Matteus 23:5 - Die Bybel 2020-vertaling

⁵ Al hulle dade is bedoel om deur die mense gesien te word. Hulle maak immers hulle gebedsrieme breër en die tossels langer.

Bybel vir almal

⁵ Hulle doen alles sodat die mense hulle moet sien. Hulle maak die gebedsdosies baie groot, en die tossels aan hulle klere baie lank.

Afrikaans 1933-1953

⁵ En hulle doen al hul werke om deur die mense gesien te word, en hulle maak hul gedenkseëls breed en die some van hul klere groot.

Afrikaans 1983

⁵ Alles wat hulle doen, doen hulle net om deur mense gesien te word. Hulle maak die gebedsband om hulle voorkop breed, en die tossels aan hulle klere groot.

Contemporary Afrikaans Bible 2023

⁵ Maar al hulle werke doen hulle om deur die mense gesien te word: hulle maak hul gedenktekens breed en vergroot die rande van hul klere,

Die Boodskap

⁵ Al wat vir hulle tel, is wat mense van hulle dink. Dit maak nie saak wat God van hulle dink nie, net solank die mense vir hulle hande klap. Hulle koop die grootste Bybels, bid die langste en sing die hardste in die kerk. Hulle probeer ook so vroom lyk dat ’n mens hulle dadelik tussen duisend ander mense sal uitken.

Nuwe Lewende Vertaling

⁵ “Alles wat hulle doen, is vir die uiterlike vertoon. Daarvoor dra hulle op hulle arms en voorkoppe ekstra groot gebedsdosies met Skrifverse daarin en hulle maak die tossels aan hulle klere opvallend groot.

Matteus 23:5 Kruisverwysings

2 Konings 10:16

en sê: “Gaan saam met my en aanskou my ywer vir die Here.” So het hulle hom op sy strydwa laat ry.

Eksodus 13:9

Dit sal vir jou dien as 'n teken op jou hand en as 'n herinneringsteken op jou voorkop, sodat die wet van die Here op jou lippe sal wees. Want met 'n sterk hand het die Here jou uit Egipte uitgelei.

Spreuke 3:3

Troue liefde en waarheid moet jou nooit verlaat nie. Bind dit om jou nek, skryf dit op die tafel van jou hart,

Levitikus 13:32

As die priester die aangetaste persoon op die sewende dag ondersoek en vind die uitslag het nie versprei nie, daar is nie geel hare op nie en die uitslag lê nie dieper as die vel nie,

Matteus 9:20

Daar het toe skielik 'n vrou wat al twaalf jaar lank aan bloedvloeiing gely het, van agter af nader gekom en die soom van sy bokleed aangeraak.

Lukas 16:15

Hy sê toe vir hulle: “Dit is julle wat julleself voor die mense regverdig voordoen, maar God ken julle harte. Want dit wat deur mense hoog aangeskryf word, is 'n gruwel voor God.

Lukas 20:47

Hulle verslind die huise van die weduwees, en vir die skyn bid hulle lang gebede. Hulle sal 'n swaarder oordeel ontvang.”

Johannes 12:43

Hulle het immers die eer van mense meer liefgehad as die eer van God.

Johannes 5:44

Hoe kan julle glo terwyl julle van mekaar eer wil ontvang, maar nie die eer soek wat van die enigste God kom nie?

Johannes 7:18

Hy wat uit sy eie praat, soek sy eie eer, maar Hy wat die eer soek van die Een wat Hom gestuur het – Hy is geloofwaardig en daar is geen onreg in Hom nie.

Deuteronomium 11:18

“ Koester hierdie woorde van my met hart en siel. Bind dit as 'n teken om julle hande en laat dit versierings op julle voorkoppe wees.

Deuteronomium 22:12

“Jy moet vir jou tossels maak aan die vier hoeke van die bedekking waarmee jy jou toemaak.”

Deuteronomium 6:8

Bind dit as 'n teken om jou hand en laat dit 'n versiering op jou voorkop wees.

Filippense 1:15

Sommige verkondig Christus wel uit jaloesie en twisgierigheid, ander egter uit goedgesindheid.

Filippense 2:3

deur nie iets uit selfsug of ydelheid te doen nie, maar in nederigheid die een die ander hoër te ag as homself;

2 Thessalonisense 2:4

die een wat teenstand bied, en hom verhef oor alles wat God of voorwerp van aanbidding genoem word, sodat hy selfs in die •tempel gaan sit en hom as God voordoen.