Nehemia 5:7 - Die Bybel 2020-vertaling

⁷ Ek het in my hart daaroor nagedink, en toe die hoëlui en gesagsdraers verwyt en vir hulle gesê: “Elkeen van julle leen sowaar teen woekerrente aan sy volksgenoot. ” Ek het toe 'n groot byeenkoms teen hulle saamgeroep

Bybel vir almal

⁷ Ek het daaroor gedink, en toe het ek die belangrike mense en die leiers beskuldig en vir hulle gesê: “Julle wil hê julle broers moet meer en meer geld vir julle skuld.” Ek het die mense bymekaargeroep, en ons het 'n groot volksvergadering gehou om hulle te beskuldig.

Afrikaans 1933-1953

⁷ En ek het by myself beraadslaag en met die edeles en die leiers getwis en aan hulle gesê: Julle leen uit op woeker, elkeen aan sy broer! En ek het 'n groot vergadering teen hulle belê

Afrikaans 1983

⁷ Na ek dit oorweeg het, het ek die skuld op die vooraanstaande burgers en die ampsdraers gelê en vir hulle gesê: “Julle is besig om julle volksgenote uit te buit!” Ek het bowendien 'n groot volksvergadering belê om hulle aan die man te bring

Contemporary Afrikaans Bible 2023

⁷ Toe het ek met myself geraadpleeg en die edeles en die owerstes bestraf en vir hulle gesê: Julle eis woeker, elkeen van sy broer. En ek het 'n groot vergadering teen hulle opgerig.

Die Boodskap

⁷ Nadat ek lank nagedink het, het ek besluit om met die ryk mense en die leiers te raas. “Julle buit julle mense uit!” het ek vir hulle gesê. Toe het ek ’n openbare volksvergadering belê om oor die probleem te praat

Nuwe Lewende Vertaling

⁷ Nadat ek dit goed oordink het, het ek die leiers en amptenare aangespreek en vir hulle gesê: “Julle buit julle eie mense uit deur geld teen rente aan hulle te leen!” Ek het toe ’n groot openbare vergadering oor die probleem belê.

Nehemia 5:7 Kruisverwysings

Psalms 109:11

Mag die skuldeiser beslag lê op alles wat aan hom behoort, en mag vreemdes die vrug van sy arbeid plunder.

Psalms 15:1

'n Psalm. Van Dawid. Here, wie mag 'n gas wees in u tent? Wie mag tuisgaan op u •heilige berg?

Psalms 15:5

Hy leen nie sy geld teen rente uit nie, en aanvaar nie 'n omkoopgeskenk ten koste van die onskuldiges nie. Hy wat hierdie dinge doen, sal nooit struikel nie.

Psalms 27:8

My hart eggo u woorde: “Julle moet my teenwoordigheid opsoek!” U teenwoordigheid, Here, soek ek op.

Psalms 4:4

Julle moet weet dat die Here sy getroue volgelinge uitsonderlik behandel. Die Here hoor wanneer ek na Hom roep.

Psalms 94:16

Wie sal vir my opstaan teen kwaaddoeners? Wie sal vir my in die bres tree teen hulle wat onreg pleeg?

Eksodus 22:24

My toorn sal ontbrand en Ek sal julle met die swaard ombring. Dan sal julle vroue weduwees word en julle kinders vaderloos.

Eksodus 22:25

As jy aan my volk, aan die magteloses by jou, geld leen, mag jy nie teenoor hulle soos 'n skuldeiser optree nie: Julle mag nie van hulle rente eis nie.

Spreuke 27:5

'n Openlike teregwysing is beter as liefde in die geheim.

Spreuke 28:4

Dié wat die wet verontagsaam, prys goddeloses, maar dié wat die wet nakom, staan hulle teë.

Esegiël 22:12

In jou word omkoopgeld aanvaar, sodat bloed vergiet word. Rente en woekerrente neem jy, jy berokken jou naaste skade deur uitbuiting, en My vergeet jy.” Dit is die uitspraak van my Heer, die Here.’

Esegiël 45:9

“ ‘So sê my Heer, die Here: “Dit is nou genoeg, leiers van Israel! Die geweld en onderdrukking, staak dit! Doen wat reg en billik is! Hou op met julle verdrywing van my volk!” Dit is die uitspraak van my Heer, die Here.’ ”

Levitikus 19:15

“ ‘ Julle mag nie onreg pleeg in die regspraak nie. Jy mag nie partydig wees vir armes of voorkeur gee aan belangrikes nie. Oordeel jou volksgenoot regverdig.

Levitikus 25:36

Moenie van hom rente eis of uit hom wins maak nie; jy moet vir jou God ontsag hê en jou familielid moet by jou leef.

Matteus 18:17

As hy weier om na hulle te luister, sê dit vir die •gemeente. En as hy ook weier om na die gemeente te luister, laat hy vir jou wees soos die heiden en die •tollenaar.

2 Korinthiërs 5:16

Gevolglik ken ons van nou af niemand meer na sy uiterlike nie. Selfs al het ons Christus eens na die uiterlike leer ken, ken ons Hom nou nie meer so nie.

Galasiërs 2:11

Toe Sefas in Antiogië aangekom het, het ek hom egter openlik teengegaan, omdat hy veroordeeld gestaan het;

1 Timoteus 5:20

Berispe in almal se teenwoordigheid diegene wat aanhou sondig, sodat die ander ook afgeskrik kan word.

Titus 2:15

Praat oor hierdie sake met volle gesag, bemoedig en wys tereg. Moenie dat iemand op jou neersien nie.