Lukas 7:47 - Die Bybel 2020-vertaling

⁴⁷ Daarom sê Ek vir jou, haar sondes – en dit was baie – is vergewe, omdat sy baie liefde betoon het. Maar die een vir wie min vergewe word, het min liefde.”

Bybel vir almal

⁴⁷ Daarom sê Ek vir jou, God het die baie sondes wat sy gedoen het, vergewe. Toe sy hierdie dinge aan My gedoen het, het sy gewys dat sy lief is vir My. Dit wys ook sy is baie dankbaar dat God haar baie sondes vergewe het. Jy dink jy het min sondes, maar God het dit vergewe. Jy wys ook hoe min dankbaar jy is en hoe min jy lief is vir Hom.”

Afrikaans 1933-1953

⁴⁷ Daarom sê Ek vir jou: Haar sondes wat baie is, is vergewe, want sy het baie liefgehad; maar hy vir wie weinig vergewe is, het weinig lief.

Afrikaans 1983

⁴⁷ Ek sê vir jou, omdat haar sondes wat baie is, vergewe is, daarom bewys sy baie liefde. Maar hy vir wie min vergewe is, bewys min liefde.”

Contemporary Afrikaans Bible 2023

⁴⁷ Daarom sê Ek vir jou: Haar sondes, wat baie is, is vergewe; want sy het baie liefgehad, maar vir wie min vergewe is, hy het min lief.

Die Boodskap

⁴⁷ “Ja, hierdie vrou het baie lelike dinge aangevang. Maar dis nou verby. Haar sondes is vergewe. God dink nie meer daaraan nie. Daarom doen sy al hierdie wonderlike dinge vir My. Jy het nie die vaagste idee wat dit vir ’n sondaar soos sy beteken om deur God vergewe te word nie. Daarom dien jy Hom so halfhartig.”

Lukas 7:47 Kruisverwysings

Jesaja 1:18

“Kom tog, laat ons die saak uitpraat!” sê die Here. “Al is julle sondes rooi soos karmosyn, dit sal wit word soos sneeu; al is dit rooi soos skarlaken, soos wol sal dit word.

Jesaja 55:7

Die goddelose moet van sy pad afsien, en die boosdoener van sy planne. Hy moet na die Here terugkeer, sodat Hy hom genadig kan wees, en na sy God, want Hy vergeef oorvloediglik.

Esegiël 16:63

sodat jy kan onthou en skaam wees. Jy sal nie weer jou mond oopmaak nie vanweë jou skaamte, wanneer Ek aan jou versoening skenk vir alles wat jy gedoen het. ” Dit is die uitspraak van my Heer, die Here.’ ”

Miga 7:19

wat ons weer genadig sal wees, ons skuld sal vertrap. U sal al ons sondes in die dieptes van die see gooi.

Matteus 10:37

“Wie sy vader of moeder bo My liefhet, is My nie waardig nie, en wie sy seun of dogter bo My liefhet, is My nie waardig nie.

Lukas 7:39

Toe die Fariseër wat Hom uitgenooi het, dit sien, het hy in sy hart gedink, as hierdie man 'n profeet was, sou hy tog geweet het wie dit is wat hom aanraak en watter soort vrou sy is, dat sy 'n sondige vrou is.

Lukas 7:46

Jy het my kop nie met olyfolie gesalf nie, maar sy het my voete met reukolie ingevryf.

Lukas 7:48

En vir haar het Hy gesê: “Jou sondes is vergewe.”

Handelinge 5:31

Hom het God as Leidsman en Verlosser tot aan sy regterhand verhoog, om aan Israel bekering en vergewing van sondes te skenk.

Romeine 5:20

Die wet het daarby gekom, met die gevolg dat die oortreding toegeneem het; maar namate die sonde toegeneem het, het die genade nog soveel oorvloediger geword.

2 Korinthiërs 5:14

Die liefde van •Christus dryf ons, omdat ons tot dié insig gekom het dat, indien Een vir almal gesterf het, almal dan gesterf het;

Galasiërs 5:6

Want in Christus Jesus is besnedenheid of onbesnedenheid van geen belang nie, maar wel geloof wat deur liefde werksaam is.

Efesiërs 6:24

Sy genade bly met almal wat vir ons Here Jesus Christus onverganklik liefhet.

Filippense 1:9

Ek bid juis dat julle liefde al hoe meer sal toeneem in kennis en insig,

1 Timoteus 1:14

Ons Here se genade oor my was oorvloedig, en daarmee saam ook nog die geloof en liefde wat daar in Christus Jesus is.

1 Johannes 1:7

maar as ons in die lig leef, soos wat Hy in die lig is, is ons aan mekaar verbonde, en reinig die bloed van Jesus, sy Seun, ons van elke sonde.

1 Johannes 3:18

Kinders, ons moenie net met woorde, met die tong, liefhê nie, maar met die daad, in waarheid.

1 Johannes 4:19

Ons het lief, omdat Hy ons eerste liefgehad het.

1 Johannes 5:3

Want dit is die liefde vir God, dat ons sy gebooie onderhou, en sy opdragte is nie 'n swaar las nie;