Nehemia 2:10 - Die Bybel 2020-vertaling

¹⁰ Toe Sanballat uit Goron, en Tobija, die Ammonitiese amptenaar, dit hoor, het dit hulle baie sleg getref dat iemand gekom het om die Israeliete se welstand te bevorder.

Bybel vir almal

¹⁰ Sanballat die Goroniet en Tobija, die amptenaar by die Ammoniete, het daarvan gehoor. Hulle was kwaad en ontsteld, want hulle wou nie hê dat daar iemand moes kom wat iets goed vir die Israeliete wil doen nie.

Afrikaans 1933-1953

¹⁰ Maar toe Sanbállat, die Horoniet, en Tobía, die Ammonitiese kneg, hoor dat iemand gekom het om vir die kinders van Israel iets goeds te soek, was hulle daaroor erg ontstemd.

Afrikaans 1983

¹⁰ Toe Sanballat die Goroniet en Tobija die Ammonitiese amptenaar dit hoor, was dit vir hulle slegte nuus. Hulle het dit as 'n groot ramp beskou dat daar iemand gekom het wat iets goeds vir die Israeliete wou doen.

Contemporary Afrikaans Bible 2023

¹⁰ Toe Sanballat, die Horoniet, en Tobía, die dienaar, die Ammoniet, daarvan hoor, was dit hulle baie bedroef dat daar 'n man gekom het om die welsyn van die kinders van Israel te soek.

Die Boodskap

¹⁰ Toe Sanballat die Goroniet en Tobija die Ammonitiese amptenaar dit hoor, was hulle baie kwaad dat iemand op pad was om die Israeliete te gaan help.

Nuwe Lewende Vertaling

¹⁰ Maar toe Sanballat die Goroniet en Tobija die Ammonitiese amptenaar van my aankoms te hore kom, was hulle baie kwaad dat iemand van plan was om die Israeliete te help.

Nehemia 2:10 Kruisverwysings

Nehemia 13:1

In daardie tyd is daar ten aanhore van die volk voorgelees uit die •boekrol van Moses. Daar is toe ontdek dat daarin geskryf staan dat 'n Ammoniet of 'n Moabiet tot in ewigheid nie in die byeenkoms van God mag kom nie,

Nehemia 13:28

Een van die seuns van Jojada, seun van Eljasib, die hoëpriester, was 'n skoonseun van Sanballat uit Goron. Ek het hom van my af weggejaag.

Nehemia 13:4

Voor hierdie gebeure het Eljasib, die priester, wat oor die vertrekke van die huis van ons God aangestel is, 'n nabye familielid van Tobija,

Nehemia 2:19

Maar toe Sanballat uit Goron, Tobija, die Ammonitiese amptenaar, en Gesem, die Arabier, dit hoor, het hulle met ons die spot gedryf en ons veragtend aangespreek: “Wat is hierdie saak waarmee julle besig is? Wil julle in opstand kom teen die koning?”

Nehemia 4:7

Toe Sanballat, Tobija, die Arabiere, Ammoniete en mense van Asdod hoor dat die herstelwerk aan die mure om Jerusalem vorder, dat die bresse begin toegaan, het hulle baie kwaad geword.

Nehemia 6:1

Toe die nuus Sanballat, Tobija, Gesem die Arabier, en die res van ons vyande bereik dat ek die muur herbou het en dat daar nie meer 'n bres daarin was nie, alhoewel ek tot op daardie stadium nog nie die deure in die poorte ingesit het nie,

Nehemia 6:16

Toe al ons vyande dit hoor, het al die nasies rondom ons bang geword, en ons vyande het in hulle oë baie laag gedaal. Hulle het besef dat hierdie werk met God se bystand gedoen is.

Ester 10:3

Want Mordegai, die Jood, was tweede in bevel onder koning Ahasveros, hoog in aansien onder die Jode en gewild onder baie van sy volksgenote. Hy het hom beywer vir die welvaart van sy volk en ingetree vir die voorspoed van sy hele nageslag.

Psalms 112:10

Die goddelose sien dit en vererg hom; hy kners op sy tande, maar kwyn weg. Die begeerte van goddeloses gaan tot niet.

Spreuke 27:4

Woede is wreed en toorn oorweldigend, maar wie kan staande bly voor jaloesie?

Spreuke 30:22

onder 'n slaaf as hy koning word, 'n niksnuts as hy hom versadig eet aan brood,

Prediker 10:7

Ek het slawe op perde gesien, en •hoë amptenare wat op die grond loop soos slawe.

Jesaja 15:5

My hart roep dit uit oor Moab. Sy vlugtelinge is al by Soar, by Eglat-Selisija. Ja, die opdraande na Lugit – terwyl hulle huil, gaan hulle daarteen op; ja, op pad na Goronajim laat hulle noodroepe opklink oor die verwoesting.

Jeremia 41:10

Daarna het Ismael almal wat van die volk oorgebly het, wat in Mispa was, in gevangenskap weggevoer – die dogters van die koning en al die mense wat in Mispa oorgebly het, oor wie Nebusaradan, die •aanvoerder van die lyfwag, vir Gedalja, seun van Agikam, aangestel het. Ismael, seun van Netanja, het hulle weggevoer en vertrek om oor te trek na die Ammoniete.

Jeremia 48:34

Die hulpgeroep strek vanaf Gesbon tot by Elale; tot by Jahas laat hulle hulle stemme hoor, van Soar af tot by Goronajim en Eglat-Selisija. Ja, ook die waters by Nimrim word 'n afgryslike plek.

Jeremia 48:5

Ja, die opdraande na Lugit – met 'n gehuil, met 'n gehuil, gaan hulle daar op. Ja, teen die afdraande na Goronajim word angskrete oor die vernietiging gehoor.

Handelinge 4:2

hewig ontsteld omdat hulle die volk onderrig en in Jesus die opstanding uit die dood verkondig.

Handelinge 5:24

Toe die bevelvoerder van die tempelwag en die leierpriesters hierdie woorde hoor, was hulle daaroor verward, oor wat dit kon beteken.