Nehemia 2:8 - Die Bybel 2020-vertaling

⁸ ook 'n brief aan Asaf, die opsigter by die koning se bos, dat hy hout vir my moet gee om as balke te gebruik vir die poorte van die vesting by die •tempel, vir die stadsmuur en vir die huis waarin ek sal tuisgaan.” Die koning het die briewe vir my gegee, omdat die goeie hand van my God oor my was.

Bybel vir almal

⁸ Ek het hout nodig vir die balke van die poorte en vir die gebou by die tempel wat sterk mure moet hê, en vir die huis waar ek sal moet woon. Jy moet ook vir my 'n brief gee om vir Asaf te gee sodat hy vir my hout kan gee. Asaf is die amptenaar wat die houtbosse van die koning oppas.” Die koning het vir my die briewe gegee, want my God was goed vir my en Hy het sy hand oor my gehou.

Afrikaans 1933-1953

⁸ en 'n brief aan Asaf, opsigter van die park van die koning, dat hy aan my hout lewer om die poorte van die vesting wat by die tempel behoort, met balke uit te lê, en vir die muur van die stad en vir die huis waar ek sal intrek. En die koning het my dit toegestaan volgens die goeie hand van my God oor my.

Afrikaans 1983

⁸ Ek het ook 'n brief aan Asaf nodig, die opsigter oor die staatsbos, dat hy my kan voorsien van hout om die poorte van die vesting by die tempel te maak, en vir die stadsmuur en vir die huis wat ek sal bewoon.” My God het sy goeie hand oor my gehou, en die koning het my versoek toegestaan.

Contemporary Afrikaans Bible 2023

⁸ En 'n brief aan Asaf, die bosbewaarder van die koning, dat hy my hout kan gee om balke te maak vir die poorte van die paleis wat aan die huis behoort het, en vir die muur van die stad en vir die huis waarin ek sal ingaan. En die koning het my gegee volgens die goeie hand van my God oor my.

Die Boodskap

⁸ Ek het ook ’n brief nodig aan Asaf, die voorman van die staatsbos. Hy moet my van hout voorsien om balke te maak vir die hekke van die fort wat naby die tempel is en ook vir die muur rondom die stad en vir die huis waarin ek gaan bly.” Die koning het toe al hierdie dinge vir my gedoen omdat God in sy goedheid sy hand oor my gehou het.

Nuwe Lewende Vertaling

⁸ Gee my ook asseblief ’n brief vir Asaf, die toesighouer van die staatsbos. Beveel hom om hout aan my te voorsien. Ek het dit nodig vir die balke van die deure van die vesting wat by die tempel is, vir die stadsmure en die huis waarin ek sal woon.” Die koning het hierdie versoeke toegestaan, want God was my goedgesind.

Nehemia 2:8 Kruisverwysings

Genesis 32:28

Toe sê hy: “Jy sal nie meer Jakob genoem word nie, maar Israel. Want jy het met God en mense stryd gevoer, en het oorwin.”

Esra 5:5

Maar hulle God het 'n oog gehou oor die oudstes van die Judeërs en daardie manne kon dit nie regkry dat hulle ophou bou voordat die verslag Darius bereik en hulle die beslissing hieroor ontvang het nie.

Esra 6:22

Hulle het die Fees van die ongesuurde Brood sewe dae lank met blydskap gevier, want die Here het hulle bly gemaak deurdat Hy die gesindheid van die koning van Assirië teenoor hulle verander het, sodat hy hulle hande gesterk het vir die werk aan die huis van God, die God van Israel.

Esra 6:8

Ek gee nou opdrag oor wat julle saam met hierdie oudstes van die Judeërs moet doen om daardie huis van God te bou: Uit die koninklike staatskas – in besonder uit die belasting van Wes-Eufraat – moet die uitgawes van daardie manne ten volle vergoed word, sodat die werk nie onderbreek word nie.

Esra 7:6

Hierdie Esra het opgetrek uit Babilonië. Hy was self 'n skrifgeleerde, kundig in die Wet van Moses wat die Here, die God van Israel, gegee het. Die koning het alles wat hy gevra het aan hom gegee, omdat die Here, sy God, se hand oor hom was.

Esra 7:9

Die reis uit Babilonië het begin op die eerste dag van die eerste maand en hy het op die eerste dag van die vyfde maand in Jerusalem aangekom, omdat die goeie hand van sy God oor hom was.

Nehemia 7:2

Ek het Ganani, my broer, saam met Gananja, die bevelvoerder van die vesting, oor Jerusalem aangestel. Hy was immers 'n betroubare man en het meer ontsag vir God gehad as die meeste mense.

Spreuke 21:1

Die koning se hart is waterstrome in die hand van die Here: Hy lei dit waarheen Hy wil.

Prediker 2:5

Ek het vir my tuine en parke aangelê, en allerhande soorte vrugtebome daarin geplant.

Prediker 2:6

Ek het vir my damme gemaak om 'n bos jong bome daaruit nat te lei.

Jesaja 66:14

As julle dit sien, sal julle harte bly wees; julle gebeente sal soos groen plante gedy.” Die mag van die Here sal bekend wees by sy diensknegte, en Hy sal sy vyande vervloek.

Daniël 1:9

God het gesorg dat daar by die toesighouer oor die paleisamptenare 'n goeie gesindheid en ontferming was teenoor Daniël.

Handelinge 26:22

Omdat ek God se bystand tot op hierdie dag ervaar het, staan ek voor klein en groot, en getuig oor niks anders as wat die Profete en Moses gesê het sal gebeur nie,

Handelinge 7:10

en het hom uit al sy beproewings gered, en aan hom guns en wysheid in die oë van die farao, die koning van Egipte, geskenk, en hy het hom as bestuurder oor Egipte en oor sy hele huishouding aangestel.

2 Korinthiërs 8:16

En aan God die dank, wat dieselfde ywer in julle belang in die hart van Titus gegee het.