Nehemia 5:9 - Die Bybel 2020-vertaling

⁹ Verder het ek gesê: “Wat julle doen, is nie goed nie. Moet julle nie met ontsag vir ons God optree om die gespot van die nasies, ons vyande, te vermy nie?

Bybel vir almal

⁹ Toe sê ek: “Dit is nie 'n goeie ding wat julle doen nie. Julle moet só lewe en julle moet die Here só dien dat ons vyande, die heidene, niks sleg van julle kan sê nie.

Afrikaans 1933-1953

⁹ Verder het ek gesê: Dit is nie goed wat julle doen nie. Moet julle nie in die vrees van onse God wandel ter wille van die smaad van die heidene, ons vyande, nie?

Afrikaans 1983

⁹ Toe sê ek verder: “Dit is nie 'n goeie ding wat julle besig is om te doen nie. Julle moet tog eerbied vir ons God hê in julle optrede en nie ons vyande, die heidene, minagting vir ons laat kry nie!

Contemporary Afrikaans Bible 2023

⁹ Ek het ook gesê: Dit is nie goed dat julle dit doen nie; moet julle nie in die vrees van onse God wandel vanweë die smaad van die heidene, ons vyande nie?

Die Boodskap

⁹ “Dit is ’n onding wat julle doen!” het ek vir hulle gesê. “Julle is veronderstel om met groot respek teenoor julle God op te tree. Dan sal ons vyande, daardie mense wat nie die Here ken nie, geen rede hê om neer te sien op ons nie.

Nuwe Lewende Vertaling

⁹ Ek het voortgegaan en gesê: “Wat julle doen, is nie reg nie! Behoort julle leefwyse nie te wys dat julle ons God respekteer nie? Die vyandige volke sou dan mos nie rede gehad het om julle te minag nie.

Nehemia 5:9 Kruisverwysings

Genesis 20:11

Abraham het geantwoord: “Dit is omdat ek gedink het daar is beslis geen ontsag vir God op hierdie plek nie, en dat hulle my sal doodmaak oor my vrou.

Genesis 42:18

Op die derde dag het Josef vir hulle gesê: “As julle dit doen, sal julle leef. Vir God het ek ook ontsag.

2 Samuel 12:14

maar omdat jy deur hierdie gebeure heeltemal oneerbiedig opgetree het teenoor die Here, sal die kind wat vir jou gebore is, sonder twyfel sterf.”

Nehemia 4:4

Hoor tog, ons God, want ons het veragtelik geword. Keer hulle gespot om op hulle eie koppe, en gee hulle as buit oor in 'n land van gevangenskap.

Nehemia 5:10

Ook ek, my broers en my werkers het aan volksgenote geld en koring geleen. Laat ons maar hierdie woekerrente kwytskeld.

Nehemia 5:15

Maar die eerste streekgoewerneurs wat voor my daar was, het swaar laste op die volk gelê. Hulle het brood en wyn van hulle geneem, en daarna ook nog veertig sikkel silwer. Selfs hulle werkers het oor die volk geheers. Maar ek, ek het uit ontsag vir God nie so opgetree nie.

Psalms 90:11

Wie ken die krag van u toorn? U gramskap is net so groot soos die ontsag vir U.

Spreuke 16:29

'n Man van geweld verlei sy medemens, en laat hom 'n pad loop wat nie goed is nie.

Spreuke 17:26

Om 'n regverdige 'n boete op te lê, is alreeds nie goed nie; om vooraanstaandes te slaan, druis in teen wat reg is.

Spreuke 18:5

Om vir 'n dwaas partydig te wees, is nie goed nie; dit is om 'n regverdige in die reg te dwarsboom.

Spreuke 19:2

Sonder kennis is selfs ywer nie goed nie, en wie oorhaastig met sy voete is, trap mis.

Spreuke 24:23

Ook hierdie spreuke is van die wyses: Om partydig te wees in regspraak is nie goed nie.

Esegiël 36:20

Toe hulle aankom by die nasies waarheen hulle gegaan het, het hulle my heilige Naam ontheilig, deurdat daar van hulle gesê is, ‘Dit is die Here se volk hierdie, maar uit sy land moes hulle padgee.’

Levitikus 25:36

Moenie van hom rente eis of uit hom wins maak nie; jy moet vir jou God ontsag hê en jou familielid moet by jou leef.

Handelinge 9:31

Die •kerk dwarsdeur die hele Judea, Galilea en Samaria het vrede beleef en is opgebou. Hulle het met ontsag voor die Here geleef, en met die bemoediging van die Heilige Gees, het hulle getalle toegeneem.

Romeine 2:24

Want “die Naam van God word deur julle toedoen onder die heidene belaster”, soos daar geskryf staan.

1 Timoteus 5:14

Daarom verwag ek van jonger weduwees dat hulle moet trou, kinders kry, huishoudings bestuur en die teenstander geen geleentheid gee om kwaad te praat nie.

Titus 2:5

verstandig, kuis, toegewy aan hulle huishoudings, goedaardig, onderdanig aan hulle mans, sodat die woord van God nie belaster word nie.

1 Petrus 2:12

Gedra julle goed onder die heidene, sodat hulle, wanneer hulle julle beswadder, asof julle misdadigers is, God op die dag van besoeking kan verheerlik, omdat hulle julle goeie dade gesien het.

1 Samuel 2:24

Nee, my seuns! Want die gerug wat ek hoor besig is om onder die volk van die Here te versprei, is nie goed nie.