Matteus 23:21 - Die Bybel 2020-vertaling

²¹ Wie sweer by die heiligdom, sweer daarby en by Hom wat dit bewoon.

Bybel vir almal

²¹ En iemand wat iets belowe en sê die tempel is sy getuie, belowe dit en sê die tempel en God wat in die tempel woon, is sy getuie.

Afrikaans 1933-1953

²¹ en wie sweer by die tempel, sweer dáárby en by Hom wat daarin woon;

Afrikaans 1983

²¹ Wie by die tempel 'n eed aflê, lê 'n eed af by die tempel en by God wat daarin woon.

Contemporary Afrikaans Bible 2023

²¹ En elkeen wat sweer by die tempel, sweer daarby en by Hom wat daarin woon.

Die Boodskap

^21-22 Antwoord vir My net dié vraag: Hoe kan gekruiste vingers, ’n stuk papier of die buiteblad van die Bybel nou ’n belofte maak of breek? ’n Belofte is mos ’n belofte! God steur Hom nie aan al hierdie dinge soos vingers of papier nie; vir Hom is ’n belofte ’n belofte wat nie gebreek mag word nie. Dit maak nie saak hoe die belofte gemaak is nie.

Nuwe Lewende Vertaling

²¹ En wanneer jy by die tempel sweer, sweer jy tog nie net daarby nie, maar ook by Hom wat daarin woon.

Matteus 23:21 Kruisverwysings

1 Konings 8:13

Ek het inderdaad 'n vorstelike woning vir U gebou, die plek vir U om in te woon in alle ewigheid. ”

1 Konings 8:27

“ Maar kan God werklik op aarde woon? Kyk, die hemelruim en die hoogste hemele kan U nie omvat nie – hoeveel minder hierdie tempel wat ek gebou het?

2 Kronieke 6:2

maar ek, ja ek, het 'n vorstelike woning vir U gebou, 'n plek vir U om in te woon in alle ewigheid.”

2 Kronieke 7:2

Die priesters kon nie die huis van die Here binnegaan nie, want die heerlikheid van die Here het die huis van die Here gevul.

Psalms 26:8

Here, ek het die huis waar U woon, lief, u heerlike woonplek.

Matteus 23:20

Wie dan sweer by die altaar, sweer daarby en by alles daarop.

Efesiërs 2:22

In Hom word julle ook saam opgebou tot woonplek van God deur die Gees.

Kolossense 2:9

Want in Hom woon die hele volheid van die Godheid liggaamlik.