Lukas 18:12 - Die Bybel 2020-vertaling

¹² Ek vas twee keer per week, en ek gee 'n tiende van alles wat ek verdien. ’

Bybel vir almal

¹² Ek vas twee maal in 'n week, en ek gee tiendes van alles wat ek kry.’

Afrikaans 1933-1953

¹² Ek vas twee keer in die week, ek gee tiendes van alles wat ek verkry.

Afrikaans 1983

¹² Ek vas twee keer in die week en ek gee 'n tiende van my hele inkomste.’

Contemporary Afrikaans Bible 2023

¹² Ek vas twee keer in die week, ek gee tiendes van alles wat ek besit.

Die Boodskap

¹² “‘O ja, kyk net wat doen ek alles: ek vas twee keer elke week. Ek gee ook ’n tiende van elke sent wat ek verdien.’

Nuwe Lewende Vertaling

¹² Ek vas twee keer gedurende die week, en ek gee ’n tiende van alles wat ek verdien!’

Lukas 18:12 Kruisverwysings

2 Konings 10:16

en sê: “Gaan saam met my en aanskou my ywer vir die Here.” So het hulle hom op sy strydwa laat ry.

Jesaja 1:15

As julle julle hande uitstrek, sluit Ek my oë vir julle. Selfs as julle baie bid, luister Ek nie. Julle hande is vol bloed.

Maleagi 3:8

Mag 'n mens God besteel? Maar julle besteel My! En dan vra julle nog, ‘Hoe besteel ons U?’ Van tiendes en •wydingsgeskenke!

Numeri 18:24

want die tiendes van die Israeliete wat hulle as wydingsgeskenk vir die Here aanbied, gee Ek vir die Leviete as erfenis. Daarom het Ek vir hulle gesê hulle sal nie 'n erfenis tussen die Israeliete ontvang nie.”

Numeri 23:4

God het Bileam toe ontmoet. Bileam het vir Hom gesê: “Die sewe altare het ek gereedgemaak, en ek het 'n bul en 'n ram op elke altaar geoffer.”

Matteus 5:20

Want Ek sê vir julle, as julle •geregtigheid nie aansienlik meer is as dié van die skrifkenners en die •Fariseërs nie, sal julle beslis nie die koninkryk van die hemele binnegaan nie.

Matteus 6:1

“Wees op julle hoede dat julle nie julle •geregtigheid voor die mense beoefen om deur hulle gesien te word nie, anders is daar vir julle geen beloning by julle Vader in die •hemele nie.

Matteus 6:16

“Wanneer julle vas, moenie soos die skynheiliges met hulle lang gesigte wees nie, want hulle trek hulle gesigte, sodat die mense kan sien dat hulle vas. •Amen, Ek sê vir julle: Hulle het reeds hulle volle beloning ontvang.

Matteus 6:5

“En wanneer julle bid, moet julle nie soos die skynheiliges wees nie, want hulle hou daarvan om in die sinagoges en op die straathoeke te staan en bid, sodat hulle deur die mense gesien kan word. •Amen, Ek sê vir julle: Hulle het reeds hulle volle beloning ontvang.

Matteus 9:14

Toe het Johannes se dissipels na Jesus gekom en gesê: “Waarom vas ons en die •Fariseërs gereeld, maar u dissipels vas nie? ”

Lukas 11:42

Maar wee julle, Fariseërs, want julle gee tiendes van kruisement en wynruit en allerhande soorte kruie, maar julle verwaarloos die reg en die liefde vir God. Hierdie dinge moes julle gedoen het sonder om die ander na te laat.

Lukas 17:10

Dieselfde geld vir julle: Wanneer julle alles gedoen het wat aan julle opgedra is, sê dan, ‘Ons is nikswerd slawe. Ons het net gedoen wat ons moes doen.’ ”

Romeine 3:27

Is daar dan nog sprake van roem? Dit is uitgesluit. Deur watter wet? Die wet van die werke? Nee, deur die wet van die geloof.

1 Korinthiërs 1:29

sodat geen mens iets het waarop hy hom voor God kan beroem nie.

Galasiërs 1:14

en dat ek in die uitlewing van die Joodse godsdiens baie van my tydgenote in my volk oortref het, deurdat ek my soveel meer beywer het vir die tradisies van my voorvaders.

Efesiërs 2:9

Dit kom nie uit eie werke nie, sodat niemand op iets mag roem nie.

1 Timoteus 4:8

want liggaamlike oefening is wel in 'n geringe mate nuttig, maar godvresendheid is nuttig in alle opsigte. Dit hou belofte in vir die huidige én die toekomstige lewe.

1 Samuel 15:13

Toe Samuel by Saul kom, sê Saul vir hom: “Mag u geseënd wees deur die Here! Ek het die opdrag van die Here uitgevoer.”