Nehemia 2:18 - Die Bybel 2020-vertaling

¹⁸ Ek lig hulle toe in dat die hand van my God goed was oor my, en verder ook oor die woorde van die koning wat hy vir my gesê het. Hulle het gesê: “Ons sal gereedmaak en herbou.” So het hulle moed geskep vir die goeie werk.

Bybel vir almal

¹⁸ Ek het vir hulle vertel hoe my God my gehelp het en wat die koning vir my gesê het. En hulle het gesê: “Kom, ons moet die muur bou!” En hulle het dadelik gereedgemaak om die werk te doen.

Afrikaans 1933-1953

¹⁸ En ek vertel hulle van die hand van my God wat goed was oor my, en ook van die woorde van die koning wat hy my gesê het. En hulle sê: Ons sal ons klaarmaak en bou! En hulle het hulle hande sterk gemaak vir die goeie werk.

Afrikaans 1983

¹⁸ Ek het hulle toe vertel hoe my God sy goeie hand oor my gehou het en wat die koning vir my gesê het. Hulle het gesê: “Kom ons bou!” en hulle het die goeie werk aangepak.

Contemporary Afrikaans Bible 2023

¹⁸ Toe het ek hulle vertel van die hand van my God wat goed oor my was; soos ook die woorde van die koning wat hy met my gespreek het. En hulle sê: Laat ons opstaan en bou. Daarom het hulle hul hande versterk vir hierdie goeie werk.

Die Boodskap

¹⁸ Ek het hulle vertel dat hierdie sending God se goedkeuring wegdra en hoe Hy my gehelp het, en ook wat die koning gesê het. Hulle reaksie was: “Uitstekend! Kom ons begin dadelik bou!” Hulle het dadelik begin gereedmaak om die werk te doen.

Nuwe Lewende Vertaling

¹⁸ Toe het ek hulle begin vertel hoe goed God vir my voorsien het en van my gesprek met die koning. Hulle het dadelik reageer en gesê: “Dit is reg so. Kom ons bou die muur weer op!” Hulle het toe met die goeie werk begin.

Nehemia 2:18 Kruisverwysings

2 Samuel 2:7

Skep nou moed en wees onverskrokke, al is julle heer Saul dood. Net nog dit: Hulle, die huis van Juda, het my gesalf as koning oor hulle.”

1 Kronieke 11:10

Hier volg die hoofde van Dawid se helde wat hom tydens sy koningskap kragtig bygestaan het, deurdat hulle, saam met die hele Israel, hom koning gemaak het oor Israel ooreenkomstig die woord van die Here.

1 Kronieke 19:13

Wees dapper en laat ons ons inspan ter wille van ons mense en die dorpe van ons God. En die Here – wat goed is in sy oë, sal Hy doen.”

2 Kronieke 32:5

Hy het hom ingespan en die hele muur waarin 'n bres was, herbou en torings daarop aangebring, met 'n ekstra muur aan die buitekant. Hy het die terrasse in die Stad van Dawid herstel, en baie wapens gemaak, ook kleinskilde.

Esra 6:22

Hulle het die Fees van die ongesuurde Brood sewe dae lank met blydskap gevier, want die Here het hulle bly gemaak deurdat Hy die gesindheid van die koning van Assirië teenoor hulle verander het, sodat hy hulle hande gesterk het vir die werk aan die huis van God, die God van Israel.

Nehemia 2:8

ook 'n brief aan Asaf, die opsigter by die koning se bos, dat hy hout vir my moet gee om as balke te gebruik vir die poorte van die vesting by die •tempel, vir die stadsmuur en vir die huis waarin ek sal tuisgaan.” Die koning het die briewe vir my gegee, omdat die goeie hand van my God oor my was.

Efesiërs 6:10

Ten slotte: Vind jou sterkte in die Here en in sy geweldige krag.

Filippense 2:13

Want Hy wat die gewilligheid en die optrede in julle bewerk soos Hy dit goedvind, is God.

1 Samuel 23:16

het Jonatan, Saul se seun, gereedgemaak en na Dawid in Goresa gegaan. Hy het hom in die Naam van God bemoedig