Lukas 2:8 - Die Bybel 2020-vertaling

⁸ Daar was skaapwagters in dieselfde omgewing wat in die oop veld gebly en snags hulle skaaptroppe opgepas het.

Bybel vir almal

⁸ Daar was skaapwagters buite in die veld naby Betlehem. Hulle het in die nag hulle skape opgepas.

Afrikaans 1933-1953

⁸ EN daar was herders in dieselfde landstreek, wat in die oop veld gebly en in die nag oor hulle skape wag gehou het.

Afrikaans 1983

⁸ Daar was skaapwagters in daardie omgewing wat in die oop veld gebly en in die nag oor hulle skape wag gehou het.

Contemporary Afrikaans Bible 2023

⁸ En daar was in dieselfde land herders wat in die veld gebly het en in die nag oor hulle kudde gewaak het.

Die Boodskap

⁸ Daar in die omgewing van Betlehem het ’n klompie skaapwagters gebly. Hulle het in die oop veld geslaap. Snags het hulle hulle skape opgepas.

Nuwe Lewende Vertaling

⁸ Daardie nag was daar skaapwagters wat in die veld buite die dorpie hulle skape opgepas het.

Lukas 2:8 Kruisverwysings

Esegiël 34:8

“So seker as wat Ek leef,” is die uitspraak van my Heer, die Here: “omdat my kleinvee buit geword het en my kleinvee voedsel is vir al die wilde diere, omdat daar by hulle geen herder was nie, omdat my herders nie vir my kleinvee gesorg het nie, en die herders net aan hulleself weiding verskaf en my kleinvee nie laat wei het nie”

Lukas 2:7

en sy het geboorte geskenk aan haar eerste kind, 'n seun. Sy het Hom in doeke toegedraai en in 'n krip neergelê, omdat daar nie vir hulle plek in die herberg was nie.

Lukas 2:9

'n Engel van die Here het aan hulle verskyn, en die hemelse glans van die Here het rondom hulle geskyn. Hulle het geweldig groot geskrik.