Nehemia 3:5 - Die Bybel 2020-vertaling

⁵ Langs hulle het mense van Tekoa herstelwerk gedoen, maar die vernames onder hulle het nie hulle nekke onder die juk van hulle Heer se werk gesit nie.

Bybel vir almal

⁵ Die Tekoa-mense het die volgende stuk van die muur reggemaak, maar hulle belangrike mense wou nie hard werk vir hulle Here nie.

Afrikaans 1933-1953

⁵ En naas hulle het die Tekoïete herstel; maar hulle vername manne het hulle nek nie gebuig onder die diens van hulle Here nie.

Afrikaans 1983

⁵ Die volgende stuk is herstel deur die mense van Tekoa, maar hulle vooraanstaande mense was nie gewillig om swaar werk te doen vir hulle Here nie.

Contemporary Afrikaans Bible 2023

⁵ En naas hulle het die Tekoïete herstel; maar hulle edeles het hulle nekke nie aan die werk van hulle HERE gelê nie.

Die Boodskap

⁵ Die mense van Tekoa het die volgende gedeelte opgebou, maar die vooraanstaande mense onder hulle was nie bereid om sulke handewerk vir die Here te doen nie.

Nuwe Lewende Vertaling

⁵ Langs hulle het die mense van Tekoa gewerk, maar hulle leiers het geweier om vir hulle Here te werk.

Nehemia 3:5 Kruisverwysings

2 Samuel 14:2

Joab stuur toe iemand na Tekoa en laat kom daarvandaan 'n slim vrou. Hy het vir haar gesê: “Maak tog asof jy rou; trek rouklere aan en moet jou nie met olie invryf nie. Gedra jou soos 'n vrou wat nou al baie lank treur oor 'n dooie.

2 Kronieke 11:6

Hy het Betlehem, Etam en Tekoa uitgebou,

Nehemia 3:27

Daar langsaan het die mense van Tekoa 'n tweede afgemete deel herstel, regoor die groot toring wat uittroon en verder tot by die muur van die Ofel.

Nehemia 3:4

Langs hulle het Meremot, seun van Urija, seun van Kos, herstelwerk gedoen. Langs hulle het Mesullam, seun van Beregja, seun van Mesesabel, herstelwerk gedoen. Langs hulle het Sadok, seun van Baäna, herstelwerk gedoen.

Nehemia 3:6

Die Jesanapoort het Jojada, seun van Paseag, en Mesullam, seun van Basodja, herstel. Hulle het die balke gelê en die poortdeure, sokgrendels en sluitbalke ingesit.

Jeremia 27:12

Vir Sedekia, koning van Juda, het ek toe al hierdie woorde gesê: “Steek julle nekke onder die juk van die koning van Babilonië in, en dien hom en sy volk, sodat julle kan leef!

Jeremia 27:2

“So het die Here vir my gesê: Maak vir jou stroppe en skeie, en sit dit om jou nek;

Jeremia 27:8

Maar die nasie of koninkryk wat nie aan hom, Nebukadnesar, die koning van Babilonië, onderhorig wil wees nie en sy nek nie onder die juk van die koning van Babilonië, insteek nie – met die swaard, hongersnood en pessiekte sal Ek van daardie nasie rekenskap eis, is die uitspraak van die Here, totdat Ek hulle volledig in sy hand oorgegee het.

Jeremia 6:1

“ Soek skuiling, mense van Benjamin, weg van Jerusalem af; blaas selfs in Tekoa 'n •ramshoring! Stuur 'n rooksein op bokant Bet-Hakkêrêm! Want onheil doem op uit die noorde – 'n groot ineenstorting dreig.

Amos 1:1

Die woorde van Amos, een van die herders uit Tekoa – woorde wat aan hom geopenbaar is oor Israel. Dit was twee jaar voor die aardbewing, in die tyd van Ussia, die koning van Juda, en Jerobeam, seun van Joas, die koning van Israel.

Matteus 11:29

Neem my juk op julle, en leer van My, omdat Ek sagmoedig en nederig van hart is, en julle sal rus vind vir julle gemoed.

Handelinge 15:10

Waarom wil julle God dan nou toets deur 'n juk, wat nie ons of ons voorvaders kon dra nie, op die dissipels se nekke te plaas?

1 Korinthiërs 1:26

Broers, slaan ag op julle roeping: Menslik gesproke, is daar onder julle nie baie wyses, nie baie invloedrykes, of mense van adellike afkoms nie.

Rigters 5:23

‘Vervloek Meros, ’ sê die •engel van die Here, ‘vervloek sy inwoners volkome; want hulle het nie gekom ter ondersteuning van die Here nie, ter ondersteuning van die Here teen die helde nie.’