Nehemia 6:2 - Die Bybel 2020-vertaling

² het Sanballat en Gesem vir my laat weet: “Kom, laat ons byeenkom by Kefirim in die Onovallei. ” Hulle was egter van plan om my kwaad aan te doen.

Bybel vir almal

² Toe het Sanballat en Gesem vir my 'n boodskap gestuur en gesê ons moet mekaar ontmoet in die stad Kefirim in die Ono-vallei. Hulle wou iets sleg doen aan my.

Afrikaans 1933-1953

² laat Sanbállat en Gesem my weet: Kom laat ons bymekaarkom in een van die dorpe, in die laagte van Ono; maar hulle het gemeen om my kwaad aan te doen.

Afrikaans 1983

² Sanballat en Gesem laat my toe weet: “Kan ons mekaar in Kefirim, in die Onolaagte, ontmoet?” Hulle plan was om my by te kom.

Contemporary Afrikaans Bible 2023

² Dat Sanballat en Gesem na my gestuur het om te sê: Kom, laat ons bymekaarkom in een van die dorpies in die Onovlakte. Maar hulle het gedink om my kwaad aan te doen.

Die Boodskap

² Toe het Sanballat en Gesem vir my ’n boodskap gestuur waarin hulle my gevra het om hulle in Kefirim in die Onolaagte te ontmoet. Maar ek het besef hulle beplan om my kwaad aan te doen.

Nuwe Lewende Vertaling

² Toe stuur Sanballat en Gesem vir my ’n boodskap met die versoek dat ek hulle in een van die dorpies in die Onolaagte moes ontmoet. Ek het besef dat hulle beplan het om my kwaad aan te doen.

Nehemia 6:2 Kruisverwysings

2 Samuel 20:9

Joab het vir Amasa gesê: “Gaan dit goed met jou, my broer?” En toe gryp Joab met die regterhand Amasa se baard om hom te soengroet.

2 Samuel 3:27

Toe Abner na Hebron terugkeer, het Joab hom eenkant toe geneem in die stadspoort om vertroulik met hom te praat. Daar het hy hom in die maag gesteek. Hy het gesterf oor die bloed van Asael, Joab se broer.

1 Kronieke 8:12

Elpaäl se seuns was Eber, Misam en Semed – hy is die een wat Ono en Lod, met sy omliggende dorpies, gebou het.

Nehemia 11:35

Lod en Ono by Ghe-Hagarasjim.

Nehemia 3:22

Daar langsaan het die priesters, manne uit die onmiddellike omgewing, herstelwerk gedoen.

Nehemia 6:3

Ek het toe boodskappers na hulle gestuur en gesê: “Dit is 'n groot werk waarmee ek besig is; ek kan nie na julle afkom nie. Waarom moet die werk stilstaan omdat ek dit moet los en na julle afkom?”

Psalms 12:2

Verlos tog, Here! Want daar is nie meer getroue volgelinge nie; die betroubares onder die mense het verdwyn.

Psalms 37:12

'n Goddelose beplan onheil teen die regverdige en kners op sy tande vir hom.

Psalms 37:32

'n Goddelose hou die regverdige dop, en is daarop uit om hom dood te maak.

Prediker 4:4

Ek het gesien dat al die inspanning en al die kundigheid waarmee gewerk word, naywer is van die een teenoor die ander. Ook dit is sinloos en 'n gejaag na wind.

Jeremia 41:2

het Ismael, seun van Netanja, en die tien manne wat by hom was, opgestaan en Gedalja, seun van Agikam, seun van Safan, met die swaard neergevel en hom doodgemaak – hy wat deur die koning van Babilonië in die land aangestel is.

Esegiël 33:31

Dan kom hulle in skares by jou aan, en my volk gaan sit voor jou en hulle luister na jou woorde, maar hulle voer dit nie uit nie. Ja, met hulle monde doen hulle hartstogtelik mee, maar hulle harte is net agter hulle onregmatige wins aan.