Nehemia 13:14 - Die Bybel 2020-vertaling

¹⁴ Dink hieroor aan my, my God, en moet tog nie my troue liefdesdiens uitwis wat ek in die huis van my God, en vir die diensbeurte daarvan, gedoen het nie.

Bybel vir almal

¹⁴ Ek het gebid en gesê: “My God, U moet onthou wat ek gedoen het. Ek het gedoen wat ek moes doen vir die tempel van my God en vir die werk daar, U moenie dit vergeet nie.”

Afrikaans 1933-1953

¹⁴ Dink hierom aan my, my God, en delg tog my liefdediens nie uit wat ek aan die huis van my God en aan die instellinge daarvan bewys het nie.

Afrikaans 1983

¹⁴ Onthou tog wat ek gedoen het, my God! Moet tog nie dat my liefdesdade wat ek vir die huis van my God en vir sy diens gedoen het, vergeet raak nie.

Contemporary Afrikaans Bible 2023

¹⁴ Dink aan my, o my God, hieroor, en wis nie my goeie dade uit wat ek vir die huis van my God en vir die ampte daarvan gedoen het nie.

Die Boodskap

¹⁴ My God, onthou tog hierdie goeie daad. Moenie al die mooi dinge wat ek so getrou vir u woonplek gedoen het, vir ’n enkele oomblik vergeet nie.

Nehemia 13:14 Kruisverwysings

2 Konings 20:3

“Ag, Here, dink tog daaraan dat ek voor U geleef het in getrouheid en met 'n onverdeelde hart, dat ek gedoen het wat goed is in u oë. ” Hiskia het toe bitterlik gehuil.

1 Kronieke 29:3

Buitendien, uit toegeneentheid teenoor die huis van my God het ek dit wat ek persoonlik besit aan goud en silwer, vir die huis van my God gegee, bo en behalwe alles wat ek vir die •heilige •tempel gereedgekry het:

2 Kronieke 24:16

Hulle het hom begrawe in die Stad van Dawid, by die konings, omdat hy goed gedoen het in Israel, ook met betrekking tot God en sy •tempel.

Esra 7:20

Die res van wat benodig word vir die huis van jou God en wat jy dalk moet verskaf, kan jy betaal uit die staatskas van die koning.

Esra 7:24

Verder word julle ook in kennis gestel dat dit nie toelaatbaar is om van enige van die priesters en Leviete, sangers, poortwagte, tempeldienaars en ander dienaars in hierdie huis van God, belasting, heffings en tolgeld te vra nie.’

Esra 7:27

Lofwaardig is die Here, die God van ons voorouers! Dit is Hy wat dit op so 'n manier in die koning se hart gelê het om luister te verleen aan die huis van die Here wat in Jerusalem is,

Nehemia 13:22

Ek het toe vir die Leviete gesê dat hulle hulleself telkens moet reinig en die poorte moet kom bewaak, om sodoende die Sabbatdag heilig te hou. Ook hieroor, my God, moet U tog aan my dink en besorg oor my wees, ooreenkomstig u oorvloedige troue liefde.

Nehemia 13:31

en vir die lewering van hout op vasgestelde tye, en vir die lewering van die eerste vrugte. Dink aan my, my God, tot my voordeel.

Nehemia 5:19

Onthou, tot my voordeel, my God, alles wat ek vir hierdie volk gedoen het.

Jesaja 38:3

Hy het gesê: “Ag, Here, dink tog daaraan dat ek in getrouheid en met 'n onverdeelde hart voor U geleef het, dat ek gedoen het wat goed is in u oë!” Hiskia het toe bitterlik gehuil.

Hebreërs 6:10

God is immers nie onregverdig nie. Hy sal nie vergeet van julle arbeid, en van die liefde wat julle vir sy Naam betoon het, deurdat julle die •heiliges bedien het – en nog steeds bedien – nie.

Openbaring 3:5

“ ‘Wie oorwin, sal net so wit klere kry om aan te trek, en Ek sal sy naam nie uit die boekrol van die lewe skrap nie, maar voor my Vader en sy engele oor hom getuig.