Lukas 15:1 - Die Bybel 2020-vertaling

¹ Al die •tollenaars en die sondaars het dikwels nader gekom om na Hom te luister.

Bybel vir almal

¹ Al die tollenaars en sondaars het na Jesus toe gekom om na Hom te luister.

Afrikaans 1933-1953

¹ EN al die tollenaars en sondaars het die gewoonte gehad om na Hom te kom en na Hom te luister.

Afrikaans 1983

¹ Die tollenaars en sondaars het almal die gewoonte gehad om na Jesus te kom luister.

Contemporary Afrikaans Bible 2023

¹ Toe het al die tollenaars en sondaars na Hom gekom om na Hom te luister.

Die Boodskap

¹ Teen daardie tyd was dit mode vir die godsdienstige leiers van die Jode om na Jesus te kom luister en Hom dan te kritiseer oor alles wat Hy sê en doen.

Nuwe Lewende Vertaling

¹ Tollenaars en ander sondaars het dikwels na Jesus se onderrig kom luister.

Lukas 15:1 Kruisverwysings

Esegiël 18:27

En wanneer 'n goddelose hom bekeer van die goddeloosheid wat hy begaan het, en hy tree reg en billik op – hy sal sy lewe behou.

Matteus 5:46

As julle diegene liefhet wat vir julle liefhet, verdien julle dan enige beloning? Maak die •tollenaars nie ook maar so nie?

Lukas 13:30

En kyk, wie laaste is, sal eerste wees, en wie eerste is, sal laaste wees.”

Lukas 7:29

Die hele volk wat na Hom geluister het, ook die •tollenaars, het saamgestem dat God reg gehandel het, en hulle met die doop van Johannes laat doop.

Romeine 5:20

Die wet het daarby gekom, met die gevolg dat die oortreding toegeneem het; maar namate die sonde toegeneem het, het die genade nog soveel oorvloediger geword.

1 Timoteus 1:15

Dié uitspraak is betroubaar, en werd om ten volle aanvaar te word, dat Christus Jesus na die wêreld gekom het om sondaars te verlos, van wie ek die heel grootste is.