Nehemia 3:1 - Die Bybel 2020-vertaling

¹ Eljasib, die hoëpriester en sy ampsgenote, die priesters, het gereedgemaak en die Skaappoort herbou. Hulle het dit self geheilig en die poortdeure ingesit. Tot by die Toring van die Honderd het hulle dit geheilig, ook tot by die Toring van Gananel.

Bybel vir almal

¹ Die hoëpriester Eljasib en die ander priesters het begin om die muur te bou. Hulle het die Skaap-poort gebou. Hulle het dit gewy en hulle het die deure ingesit. Toe het hulle die muur gebou tot by die Toring-van-die-Honderd. Hulle het dit gewy, en toe het hulle verder gebou tot by die Gananel-toring.

Afrikaans 1933-1953

¹ EN Éljasib, die hoëpriester, het hom klaargemaak met sy broers, die priesters, en hulle het die Skaapspoort gebou; hulle het dit geheilig en sy deure ingesit; verder tot by die toring Hamméa wat hulle geheilig het, tot by die toring Hanáneël.

Afrikaans 1983

¹ Die hoëpriester Eljasib en sy ampsgenote die priesters het begin en die Skaappoort gebou. Hulle het die poort gewy en sy deure ingesit. Daarna het hulle gebou tot by die Toring-van-die-Honderd, dit gewy en toe verder gebou tot by die Gananeltoring.

Contemporary Afrikaans Bible 2023

¹ Toe het Eljasib, die hoëpriester, opgestaan met sy broers, die priesters, en hulle het die Skaapspoort gebou; hulle het dit geheilig en die deure daarvan opgesit; tot by die toring van Mea het hulle dit geheilig, tot by die toring van Hananeel.

Die Boodskap

¹ Die hoëpriester Eljasib en die ander priesters het die bouwerk begin. Hulle het by die Skaaphek begin. Toe hulle die deure klaar gehang het, het hulle dit aan die Here opgedra. Daarna het hulle die gedeeltes tot by die Toring van die Honderd en die Gananeltoring voltooi en dit ook aan die Here opgedra.

Nuwe Lewende Vertaling

¹ Die hoëpriester Eljasib en van die ander priesters het by die Skaappoort met die bouwerk begin. Nadat hulle die deure gehang het, het hulle dit aan die Here toegewy. Hulle het ook die gedeeltes van die muur tot by die Toring van die Honderd en die Gananeltoring toegewy.

Nehemia 3:1 Kruisverwysings

Nehemia 12:10

Jesua het Jojakim verwek, Jojakim het Eljasib verwek, en Eljasib vir Jojada.

Nehemia 12:30

Toe die priesters en Leviete hulleself gereinig het, het hulle ook die volk, die stadspoorte en die muur gereinig.

Nehemia 12:39

oor die Efraimspoort, die Jesanapoort, die Vispoort en verby die Toring van Gananel en die Toring van die Honderd, tot by die Skaappoort. By die Poort van die Paleiswag het hulle tot stilstand gekom.

Nehemia 13:28

Een van die seuns van Jojada, seun van Eljasib, die hoëpriester, was 'n skoonseun van Sanballat uit Goron. Ek het hom van my af weggejaag.

Nehemia 13:4

Voor hierdie gebeure het Eljasib, die priester, wat oor die vertrekke van die huis van ons God aangestel is, 'n nabye familielid van Tobija,

Nehemia 3:20

Daar langsaan het Barug, seun van Sabbai, 'n tweede afgemete deel ywerig herstel, vanaf die hoek tot by die ingang na die huis van Eljasib, die hoëpriester.

Nehemia 3:21

Daar langsaan het Meremot, seun van Urija, seun van Kos, 'n tweede afgemete deel herstel, van die ingang na die huis van Eljasib tot by die einde van die huis van Eljasib.

Nehemia 3:32

Tussen die bovertrek van die draai en die Skaappoort het die goudsmede en handelaars herstelwerk gedoen.

Nehemia 6:1

Toe die nuus Sanballat, Tobija, Gesem die Arabier, en die res van ons vyande bereik dat ek die muur herbou het en dat daar nie meer 'n bres daarin was nie, alhoewel ek tot op daardie stadium nog nie die deure in die poorte ingesit het nie,

Nehemia 7:1

Toe die stadsmuur herbou was, het ek die poortdeure ingesit, en die poortwagte, die sangers en die Leviete is aangestel.

Psalms 30:1

'n Psalm. 'n Lied vir die inwyding van die huis. Van Dawid.

Psalms 48:12

Die berg Sion is verheug, die dogters van Juda juig oor u beslissings.

Spreuke 3:6

Ken Hom in al jou weë, en Hy sal jou paaie reguit maak.

Spreuke 3:9

Eer die Here met jou rykdom, met die beste deel van jou volle oes;

Jeremia 31:38

“Kyk, daar kom dae,” is die uitspraak van die Here, “wanneer die stad vir die Here herbou sal word, van die Gananeltoring af tot by die Hoekpoort.

Daniël 9:25

“ Jy moet weet en verstaan: Vandat 'n woord uitgegaan het om Jerusalem te herstel en op te bou, tot met die koms van 'n gesalfde, 'n leier, sal sewe weke verloop. Twee-en-sestig weke lank sal die stad weer opgebou word, met pleine en gragte, maar dit sal tye van verdrukking wees.

Sagaria 14:10

Die hele land sal verander word soos die Araba vanaf Geba tot by Rimmon suid van Jerusalem. Jerusalem sal egter uittroon; sy sal gevestig wees op haar plek: van die Benjaminpoort tot by die plek van die vroeëre poort en tot by die Hoekpoort, en van die Gananeltoring tot by die koning se kuipe.

Johannes 5:2

By die Skaappoort in Jerusalem is daar 'n bad, in Hebreeus Betsata genoem, met vyf pilaargange.

Deuteronomium 20:5

“Dan moet die opsieners die manskappe toespreek, ‘Wie het 'n nuwe huis gebou en dit nog nie in gebruik geneem nie? Hy mag teruggaan na sy huis, anders sneuwel hy in die geveg en neem iemand anders dit in gebruik.