Nehemia 3:16 - Die Bybel 2020-vertaling

¹⁶ Daar langsaan het Nehemia, seun van Asbuk, bevelvoerder van die helfte van die Bet-Sur-distrik, herstelwerk gedoen tot regoor die grafte van Dawid, en ook verder tot by die geboude dam en die Huis van die Helde.

Bybel vir almal

¹⁶ Nehemia seun van Asbuk het die stuk muur reggemaak tot oorkant die Dawid-grafte en tot by die dam wat die mense gebou het. Dit was by die kamers waar die spesiale manne van die koning gewoon het. Nehemia was die amptenaar wat regeer het oor die helfte van Bet-Sur, een van die dele van Jerusalem.

Afrikaans 1933-1953

¹⁶ Ná hom het Nehemía, die seun van Asbuk, owerste van die halwe distrik Bet-Sur, tot teenoor die Dawidsgrafte herstel en tot by die kunstig aangelegde dam en tot by die huis van die helde.

Afrikaans 1983

¹⁶ Nehemia, seun van Asbuk en gesagvoerder oor die halwe stadswyk Bet-Sur, het die volgende stuk herstel, tot regoor die Dawidsgrafte en tot by die gemesselde dam en die kwartiere van die lyfwag.

Contemporary Afrikaans Bible 2023

¹⁶ Ná hom het Nehemia, die seun van Asbuk, die owerste van die halwe deel van Bet-Sur, herstel tot by die plek teenoor die grafte van Dawid en tot by die dam wat daar gemaak is, en tot by die huis van die helde.

Die Boodskap

¹⁶ Nehemia seun van Asbuk en hoof oor die gebied Bet-Sur, het van daar af die muur tot regoor die Dawidsgrafte herstel, tot so ver as die stad se wateropgaardam en die soldate se woonkwartiere.

Nuwe Lewende Vertaling

¹⁶ Langs hom het Nehemia seun van Asbuk gewerk. Hy was die hoof van die helfte van die Bet-Surdistrik. Hy het aan die muur gewerk tot oorkant die koningsbegraafplaas en tot by die opgaardam en die soldate-kwartiere.

Nehemia 3:16 Kruisverwysings

2 Konings 20:20

Die verdere geskiedenis van Hiskia, al sy magtige dade, dat hy die dam en die tonnel gemaak, en die water na die stad gebring het, is dit nie opgeteken in die boekrol met die kronieke van die konings van Juda nie?

1 Kronieke 2:45

Sammai se seun was Maon, en Maon was die stigter van Bet-Sur.

2 Kronieke 11:7

ook Bet-Sur, Sogo en Adullam,

2 Kronieke 16:14

Hulle het hom begrawe in sy graf wat hy vir hom uitgekap het in die •Stad van Dawid. Hulle het hom neergelê op 'n baar, vol allerhande speserye, gemeng met die kundigheid van 'n salfmenger. Hulle het vir hom 'n besonder groot dodevuur laat brand.

Nehemia 2:14

Toe het ek oorgegaan na die Fonteinpoort, na die koning se dam, maar daar was nie 'n plek waar my rydier kon deurgaan nie.

Nehemia 3:12

Langs hulle het Sallum, seun van Halloges, die bevelvoerder van die ander helfte van die Jerusalem-distrik, herstelwerk gedoen, hy en sy dogters.

Nehemia 3:14

Die Ashooppoort is deur Malkija, seun van Regab, bevelvoerder van die Bet-Hakkêrêm-distrik, herstel. Hy het dit self herbou en die deure, sokgrendels en sluitbalke ingesit.

Nehemia 3:17

Daar langsaan het die Leviete onder Regum, seun van Bani, herstelwerk gedoen. Langs hom het Gasabja, die bevelvoerder van die helfte van die Keïla-distrik herstelwerk namens sy distrik gedoen.

Nehemia 3:9

Langs hulle het Refaja, seun van Gur, die bevelvoerder van die helfte van die Jerusalem-distrik, herstelwerk gedoen.

Prediker 2:6

Ek het vir my damme gemaak om 'n bos jong bome daaruit nat te lei.

Hooglied 3:7

Kyk, dit is Salomo se drastoel, omring deur sestig dapper manne, van die dapperstes in Israel,

Jesaja 22:11

'n Opgaardam maak julle tussen die twee stadsmure vir die water van die ou dam. Maar julle kyk nie met vertroue na Hom wat die stad gemaak het nie; en Hom wat haar gevorm het in die verre verlede, sien julle nie raak nie.

Jesaja 22:9

Die bresse in die mure by die Stad van Dawid sien julle raak – dat dit baie is. Julle gaar die water van die onderste dam op;

Jesaja 7:3

Die Here het vir Jesaja gesê: “Gaan tog uit om Agas te ontmoet, jy en Sjear-Jasjoeb, jou seun, by die einde van die watervoor na die boonste dam wat aan die pad na die Bleikveld geleë is.

Handelinge 2:29

“Broers, wat die stamvader Dawid betref, kan ek vir julle met sekerheid sê dat hy gesterf het en begrawe is, en sy graf is tot vandag toe by ons.

Josua 15:58

Galgul, Bet-Sur, Gedor,