rou,” is die uitspraak van die Here.

Levitikus 23:34

“Sê vir die Israeliete, ‘Op die vyftiende dag van hierdie sewende maand is dit die Huttefees – sewe dae lank tot eer van die Here.

Levitikus 23:39

“ ‘Onthou net, op die vyftiende dag van die sewende maand, wanneer julle die opbrengs van die land insamel, moet julle die fees van die Here sewe dae lank vier. Die eerste dag van die fees is 'n buitengewone Sabbat en die agtste dag is 'n buitengewone Sabbat.

Josua 7:6

Josua het sy klere geskeur en tot die aand toe met sy gesig teen die grond neergebuig voor die ark van die Here – hy en die oudstes van Israel. Hulle het stof op hulle koppe gestrooi.

Openbaring 11:3

En Ek sal my twee getuies opdrag gee om, in sak geklee, twaalfhonderd-en-sestig dae lank te gaan profeteer.

Rigters 20:26

Al die Israeliete, ja, al die manskappe, het opgetrek en by Bet-El aangekom. Hulle het getreur en daar voor die Here gebly. Daardie dag het hulle tot die aand toe gevas en •brandoffers en •maaltydoffers voor die Here gebring.

1 Samuel 4:12

'n Man van Benjamin het van die gevegslinies af gehardloop en dieselfde dag nog in Silo aangekom met geskeurde klere en grond op sy kop.

1 Samuel 7:6

Hulle het by Mispa byeengekom, water geskep en dit voor die Here uitgegiet. Hulle het daardie dag gevas en daar bely: “Ons het teen die Here gesondig.” Samuel het die Israeliete by Mispa gerig.